2 Pētero 3:9 - Rapa Nui

⁹ Taꞌe he ŋeꞌi o te ꞌAtua e taꞌe topa ena te meꞌe kī e ia, pa he meꞌe manaꞌu e te tētahi nuꞌu. Te parautiꞌa, e tiaki ꞌana ki a kōrua hai haumārū ꞌi te meꞌe era ꞌina he haŋa mo mate e tahi nuꞌu. Tāꞌana meꞌe haŋa he huri o te manaꞌu o te taŋata taꞌatoꞌa ki a ia.

2 Pētero 3:9 Iomraidhean Croise

Rōmano 13:11

E ꞌite rō ꞌana a kōrua pē hē te noho iŋa o te hora nei. ꞌO ira, e aŋa e oho nō kōrua i te meꞌe tano ki te mata o te ꞌAtua. E veveri kōrua. Hora nei ꞌata hāhine te mahana mo tuꞌu mai o Ietū mo haka eꞌa i a tātou mai te ꞌati o te ao nei ki te mahana haka moe o tātou i te manaꞌu ꞌi ruŋa i a ia.

Rōmano 13:12

Te noho iŋa taꞌe tano o te hora nei pa he pō ko hāhine ꞌana he maꞌurima e te ꞌōtea. ꞌO ira, ꞌina ko aŋa haka ꞌou tātou i te meꞌe taꞌe tano aŋa ꞌi te pō. Ki aŋa tātou i te meꞌe tano, he meꞌe aŋa ꞌi te ꞌōtea, ki ai ai mo tātou pa he kahu uru e te vaꞌehau ꞌi te hora o te tamaꞌi.

Rōmano 2:4

ꞌIna koe he tapa atu i te riva rahi taꞌe pau o te ꞌAtua, tōꞌona haꞌaoromaꞌi iŋa, ꞌe tōꞌona huru haumārū mo tiaki mai. ꞌIna e koe he ꞌite: te ꞌAtua e haka takeꞌa atu ena i tōꞌona riva rahi ꞌi te haŋa ōꞌona mo huri ōꞌou i tuꞌu manaꞌu ki a ia.

Rōmano 9:22

Pē ira takoꞌa, i te ꞌAtua te parau mo aŋa i tāꞌana meꞌe i haŋa. I haŋa rō mo haka takeꞌa i tōꞌona riri ꞌe i tōꞌona pūai ki te taŋata. ꞌE, ka ai atu pē ira, i haꞌaoromaꞌi nō hai haumārū i te nuꞌu haka riri i a ia, he nuꞌu e tano mau rō ꞌā mo haka ūtuꞌa.

1 Timoteo 1:16

ꞌE te ꞌAtua i haka ꞌaroha nō mai, ki haka takeꞌa ai e Ietū Kiritō ꞌi ruŋa i a au, kope hara taparahi-taꞌata, i te roa o tōꞌona huru haumārū mo tiaki ki te nuꞌu hara mo huri i te rāua manaꞌu ki a ia. Pē ira a au i ai ai pa he haꞌaauraꞌa mo haka moe o te nuꞌu i te manaꞌu ꞌi ruŋa i a Ietū, mo ravaꞌa e rāua i te ora ꞌāpī ꞌina he hopeꞌa raꞌa vaꞌai e te ꞌAtua.

1 Timoteo 2:4

A ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. E haŋa takoꞌa rō ꞌana te ꞌAtua mo ꞌite o te taŋata i te hāpī parautiꞌa pē nei ē:

ꞌEvereo 10:37

E kī rō ꞌana, paꞌi, ꞌi ruŋa i te Pāpaꞌi Moꞌa: «Nā he tuꞌu mai te kope era mo oho mai; e ko roa hia.

1 Pētero 3:20

vārua o te nuꞌu o te noho iŋa era o Nōē taꞌe haꞌatura ki te ꞌAtua, nuꞌu tiaki ꞌe haꞌaoromaꞌi e te ꞌAtua, ꞌi te matahiti taꞌatoꞌa aŋa era e Nōē i te pahī, mo hārui o te rāua manaꞌu ki ruŋa i a ia. ꞌE ꞌi rā hora, hoko vaꞌu nō i uru ai ki roto i te pahī ꞌe i ora ai ꞌi te ꞌati era o te vai.

2 Pētero 1:4

Hai ŋā meꞌe nei i vaꞌai mai ai i te meꞌe nui-nui ꞌe hauhaꞌa hōrea mai era mo tātou. ꞌE hai rā ŋā meꞌe hōrea mai era e riva nei tātou mo eꞌa mai roto i te manaꞌu taꞌe tano o te ao nei ꞌe mo riro o tātou pē ia, te auraꞌa, mo ai i a tātou takoꞌa tōꞌona huru riva.

2 Pētero 3:15

E manaꞌu takoꞌa kōrua: te haumārū ena o te tātou Pūꞌoko Haka Tere ko Ietū Kiritō mo tiaki nō mai he rāveꞌa e tahi ꞌāꞌana mo eꞌa o tātou o te taŋata mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE o ruŋa i te meꞌe mau nei ꞌā i pāpaꞌi atu ai e Pauro, taina haŋa rahi ena o tātou, hai mārama-rama vaꞌai e te ꞌAtua.

Meꞌe Haka Takeꞌa 2:21

I vaꞌai rō au i te hora mo huri o tōꞌona manaꞌu ki te ꞌAtua ꞌe ꞌina kai haŋa, ꞌe kai haŋa takoꞌa mo haka rē i tāꞌana meꞌe aŋa he moe i te kenu taꞌe ꞌāꞌana.