Firemono 1:24 - Rapa Nui

²⁴ ꞌE, ꞌī e ꞌaroha takoꞌa atu ena a Marko, a Aritarako, a Rema, ꞌe a Ruka, nuꞌu hāꞌūꞌū mai ꞌi tāꞌaku aŋa.

Firemono 1:24 Iomraidhean Croise

Aŋa o te ꞌĀpōtoro 12:12

I aŋi-aŋi era e Pētero i tū meꞌe era, he oho ki te hare o ⌊Māria⌋, matuꞌa o Iovani, kī takoꞌa ko Marko. ꞌI ira e taka-taka rō ꞌana meꞌe rahi nuꞌu e pure ꞌā.

Aŋa o te ꞌĀpōtoro 12:25

A Verenāvē ararua ko Sauro, i oti era te rāua aŋa ꞌi Hērutarema, he hoki he oho ki Antiokia. ꞌI muri i a rāua i oho ai a Iovani, kī takoꞌa ko Marko.

Aŋa o te ꞌĀpōtoro 13:13

He eke ia a Pauro ananake ko te nuꞌu o muri i a ia ki ruŋa i te pahī ꞌe he oho mai Pafo ki Perehē, he kona e tahi o Panafiria. ꞌI ira i haka rē ai e Iovani i rā nuꞌu ꞌe he hoki he oho ki Hērutarema.

Aŋa o te ꞌĀpōtoro 19:29

Kai roa he ꞌite te nuꞌu taꞌatoꞌa o rā kona o ruŋa i tū meꞌe era ꞌe he mira-mira rō atu ꞌai te manaꞌu. He ꞌa-ꞌaru ia i a Kāio ararua ko Aritarako, he ŋāŋata o Mātērōnia oho ꞌi muri i a Pauro, he to-toi he oho ki te kona nui-nui e tahi aŋa mo taka-taka o te taŋata.

Aŋa o te ꞌĀpōtoro 27:2

I eke ai a mātou ki ruŋa i te pahī e tahi ko hāhine ꞌā mo reva ki ꞌĀtia tuꞌu atu mai te kona ꞌuahu era o Ataramītio. ꞌI muri i a mātou i oho takoꞌa atu ai te taŋata e tahi te ꞌīŋoa ko Aritarako o Tētārōnika, he kona o Mātērōnia.

2 Kōrinto 8:23

ꞌE o ruŋa i a Tito he kī atu a au: a ia he hokorua ōꞌoku ꞌe e aŋa nei a māua mo te kōrua riva-riva. ꞌE te ŋā taina haka ꞌou ena e rua o muri he nuꞌu moꞌa ꞌe haꞌatura ki te ⌊Kiritō⌋ uŋa atu e te nuꞌu haka moe i te manaꞌu ꞌi ruŋa i a Ietū o te ŋā kona nei.

Fīripo 2:25

ꞌĪ a au e manaꞌu takoꞌa ꞌā mo uŋa atu i te tātou taina ko Epafororito, kope uŋa mai era e kōrua mo hāꞌūꞌū mai ki a au. A ia he hokorua aŋa ōꞌoku ꞌe pa he vaꞌehau haka ꞌou e tahi o te ⌊Kiritō⌋.

Fīripo 4:3

ꞌE a koe, e te hokorua aŋa ōꞌoku ē: e hāꞌūꞌū ki te ŋā taina ena. A rāua ananake ko kuā Keremente ꞌe tētahi atu nuꞌu i aŋa takoꞌa rō ꞌi muri i a au ꞌi te aŋa he haka ꞌite he oho i te ⌊roŋo riva-riva o ruŋa i a Ietū⌋. Te rāua ꞌīŋoa nā ꞌi ruŋa i te puka o te ꞌAtua, puka ꞌi ruŋa e pāpaꞌi ena te ꞌīŋoa o te nuꞌu ravaꞌa i te ora ꞌāpī ꞌina he hopeꞌa raꞌa.

Kōrosa 4:10

ꞌĪ a Aritarako e ꞌaroha atu ena mo kōrua; a ia he hokorua ōꞌoku ꞌi roto i te hare maꞌuꞌaurī. ꞌE a Marko, poki o te taina poreko o te matuꞌa o Verenāvē, ꞌī e ꞌaroha takoꞌa atu ena mo kōrua. ꞌE nā a au ko pāpaꞌi atu ꞌā o ruŋa i a ia; ana tuꞌu atu, e hāpaꞌo riva-riva.

Kōrosa 4:14

A Ruka, taote haŋa rahi o mātou, ꞌī e ꞌaroha atu ena mo kōrua, ꞌe pē ira takoꞌa ꞌā te taŋata nei ko Rema.

1 Pētero 5:13

Te nuꞌu haka moe i te manaꞌu ꞌi ruŋa i a Ietū o ⌊Vāvīrōnia⌋, haꞌataꞌa e te ꞌAtua māꞌana, pa he haꞌataꞌa iŋa ena i a kōrua, ꞌī e ꞌaroha atu ena ꞌe pē ira takoꞌa ꞌana a Marko, he kope pa he poki ꞌā ꞌāꞌaku.

3 Iovani 1:8

ꞌO ira, e hāꞌūꞌū e tātou, ki ai ai a tātou ananake ꞌi te haka ꞌite iŋa o rāua i te hāpī parautiꞌa o te ꞌAtua.