Marko 1:8 - Rapa Nui

⁸ A au e papatito atu ena hai vai; ꞌe, a ia ka papatito ena i a kōrua hai ⌊Vārua Maitai⌋».

Marko 1:8 Iomraidhean Croise

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Marko 1:7

ꞌI roto i tāꞌana tātara e kī takoꞌa rō ꞌā: «ꞌI tuꞌa ōꞌoku ka oho mai ena te kope ꞌata hau ꞌi te pūai ki a au; ꞌātā e ko tano a au mo kume i te hau o tōꞌona kirivaꞌe.

Marko 1:9

ꞌI te mahana e tahi he eꞌa a Ietū mai Nātāreta, he kona o Karirea, he oho ki tū rio era ko Horotana ꞌe he papatito e Iovani.

Ruka 3:16

ꞌO ira i kī ai e Iovani: —Te parautiꞌa, a au e papatito nei hai vai; ꞌe nā e oho mai ena te kope mo papatito atu hai ⌊Vārua Maitai⌋ ꞌe hai ahi. ꞌAta hau a ia ki a au; ꞌātā e ko tano au mo kume i te hau o tōꞌona kirivaꞌe.

Iovani 1:26

He kī e Iovani: —A au e papatito nei hai vai; ꞌe, nā ꞌi roto i a kōrua te kope e tahi kai ꞌite ꞌā e kōrua ko ai mau a ia.

Iovani 1:33

ꞌI rā hora kai ꞌite hia ꞌana a au ko ai rā kope. O te ꞌAtua uŋa mai era i a au mo papatito hai vai i kī mai: “Taŋata ena ka takeꞌa ena e koe ko topa ꞌana te Vārua Maitai ꞌe ko noho ꞌana ꞌi ruŋa i a ia, māꞌana e papatito hai Vārua Maitai”.

Aŋa o te ꞌĀpōtoro 1:5

A ⌊Iovani⌋ hai vai i ⌊papatito⌋ ai; ꞌe, e ko roa te mahana, nā he papatito atu te ꞌAtua i a kōrua hai Vārua Maitai, te auraꞌa, he uŋa i te Vārua Maitai mo noho mau rō ꞌāvai ꞌi roto i a kōrua».

Aŋa o te ꞌĀpōtoro 10:45

Te nuꞌu hūrio haka moe i te manaꞌu ꞌi ruŋa i a Ietū tuꞌu ꞌi muri i a Pētero he māere ꞌo te topa o te Vārua Maitai ꞌi ruŋa i te nuꞌu taꞌe he hūrio.

Aŋa o te ꞌĀpōtoro 2:17

“ꞌI te ŋā mahana hopeꞌa era, i kī ai e te ꞌAtua, e vaꞌai rō e au i tōꞌoku Vārua Maitai ki te taŋata taꞌatoꞌa. Te ŋā poki o kōrua e haka ꞌite rō i te roŋo haka ꞌite e au ki a rāua, te ŋā poki ꞌāpī e takeꞌa rō i te meꞌe haka takeꞌa e au, ꞌe te nuꞌu korohuꞌa e moe vārua rō.

Aŋa o te ꞌĀpōtoro 2:4

He ꞌī ia ananake e te pūai o te Vārua Maitai ꞌe he haꞌamata he vānaŋa ꞌarero kē ꞌarero kē, hai ꞌarero haka vānaŋa e te Vārua Maitai.

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.