Firemono 1:2 - Rapa Nui

² ki a ꞌĀpia, viꞌe taina o tātou, ki a Arakipo, hokorua takoꞌa ꞌi te aŋa o te ꞌAtua, ꞌe ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū taka-taka ꞌi tuꞌu hare.

Firemono 1:2 Iomraidhean Croise

Rōmano 16:1

Nā he oho atu te viꞌe e tahi te ꞌīŋoa ko Peve, he viꞌe hāꞌūꞌū i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o te kona era ko Tenekerea.

Rōmano 16:5

E ꞌaroha takoꞌa ki te nūnaꞌa taŋata haka moe i te manaꞌu ꞌi ruŋa i a Ietū taka-taka ꞌi te hare o Pirika ararua ko ꞌĀkira. E ꞌaroha atu kōrua ki tōꞌoku repahoa ko ꞌEpeneto, he kope raꞌe i haka moe i tōꞌona manaꞌu ꞌi ruŋa i te ⌊Kiritō⌋ o ꞌĀtia taꞌatoꞌa.

1 Kōrinto 16:19

Te nūnaꞌa taŋata taꞌatoꞌa haka moe i te manaꞌu ꞌi ruŋa i a Ietū o te ŋā kona nei o ꞌĀtia ko ꞌaroha mai ꞌā mo kōrua. A ꞌĀkira ꞌe a Pirika, ꞌe te nuꞌu taina taka-taka i te rāua hare ko ꞌaroha takoꞌa mai ꞌā mo kōrua hai ꞌīŋoa o te tātou Pūꞌoko Haka Tere,

Fīripo 2:25

ꞌĪ a au e manaꞌu takoꞌa ꞌā mo uŋa atu i te tātou taina ko Epafororito, kope uŋa mai era e kōrua mo hāꞌūꞌū mai ki a au. A ia he hokorua aŋa ōꞌoku ꞌe pa he vaꞌehau haka ꞌou e tahi o te ⌊Kiritō⌋.

Kōrosa 4:15

E ꞌaroha kōrua ki te taina taꞌatoꞌa era o Rāōrītea, ki a Ninfa, ꞌe ki te taina taꞌatoꞌa taka-taka ꞌi tōꞌona hare.

Kōrosa 4:17

E kī te meꞌe nei ki a Arakipo: «E uꞌi e aŋa tahi te aŋa vaꞌai atu era e te ꞌAtua».