Marko 10:1 - Rapa Nui

¹ He eꞌa a Ietū mai Kaperenāū, he oho ki Hūrea ꞌe ki te rua pāꞌiŋa o te rio ko Horotana. ꞌI ira te taŋata i taka-taka haka ꞌou ai, ꞌe he haꞌamata a Ietū he hāpī, pa he meꞌe rava aŋa e ia.

Marko 10:1 Iomraidhean Croise

Māteo 26:55

He ꞌui ia e Ietū ki tū nuꞌu taꞌatoꞌa era: —¿He toke-toke ꞌō a au i oho mai ai kōrua e maꞌu-maꞌu rō ꞌana i te hoe ꞌe i te miro mo ꞌa-ꞌaru i a au? Paurō te mahana, paꞌi, a au e hāpī era ꞌi te Kona Haꞌamuri ꞌAtua, ꞌe ꞌina kōrua kai ꞌa-ꞌaru i a au.

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Marko 1:21

He oho ia a Ietū ananake ko tū nuꞌu era ki Kaperenāū. I tano era te ⌊mahana haka ora⌋, he uru a Ietū ki roto i te ⌊hare pure hūrio⌋ he hāpī i te taŋata.

Marko 10:2

He haka hāhine ia ki a Ietū te tētahi nuꞌu ⌊fariseo⌋ ꞌe, mo haka ꞌatu koiꞌite e kī rō i te meꞌe taꞌe tano, he ꞌui hoki e tano rō te kenu ⌊hāipo-ipo⌋ mo haꞌataꞌa mai tāꞌana viꞌe.

Marko 12:35

E hāpī nō ꞌā a Ietū ꞌi te Kona Haꞌamuri ꞌAtua, he kī: «Ko ꞌite ꞌana a kōrua: te maꞌori o te haka tere hūrio e kī rō ꞌana: mai i a ⌊Tāvita⌋ te Kiritō ka haka ara ena.

Marko 14:49

Paurō te mahana ꞌi muri i a kōrua e noho e hāpī era a au ꞌi te Kona Haꞌamuri ꞌAtua ꞌe ꞌina a kōrua kai ꞌa-ꞌaru i a au. I ai ai pē nei e haka tano ꞌā ki te meꞌe hāꞌaki ꞌi ruŋa i te Pāpaꞌi Moꞌa.

Marko 2:13

ꞌI te mahana e tahi he hoki a Ietū ki te taha-taha o te vai era ko Karirea. E haꞌere nō ꞌana, he piri te taŋata ꞌe he hāpī he oho e Ietū.

Marko 4:2

Meꞌe rahi te meꞌe e hāpī era e Ietū hai ꞌaꞌamu haꞌaauraꞌa. E hāpī nō ꞌā he kī:

Marko 6:2

I tano era te ⌊mahana haka ora⌋, he haꞌamata he hāpī ꞌi roto i te ⌊hare pure hūrio⌋. Nuꞌu rahi i ŋaroꞌa i a Ietū ꞌe he ꞌui ki a rāua ꞌā koia ko māere: —¿ꞌI hē te kope nei i ꞌite ai i te meꞌe taꞌatoꞌa era? ¿O hē tōꞌona mārama-rama ꞌe te pūai mo aŋa i te mana aŋa e ia?

Marko 6:34

I topa era a Ietū mai ruŋa i te vaka, he takeꞌa i te rahi o te taŋata e tiaki ꞌā ki a ia. He haka ꞌaroha ꞌi rā nuꞌu; e tuꞌu rō ꞌana, paꞌi, pa he māmoe ꞌina he taŋata mo hāpaꞌo. He haꞌamata ia a Ietū he hāpī meꞌe rahi nō atu meꞌe o ruŋa i te ⌊haka tere iŋa ꞌāpī o te ꞌAtua⌋.

Marko 6:6

ꞌE a Ietū ko māere ꞌā ꞌi te nuꞌu o ira ꞌi te taꞌe ⌊haka moe i te manaꞌu⌋ ꞌi ruŋa i a ia. He eꞌa ia a Ietū he oho ki kona era ki kona era e hāpī ꞌā i te taŋata.

Iovani 10:40

He eꞌa ia a Ietū, he hoki ki te rua pāꞌiŋa o te rio era ko Horotana ki te kona ⌊papatito⌋ era e Iovani i te taŋata ꞌe he noho ꞌi ira.

Iovani 11:7

I oti era he kī ki tāꞌana nuꞌu hāpī: —Mai ki hoki haka ꞌou tātou ki Hūrea.

Iovani 18:20

He kī e Ietū: —I vānaŋa ai a au ꞌi muꞌa o te nuꞌu taꞌatoꞌa: he hāpī tāꞌaku aŋa ꞌi roto i te ⌊hare pure hūrio⌋ ꞌe ꞌi te Kona Haꞌamuri ꞌAtua, he kona ꞌi ira e taka-taka ena te hūrio taꞌatoꞌa. ꞌIna e tahi ꞌāꞌaku vānaŋa i taꞌe kī ꞌi muꞌa o te taŋata.