Marko 1:15 - Rapa Nui

¹⁵ Pē nei e kī era: «Nā ko hāhine mai ꞌā te ⌊haka tere iŋa ꞌāpī o te ꞌAtua⌋; ko tano ꞌana, paꞌi, te hora kī era mo tuꞌu mai. ꞌO ira, ka huri te kōrua manaꞌu ki a ia, ka haka tapa mai roto i te hara, ꞌe ꞌai ka haka moe rō te kōrua manaꞌu ꞌi ruŋa i te roŋo riva-riva o te ꞌAtua, ki oꞌo ai a kōrua ki roto i te haka tere iŋa ꞌāpī ōꞌona».

Marko 1:15 Iomraidhean Croise

Māteo 10:7

»Ka oho ka haka ꞌite: “Te ⌊haka tere iŋa ꞌāpī o te ꞌAtua⌋ nā ko hāhine mai ꞌā”.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 4:17

Mai rā hora he haꞌamata a Ietū he tātara: «Ka huri te kōrua manaꞌu ki te ꞌAtua; ko hāhine mai ꞌana te haka tere iŋa ꞌāpī ōꞌona».

Ruka 10:11

“¡Te puŋaꞌehu o te kona nei puhia mai ki ruŋa i te mātou vaꞌe ꞌī e mātou he tū-tū mo ꞌite e kōrua pē nei ē: te ūtuꞌa o te ꞌAtua ka topa atu ena, i a kōrua ꞌā! ꞌE, e ꞌite takoꞌa: te haka tere iŋa ꞌāpī o te ꞌAtua nā ko hāhine mai ꞌana”.

Ruka 10:9

E haka ora te nuꞌu māui-ui o nā kona ꞌe ꞌai ka kī rō: “Te haka tere iŋa ꞌāpī o te ꞌAtua nā ko hāhine mai ꞌā”.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Aŋa o te ꞌĀpōtoro 20:21

Ki te hūrio ꞌe ki te nuꞌu taꞌe he hūrio e kī era e au mo huri o te manaꞌu ki te ꞌAtua ꞌe mo haka moe i te manaꞌu ꞌi ruŋa i te tātou Pūꞌoko Haka Tere ko Ietū.

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,

Ēfeto 1:10

ꞌi te mahana kī e ia. Rā meꞌe manaꞌu era e te ꞌAtua mo aŋa he haka riro i a Ietū Kiritō he Pūꞌoko Haka Tere o te meꞌe taꞌatoꞌa o te raŋi ꞌe o te ao.

1 Timoteo 2:6

ꞌO haka ūtuꞌa e te ꞌAtua i te taŋata, i vaꞌai ai a Ietū i a ia mo mate mo ꞌamo e ia i te ūtuꞌa o te hara. Te meꞌe nei i topa ai ꞌi te hora kī e te ꞌAtua, ꞌe i haka ꞌite rō mai ki a tātou: a ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara.