Firemono 1:22 - Rapa Nui

²² E haŋa takoꞌa rō ꞌana a au mo haka riva-riva mai ōꞌou e tahi piha mōꞌoku; ko ꞌite riva-riva ꞌana, paꞌi, e au: te ꞌAtua he haka roŋo i te kōrua pure ꞌe he haka rē mai i a au mo oho atu mo uꞌi i a kōrua.

Firemono 1:22 Iomraidhean Croise

Aŋa o te ꞌĀpōtoro 27:24

mo kī mai: “ꞌIna koe ko riꞌa-riꞌa, e Pauro ē. E ko taꞌe tuꞌu koe ki muꞌa o te ꞌariki rōmano. Hai koe te ꞌAtua ka haka ora ena i te nuꞌu taꞌatoꞌa o ruŋa i te pahī nei”.

Aŋa o te ꞌĀpōtoro 28:23

He haꞌaꞌau ia a Pauro ananake ko tū nuꞌu era i te mahana mo piri haka ꞌou o rāua. I tuꞌu era ki rā mahana, he oho meꞌe rahi nuꞌu ki te hare ꞌi ira e noho era a Pauro. Mai te pōꞌā ki te ahi-ahi i vānaŋa ai a Pauro o ruŋa i te ⌊haka tere iŋa ꞌāpī o te ꞌAtua⌋. E uꞌi ꞌana mo haka aŋi-aŋi riva-riva ki rā nuꞌu o ruŋa i a Ietū hai meꞌe pāpaꞌi e ⌊Mōtē⌋ ꞌe e te perofeta.

Rōmano 15:24

ko manaꞌu ꞌana a au mo hipa atu ꞌi tōꞌoku ara ka oho nei ki Paniora. Ki tuꞌu atu a au ꞌe ki koa tātou, ka ai atu mahana taꞌe rahi, he oho haka ꞌou a au ꞌi tōꞌoku ara hai hāꞌūꞌū o kōrua.

2 Kōrinto 1:11

Te meꞌe haŋa he hāꞌūꞌū he pure mai o kōrua mo te mātou aŋa. ꞌE mo rahi o te nuꞌu pure mo mātou, he rahi takoꞌa ia te nuꞌu māuru-uru ki te ꞌAtua o tōꞌona haꞌamaitai mai i a mātou.

Fīripo 1:19

ꞌi te ꞌite ōꞌoku: māuru-uru ki te kōrua pure ꞌe ki te hāꞌūꞌū o te ⌊Vārua Maitai⌋ vaꞌai mai e Ietū Kiritō te meꞌe taꞌatoꞌa topa mai ki a au mo tōꞌoku riva-riva.

Fīripo 2:24

ka ai atu te parautiꞌa, ꞌī a au e haka noho rō ꞌā i tōꞌoku manaꞌu ꞌi ruŋa i te ꞌAtua pē nei ē: e ko roa he oho takoꞌa atu a au ki a kōrua ena.

ꞌEvereo 13:19

He no-noꞌi atu a au mo pure mai mōꞌoku, mo haꞌatiꞌa mai e te ꞌAtua mo hoki hōrou atu ōꞌoku ki muri i a kōrua.

ꞌEvereo 13:23

Mo ꞌite o kōrua: te tātou taina ko Timoteo ko eꞌa ꞌana mai roto i te hare maꞌuꞌaurī. Mo hōrou ōꞌona mo tuꞌu mai, he maꞌu atu e au ꞌi te hora ōꞌoku ka oho atu ena uꞌi i a kōrua.

Tanatiako 5:16

ꞌO ira, ꞌi roto i a kōrua e kī i te kōrua hara ꞌe e pure te taina nei mo te taina era, ki haka ora atu ai e te ꞌAtua i te kōrua hakari ꞌe i te kōrua vārua. Te pure o te kope aŋa i te meꞌe tī-tika ki te mata o te ꞌAtua e ai rō ꞌana te mana.

2 Iovani 1:12

Meꞌe rahi tāꞌaku meꞌe haŋa mo kī atu ki a kōrua, ꞌe ꞌina a au kai haŋa mo pāpaꞌi atu. Tōꞌoku haŋa he oho atu ki a kōrua ena, ꞌe he vānaŋa atu e au mau ꞌā, ki ko-koa tahi ai a tātou.

3 Iovani 1:14

E haŋa rō ꞌā, paꞌi, a au, ꞌina ko roa hia, he piri haka ꞌou tāua ꞌe māꞌaku mau ꞌā e vānaŋa atu.