Firemono 1:7 - Rapa Nui

⁷ Ko koa ꞌana a au ꞌe ko ꞌata ai ꞌana tōꞌoku haŋu, e Firemono ē, ꞌi te ai o tuꞌu haŋa ki te nuꞌu haꞌataꞌa e te ꞌAtua māꞌana, ꞌi te meꞌe era e haka koa rō ꞌana koe i te rāua māhatu.

Firemono 1:7 Iomraidhean Croise

1 Kōrinto 16:18

o rāua te haka koa ꞌe te ꞌata haka pūai mai i a au, pa he meꞌe ka aŋa atu ena ki a kōrua ki hoki haka ꞌou atu. Te nuꞌu pē nei e moꞌa.

2 Kōrinto 7:13

He ꞌite o mātou ko haka tano tahi ꞌana e kōrua i te meꞌe pāpaꞌi atu era i ꞌata haŋu ai a mātou. Ka ai atu pē ira, ꞌata hau rō atu te mātou koa ꞌi te takeꞌa i a Tito e koa rō ꞌā mo kōrua. Hai meꞌe aŋa era e kōrua i ꞌata haka haŋu ai i a ia.

2 Kōrinto 7:4

E koa rō ꞌana a au mo kōrua, ꞌe e vānaŋa atu ena taꞌe hai riꞌa-riꞌa. Ka ai atu e ꞌamo rō ꞌana a mātou i te ꞌati, ko te pūai iŋa ꞌana tōꞌoku manaꞌu ꞌe ko te koa iŋa ꞌana a au.

1 Tētārōnika 1:3

E māuru-uru nei ꞌi te meꞌe era he manaꞌu nō te mātou aŋa pē hē kōrua e aŋa ena ki te ꞌAtua, ꞌo te ⌊haka moe i te manaꞌu⌋ ꞌi ruŋa i a Ietū, pē hē e hāꞌūꞌū ena ki te rua, ꞌo te rahi o te kōrua haŋa mo rāua, ꞌe pē hē e haꞌaoromaꞌi ena hai pūai ꞌi te hora o te ꞌati, ꞌo te ai e tiaki e oho rō ꞌā kōrua ki te hoki iŋa mai o te tātou Pūꞌoko Haka Tere ko Ietū Kiritō.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

1 Tētārōnika 2:19

Ka ai atu pē ira, ko te haŋa iŋa ꞌana a mātou mo hoki atu, he ꞌite o mātou he haka moe he oho mau rō ꞌai kōrua i te manaꞌu ꞌi ruŋa i a Ietū. Te meꞌe nei he koa e tahi mo mātou. ꞌE ꞌi te hora o tātou ka tuꞌu ena ki muꞌa o te tātou Pūꞌoko Haka Tere ko Ietū Kiritō, ꞌi te mahana o tōꞌona hoki iŋa mai, he koa a mātou mo kōrua ꞌe mo te hauhaꞌa o te mātou aŋa ꞌi roto i a kōrua.

1 Tētārōnika 3:9

E ko pau te māuru-uru o mātou ki te ꞌAtua, ꞌi roto i te mātou pure, mo te rahi o te koa ŋaroꞌa e mātou hai kōrua.

2 Timoteo 1:16

ꞌE mo ꞌOnetiforo ꞌe mo te nuꞌu taꞌatoꞌa o tōꞌona hare, ka ai ꞌi ruŋa i a rāua te riva rahi o te ꞌAtua. I rahi rō, paꞌi, te mahana i haka haŋu ai i tōꞌoku manaꞌu, ꞌe ꞌina kai haꞌamā ꞌo tōꞌoku puru ꞌi roto i te hare maꞌuꞌaurī.

Firemono 1:20

E te taina, ka aŋa koe i tāꞌaku meꞌe nei e kī atu ena hai haŋa ena ōꞌou ki te ꞌAtua; ka haka koa mai koe i tōꞌoku māhatu pa he taina haka moe i te manaꞌu ꞌi ruŋa i a Ietū.

2 Iovani 1:4

Ko koa riva-riva ꞌana a au ꞌo te ꞌite pē nei ē: e ai rō ꞌana te tētahi nuꞌu o roto i a kōrua e tano rō ꞌana te noho iŋa ki te hāpī parautiꞌa o te ꞌAtua, pa he meꞌe kī mai e ia.