Marko 1:13 - Rapa Nui

¹³ E maha ꞌahuru mahana i noho ai ꞌi ira, ꞌe he haka ꞌatu e Rukifero mo hara o Ietū; ꞌi muri i te manuꞌino e noho era ꞌe o te merahi te hāpaꞌo i a ia.

Marko 1:13 Iomraidhean Croise

Māteo 26:53

¿Kai ꞌite ꞌō koe mo ani ōꞌoku ki tōꞌoku Matuꞌa, he uŋa mai e ia, ꞌi te hora mau nei ꞌā, ka taꞌutini ka taꞌutini te merahi?

Māteo 4:1

He maꞌu ia e te ⌊Vārua Maitai⌋ i a Ietū ki te kona ꞌone taꞌe noho taŋata mo haka ꞌatu e Rukifero koiꞌite e aŋa rō e tahi meꞌe taꞌe haŋa e te ꞌAtua.

Ruka 4:1

He eꞌa ia a Ietū mai te kona rio era ko Horotana, ko ꞌī ꞌā e te pūai o te ⌊Vārua Maitai⌋, ꞌe he oho ki te kona ꞌone taꞌe noho taŋata, i haka oho e te Vārua Maitai.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.