2 Pētero 3:10 - Rapa Nui

¹⁰ Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.

2 Pētero 3:10 Iomraidhean Croise

Māteo 24:35

E ŋaro rō te raŋi ꞌe te henua, ꞌe tāꞌaku vānaŋa nei e ko ŋaro; e tano tahi rō.

Marko 13:31

E ŋaro rō te raŋi ꞌe te henua. ꞌE, tāꞌaku vānaŋa nei e ko ŋaro; e tano tahi rō.

Ruka 12:39

»Ka haka roŋo mai kōrua i te meꞌe nei: ꞌāhani e ꞌite rō e te hoa hare ꞌi te hora mo tuꞌu o te toke-toke, e ko haꞌuru ꞌo oꞌo ꞌo toke ꞌi tōꞌona hare.

Rōmano 8:20

ꞌo te ai te meꞌe taꞌatoꞌa aŋa e te ꞌAtua i haka ūtuꞌa takoꞌa rō ꞌi te hora haka ūtuꞌa i a ⌊ꞌĀtamu⌋, ꞌe ꞌina he ai haka ꞌou pa he meꞌe haŋa e te ꞌAtua. ꞌE taꞌe he meꞌe i haŋa e rā ŋā meꞌe, he meꞌe i haka rē e te ꞌAtua mo topa pē ira. ꞌE, ka ai atu pē ira, ko te noho iŋa ꞌana te meꞌe kī e ia:

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

1 Kōrinto 5:5

he haka rē kōrua i te taŋata ena ki te rima o Rukifero mo haka ꞌamo hai ꞌati, ki huri haka ꞌou ai i te manaꞌu ki te ꞌAtua ꞌe, ꞌi te mahana era o te hoki iŋa mai o te ⌊Kiritō⌋, he eꞌa tōꞌona vārua mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa ꞌo te huri haka ꞌou o tōꞌona manaꞌu ki te ꞌAtua.

2 Kōrinto 1:14

i te mātou māhatu ꞌe i te mātou meꞌe aŋa, ki koa ai kōrua mo mātou, ꞌe pē ira takoꞌa ꞌana a mātou mo kōrua ꞌi te hora o te hoki iŋa mai o te tātou Pūꞌoko Haka Tere ko Ietū.

1 Tētārōnika 5:2

Ko ꞌite riva-riva ꞌana, paꞌi, e kōrua: te hoki iŋa mai o te tātou Pūꞌoko Haka Tere ka tuꞌu mai ena pa he toke-toke ꞌi te hora kai manaꞌu hia.

1 Tētārōnika 5:4

ꞌE a kōrua, e te taina ē, taꞌe ꞌi roto i te pōhāhā o te ao nei e noho ena, ki maꞌurima ai i a kōrua pa he toke-toke e te mahana o tōꞌona hoki iŋa mai.

2 Pētero 3:11

ꞌI te ai pē ira te meꞌe taꞌatoꞌa ka haka kore ena, e tano te kōrua noho iŋa ki te mata o te ꞌAtua koia ko haꞌatura ꞌe ko moꞌa i a ia

2 Pētero 3:12

e tiaki ena kōrua ki te tuꞌu iŋa mai o te mahana era o te ꞌAtua, koia ko haŋa mo tuꞌu hōrou mai o rā mahana. ꞌI rā mahana he haka kore tahi e te ahi i te raŋi ꞌe i te meꞌe taꞌatoꞌa o ruŋa pa he raꞌā, hetuꞌu ꞌe māhina; he tehe tahi ꞌi roto i te ura o te ahi.

2 Pētero 3:7

Te raŋi ꞌe te henua o te hora nei ko haka rē ꞌā e te ꞌAtua mo tutu hai ahi. ꞌI te mahana era o te ture hopeꞌa ꞌe o te haka ūtuꞌa i te nuꞌu aŋa i te meꞌe taꞌe tano ka tutu ena hai nei ahi.

Hura 1:6

ꞌE te ŋā merahi taꞌe haka hauhaꞌa era i te rāua tōroꞌa ꞌe hoa era i te rāua kona noho, ko here-here ꞌana e te ꞌAtua hai vivi taꞌe mo pakoꞌo ki te hora hopeꞌa, ꞌe ꞌi te kona pōꞌuri i haka rē ai mo te mahana o te ture hopeꞌa.

Meꞌe Haka Takeꞌa 16:15

He haka taka-taka ia i te ŋā ꞌariki taꞌatoꞌa nei ꞌi te kona te ꞌīŋoa ꞌi te ⌊ꞌevereo⌋ ko Aramaherone. I oho era he ŋaroꞌa e au i te reꞌo o Ietū e kī ꞌā: «Ka haka roŋo mai. Pa he tuꞌu iŋa atu o te toke-toke ꞌi te hora taꞌe ꞌite e koe, ka tuꞌu atu ena a au. ꞌE ko te koa i te kope ko te ꞌara iŋa ꞌā ꞌe ko te uru iŋa ꞌā i tōꞌona kahu, te auraꞌa, ko te aŋa iŋa ꞌana i te meꞌe tī-tika, ꞌo haꞌamā ꞌi te hora o tōꞌoku hoki iŋa mai, pa he kope haꞌamā ꞌi tōꞌona kahu kore».

Meꞌe Haka Takeꞌa 20:11

He takeꞌa e au i te pepe noho ꞌariki tea-tea e tahi ꞌe i te kope noho ꞌi ruŋa. ꞌI te nui-nui ꞌe ꞌi te ꞌana-ꞌana ōꞌona, he ŋaro te henua ꞌe te raŋi mai muꞌa i a ia, ꞌe ꞌina kai takeꞌa haka ꞌou mai.

Meꞌe Haka Takeꞌa 21:1

I oti era he takeꞌa e au i te raŋi ꞌāpī ꞌe i te henua ꞌāpī e tahi; te raŋi ꞌe te henua raꞌe era, paꞌi, ko haka kore ꞌā ꞌe pē ira takoꞌa ꞌā te vaikava.

Meꞌe Haka Takeꞌa 3:3

Ka manaꞌu koe ki te hāpī vaꞌai atu era koia ko hārui haka ꞌou i tuꞌu manaꞌu ki te ꞌAtua ꞌe ꞌai ka haꞌatura ka oho rō ki rā hāpī. Mo taꞌe aŋa ōꞌou pē ira, he tuꞌu atu a au pa he toke-toke haka ūtuꞌa i a koe ꞌi te hora ꞌina kai ꞌite hia e koe.

Meꞌe Haka Takeꞌa 6:14

Te raŋi he ŋaro pa he meꞌe ena ē: i taka pa he parau. Te maꞌuŋa ꞌe te motu taꞌatoꞌa he haka makenu mai te rāua kona.