Firemono 1:17 - Rapa Nui

¹⁷ ꞌO ira, mo ai he hokorua haŋa rahi mau ꞌā tāua ꞌi te aŋa o te ꞌAtua, ka toꞌo haka ꞌou atu koe i a ia ki tuꞌu hare, pa he toꞌo iŋa ōꞌou i a au mo ai ko au nā meꞌe.

Firemono 1:17 Iomraidhean Croise

Māteo 10:40

»Te kope toꞌo hāpaꞌo i a kōrua e toꞌo ꞌā i a au; ꞌe te kope toꞌo i a au e toꞌo ꞌana i te kope uŋa mai i a au.

Māteo 18:5

ꞌE te kope toꞌo ꞌe hāpaꞌo hai ꞌīŋoa ōꞌoku i te rua, ka ai atu i te poki e tahi pa he poki nei, e toꞌo ꞌana i a au.

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Aŋa o te ꞌĀpōtoro 16:15

I haka ⌊papatito⌋ rō i a ia ananake ko te nuꞌu taꞌatoꞌa o tōꞌona hare. I oti era he kī mai: «Mo ai a au he viꞌe haka moe parautiꞌa i te manaꞌu ꞌi ruŋa i a Ietū mo kōrua, ka oho mai ia kōrua ka noho ꞌi tōꞌoku hare». He haka koni he oho mai ꞌātā ka oho rō a mātou ꞌi muri.

2 Kōrinto 8:23

ꞌE o ruŋa i a Tito he kī atu a au: a ia he hokorua ōꞌoku ꞌe e aŋa nei a māua mo te kōrua riva-riva. ꞌE te ŋā taina haka ꞌou ena e rua o muri he nuꞌu moꞌa ꞌe haꞌatura ki te ⌊Kiritō⌋ uŋa atu e te nuꞌu haka moe i te manaꞌu ꞌi ruŋa i a Ietū o te ŋā kona nei.

Ēfeto 3:6

Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Fīripo 1:7

Taꞌe he meꞌe mo māere te manaꞌu ōꞌoku i te ŋā meꞌe nei mo kōrua; e maꞌu rō ꞌana, paꞌi, au i a kōrua ꞌi roto i tōꞌoku māhatu. A kōrua, paꞌi, ka ai a au ꞌi roto i te hare maꞌuꞌaurī ꞌo ꞌi muꞌa o te nuꞌu ra-rahi e haka aŋi-aŋi ꞌā pē nei ē: he parautiꞌa mau ꞌā te ⌊roŋo riva-riva o te ꞌAtua⌋, ko te hokorua iŋa nō mai ꞌā kōrua ꞌi tāꞌaku aŋa vaꞌai mai e te ꞌAtua hai riva rahi ōꞌona.

1 Timoteo 6:2

ꞌE mo ai te taŋata haka aŋa i a rāua he kope haka moe i te manaꞌu ꞌi ruŋa i a Ietū, ꞌina ko taꞌe moꞌa ꞌo te ai he taina haka moe i te manaꞌu ꞌi ruŋa i a Ietū. Te tano mau: e ꞌata aŋa riva-riva ꞌo te ai te kope era ki a ia e tāvini era he taina haŋa rahi. E Timoteo, ka hāpī te meꞌe pāpaꞌi atu ena e au ꞌe ka kī ki te taina: hai meꞌe nei a rāua ana haka tere.

Firemono 1:10

he ani atu mo haka ꞌaroha ōꞌou i a Onetimoro. A ia ko tuꞌu ꞌana pa he poki ꞌāꞌaku ꞌe a au pa he matuꞌa ōꞌona he haka moe i te manaꞌu ꞌi ruŋa i a Ietū ꞌi te hora haka ꞌite e au, ꞌi roto i te hare maꞌuꞌaurī, o ruŋa i a Ietū.

Firemono 1:12

Nā ko haka hoki haka ꞌou atu ꞌana e au: a ia he māhatu ōꞌoku.

Firemono 1:18

Mo ai ko aŋa atu ꞌā i te meꞌe taꞌe tano ꞌo ko tārahu atu ꞌā, māꞌaku e ꞌauhau atu.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

1 Pētero 5:1

Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.

1 Iovani 1:3

E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,