Marko 1:5 - Rapa Nui

⁵ E rahi rō ꞌā te taŋata e oho era mai Hērutarema ꞌe mai te kona taꞌatoꞌa o Hūrea haka roŋo i tāꞌana vānaŋa. Te nuꞌu pinitinia i te rāua hara i papatito tahi rō e Iovani ꞌi roto i te rio ko Horotana.

Marko 1:5 Iomraidhean Croise

Māteo 4:25

Meꞌe rahi nō atu nuꞌu o Karirea, o Rēkāpori, o Hērutarema, o Hūrea ꞌe o te pāꞌiŋa eꞌa o te raꞌā o te rio ko Horotana i oho ꞌi muri i a Ietū.

Marko 1:4

Pē ira i tuꞌu i tātara ai a Iovani Papatito ꞌi te kona ꞌone taꞌe noho taŋata. Tāꞌana tātara: e ⌊papatito⌋ te taŋata mo takeꞌa ko ⌊huri ꞌana te rāua manaꞌu ki te ꞌAtua⌋, pē ira he haka kore e te ꞌAtua i te rāua hara.

Marko 1:6

Te kahu uru o Iovani i aŋa ai hai huru-huru kameio ꞌe hai pena kiri e here era. Hai manu tuꞌu pa he pereteꞌi ꞌe hai meri ravaꞌa o rā kona e kai era.

Iovani 1:28

Te meꞌe taꞌatoꞌa nei i topa ai ꞌi te kona te ꞌīŋoa ko Vētānia, ꞌi te rua pāꞌiŋa o te rio era ko Horotana, he kona ꞌi ira a Iovani e papatito era.

Iovani 3:23

A Iovani e papatito takoꞌa ꞌā ꞌi ꞌĒnono, he kona e rahi rō ꞌā te vai hāhine ki Tārima. Te taŋata e oho rō ꞌana ꞌe he papatito ꞌi ira.

Iovani 5:35

»Te meꞌe hāpī e Iovani pa he hakariꞌi haka māꞌeha i te kōrua manaꞌu, ꞌe i koa rō kōrua ꞌi rā hāpī ꞌi te ŋā mahana haka ꞌite atu era.

Aŋa o te ꞌĀpōtoro 19:18

Meꞌe rahi nuꞌu haka moe iho i te manaꞌu ꞌi ruŋa i a Ietū i haka ꞌite, ꞌi muꞌa o te taŋata, i te rāua meꞌe taꞌe tano taꞌatoꞌa aŋa.

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Tanatiako 5:16

ꞌO ira, ꞌi roto i a kōrua e kī i te kōrua hara ꞌe e pure te taina nei mo te taina era, ki haka ora atu ai e te ꞌAtua i te kōrua hakari ꞌe i te kōrua vārua. Te pure o te kope aŋa i te meꞌe tī-tika ki te mata o te ꞌAtua e ai rō ꞌana te mana.