Marko 1:7 - Rapa Nui

⁷ ꞌI roto i tāꞌana tātara e kī takoꞌa rō ꞌā: «ꞌI tuꞌa ōꞌoku ka oho mai ena te kope ꞌata hau ꞌi te pūai ki a au; ꞌātā e ko tano a au mo kume i te hau o tōꞌona kirivaꞌe.

Marko 1:7 Iomraidhean Croise

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Māteo 3:14

A Iovani kai haŋa ꞌi raꞌe mo papatito i a Ietū ꞌe he kī: —¿Taꞌe ꞌō ko au te meꞌe mo papatito mai e koe? ꞌE, ka ai atu pē ira, ¿e oho mai ꞌā koe mo papatito atu e au?

Marko 1:6

Te kahu uru o Iovani i aŋa ai hai huru-huru kameio ꞌe hai pena kiri e here era. Hai manu tuꞌu pa he pereteꞌi ꞌe hai meri ravaꞌa o rā kona e kai era.

Marko 1:8

A au e papatito atu ena hai vai; ꞌe, a ia ka papatito ena i a kōrua hai ⌊Vārua Maitai⌋».

Ruka 3:16

ꞌO ira i kī ai e Iovani: —Te parautiꞌa, a au e papatito nei hai vai; ꞌe nā e oho mai ena te kope mo papatito atu hai ⌊Vārua Maitai⌋ ꞌe hai ahi. ꞌAta hau a ia ki a au; ꞌātā e ko tano au mo kume i te hau o tōꞌona kirivaꞌe.

Iovani 1:27

I tuꞌa i a au ka tuꞌu mai ena. ꞌE, ꞌi tōꞌona hōnui, e ko tano a au mo noi mo kume i te hau o tōꞌona kirivaꞌe.

Aŋa o te ꞌĀpōtoro 13:25

I hāhine era a Iovani mo haka mao i rā aŋa, he kī: “Taꞌe ko au te taŋata ena e kōrua e manaꞌu ena. Nā e tuꞌu rō mai e tahi kope ꞌata hau rō atu ki a au, ꞌātā e ko tano a au ni mo kume nō i te hau o tōꞌona kirivaꞌe”.

Aŋa o te ꞌĀpōtoro 19:4

He kī e Pauro: —He aŋi ꞌā, a Iovani i papatito rō i te nuꞌu huri i te rāua manaꞌu ki te ꞌAtua haka tapa mai roto i te meꞌe taꞌe tano. ꞌE i kī takoꞌa rō e ia mo haka moe i te manaꞌu ꞌi ruŋa i te kope ꞌi tuꞌa i a ia ka tuꞌu era, te auraꞌa, ko Ietū.