Marko 1:41 - Rapa Nui

⁴¹ He haka ꞌaroha a Ietū i tū taŋata era; he haka puā hai rima he kī: —Ko haŋa ꞌana a au.

Marko 1:41 Iomraidhean Croise

Māteo 9:36

I uꞌi era e Ietū i te taŋata, he haka ꞌaroha; e tuꞌu rō ꞌana pa he māmoe ꞌina he taŋata mo hāpaꞌo i a rāua, ko rohi-rohi ꞌana ꞌe ꞌina he haŋu toe.

Marko 1:40

ꞌI te mahana e tahi he haka hāhine ki a Ietū te taŋata māui-ui ꞌi te rēpera, he noi he tū-turi ꞌai ka kī: —Mo haŋa ōꞌou, i a koe te ora o tōꞌoku māui-ui.

Marko 1:42

ꞌI tū hora ꞌā he kore te māui-ui ꞌe he ora rō ꞌai.

Marko 4:39

He eꞌa a Ietū ki ruŋa he kī ki te tokerau ꞌe ki te pari: «¡Ka mou! ¡Ka noho!». ꞌI tū hora ꞌā he kiva-kiva te tokerau ꞌe he māria te vai.

Marko 5:41

He ꞌa-ꞌaru i te rima o tū poki era ko mate ꞌā ꞌe he kī: —Talita, kumi. Te auraꞌa o te vānaŋa nei: «E vovo, ki a koe a au e kī atu ena: ka eꞌa ki ruŋa».

Marko 6:34

I topa era a Ietū mai ruŋa i te vaka, he takeꞌa i te rahi o te taŋata e tiaki ꞌā ki a ia. He haka ꞌaroha ꞌi rā nuꞌu; e tuꞌu rō ꞌana, paꞌi, pa he māmoe ꞌina he taŋata mo hāpaꞌo. He haꞌamata ia a Ietū he hāpī meꞌe rahi nō atu meꞌe o ruŋa i te ⌊haka tere iŋa ꞌāpī o te ꞌAtua⌋.

ꞌEvereo 1:3

Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.