2 Pētero 3:4 - Rapa Nui

⁴ ka ꞌui era: «¿Ko aha ꞌana rā te hōrea kī era pē nei ē: e hoki haka ꞌou rō mai te ⌊Kiritō⌋? Ko mā-mate tahi ꞌana te tātou matuꞌa, ꞌe ko te noho iŋa ꞌana ꞌō te meꞌe taꞌatoꞌa pa he hora aŋa era ꞌā e te ꞌAtua i te ao».

2 Pētero 3:4 Iomraidhean Croise

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 24:28

ꞌE pa he ꞌite iŋa e tātou ꞌi te kona ai o te meꞌe mate hai taka-taka ꞌi rā kona o te manu kai i te meꞌe mate, pē ira ka ꞌite ena, hai topa iŋa o te ŋā meꞌe taꞌatoꞌa nei, ko hāhine ꞌā te hoki iŋa mai o te Poki o te taŋata.

Māteo 24:48

»ꞌE mo ai he tāvini taparahi-taꞌata manaꞌu e ko hōrou e ko tuꞌu te taŋata haka aŋa i a ia,

Marko 10:6

I aŋa era e te ꞌAtua i te ao, he aŋa takoꞌa i te taŋata ꞌe i te viꞌe mo kenu mo viꞌe.

Marko 13:19

Te ꞌati ka topa era ꞌi rā ŋā mahana he taparahi-taꞌata, he meꞌe kai topa ꞌā mai te hora aŋa e te ꞌAtua i te ao ki ꞌaŋarīnā, ꞌe ꞌina e ko ai haka ꞌou te meꞌe tuꞌu pē ira ki te hora hopeꞌa.

Ruka 12:45

»ꞌE mo haꞌamata mo tōtōā e rā tāvini i te tētahi tāvini, mo noho mo kai ꞌe mo unu ka taꞌero rō ꞌi te manaꞌu iŋa pē nei ē: e ko hōrou e ko tuꞌu te taŋata era ꞌāꞌana te haka aŋa,

Aŋa o te ꞌĀpōtoro 7:60

He tū-turi ia he ohu pūai: «¡E Ietū, ꞌina koe ko tapa atu i te hara nei o te nuꞌu nei!». I oti era te kī i te meꞌe nei, he mate.

1 Tētārōnika 2:19

Ka ai atu pē ira, ko te haŋa iŋa ꞌana a mātou mo hoki atu, he ꞌite o mātou he haka moe he oho mau rō ꞌai kōrua i te manaꞌu ꞌi ruŋa i a Ietū. Te meꞌe nei he koa e tahi mo mātou. ꞌE ꞌi te hora o tātou ka tuꞌu ena ki muꞌa o te tātou Pūꞌoko Haka Tere ko Ietū Kiritō, ꞌi te mahana o tōꞌona hoki iŋa mai, he koa a mātou mo kōrua ꞌe mo te hauhaꞌa o te mātou aŋa ꞌi roto i a kōrua.

2 Pētero 3:12

e tiaki ena kōrua ki te tuꞌu iŋa mai o te mahana era o te ꞌAtua, koia ko haŋa mo tuꞌu hōrou mai o rā mahana. ꞌI rā mahana he haka kore tahi e te ahi i te raŋi ꞌe i te meꞌe taꞌatoꞌa o ruŋa pa he raꞌā, hetuꞌu ꞌe māhina; he tehe tahi ꞌi roto i te ura o te ahi.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa: