Marko 1:27 - Rapa Nui

²⁷ He riꞌa-riꞌa te nuꞌu taꞌatoꞌa koia ko ꞌui ki a rāua ꞌā: «¿He aha nei? ¡Te huru o tōꞌona hāpī iŋa huru ꞌāpī! ¡Te pūai ꞌātā he haꞌatura e te tātane!».

Marko 1:27 Iomraidhean Croise

Māteo 15:31

He māere te taŋata ꞌi te takeꞌa i te nuꞌu taꞌe vānaŋa ko vānaŋa ꞌā, i te nuꞌu rima rehe-rehe ko ora ꞌana, i te nuꞌu vaꞌe koke ko haꞌere ꞌā ꞌe i te nuꞌu matapō ko takeꞌa ꞌana. ꞌE he haꞌamata rō ꞌai he haꞌahana-hana ki te ꞌAtua o te itaraera.

Māteo 8:9

A au mau nei ꞌā e ai rō ꞌana te kope ꞌata hau rō atu te tōroꞌa ki a au, ꞌe pē ira takoꞌa ꞌana e ai rō ꞌana te vaꞌehau ko au te kape o rāua. Mo kī ōꞌoku e tahi o rāua: “¡Ka oho!”, he oho; ꞌe mo kī ōꞌoku ki te rua: “¡Ka oho mai!”, he oho mai; ꞌe mo uŋa ōꞌoku i tōꞌoku tāvini mo aŋa e tahi meꞌe, he aŋa.

Māteo 9:33

I haka eꞌa era e Ietū i rā tātane, he haꞌamata he vānaŋa rā taŋata. Te nuꞌu ko māere atu ꞌā e kī era: «¡ꞌIna kai takeꞌa ꞌā ki te hora hopeꞌa i te meꞌe tuꞌu pē nei ꞌi Itaraera!».

Marko 1:26

He haka kiki-kiki i rā taŋata, ꞌai ka eꞌa mai roto koia ko ki-kiu.

Marko 1:28

ꞌE kai roa te parau ꞌāpī o ruŋa i a Ietū i tuꞌu ai ki te kona taꞌatoꞌa o Karirea.

Marko 10:24

He māere rō atu ꞌai tū nuꞌu era ꞌi rā vānaŋa. He kī haka ꞌou e Ietū: —E kuā haŋu ē, ¡ko te aŋa riꞌa-riꞌa mo oꞌo ki roto i te haka tere iŋa ꞌāpī o te ꞌAtua!

Marko 10:32

ꞌI te ara ki Hērutarema, ꞌi muꞌa o tāꞌana nuꞌu hāpī e oho era a Ietū. Ko māere ꞌā tū nuꞌu era ꞌāꞌana, ꞌe te nuꞌu oho o tuꞌa o rāua e riꞌa-riꞌa rō ꞌā. He toꞌo e Ietū a te tapa i tū nuꞌu hāpī era ꞌāꞌana e hoꞌe ꞌahuru mā piti ꞌe he haꞌamata he vānaŋa haka ꞌou o ruŋa i te meꞌe ka topa era ki a ia:

Marko 16:5

I uru era ki roto i tū kona haka rē pāpaku era, he takeꞌa e noho rō ꞌā ꞌi te pāꞌiŋa mataꞌu e tahi taŋata ꞌāpī e uru rō ꞌā i te kahu tea-tea. He riꞌa-riꞌa rō atu ꞌai rā ŋā viꞌe.

Marko 16:6

He kī e rā taŋata: «ꞌIna ko riꞌa-riꞌa. A kōrua e kimi ꞌana i a Ietū era o Nātāreta, kope veo era ꞌi ruŋa i te tātaurō. A ia ko ora haka ꞌou ꞌā; ꞌina o nei. Ka uꞌi nō a te kona haka rē era i a ia».

Marko 7:37

Ko māere atu ꞌā rā nuꞌu e kī era: «Taꞌatoꞌa meꞌe aŋa e ia meꞌe riva-riva. ¡ꞌĀtā e haka ha-hata nō i te tariŋa o te taŋata tariŋa pō ꞌe e haka vānaŋa nō i te taŋata ꞌina he vānaŋa!».

Ruka 4:36

He riꞌa-riꞌa tahi tū nuꞌu era koia ko kī ki a rāua ꞌā: «¿Ko ŋaroꞌa ꞌā e kōrua te vānaŋa o te kope era? I kī era ki te tātane ka eꞌa, he eꞌa rō ꞌai».

Ruka 9:1

E tahi mahana he haka taka-taka e Ietū a ho-hoꞌe ꞌahuru mā piti nuꞌu hāpī ꞌāꞌana, ꞌe he vaꞌai i te pūai ꞌe i te parau mo haka eꞌa i te tātane mai roto i te taŋata ꞌe mo haka ora rauhuru māui-ui.

Aŋa o te ꞌĀpōtoro 17:19

He maꞌu ia i a Pauro ki muꞌa o te nūnaꞌa taŋata ra-rahi o rā kona, he Areopako, ꞌe he kī: «E haŋa rō ꞌana a mātou mo vānaŋa mai ōꞌou o ruŋa i te hāpī ꞌāpī haka ꞌite oho e koe.