2 Pētero 3:1 - Rapa Nui

¹ E te taina, he rua parau nei ꞌāꞌaku e pāpaꞌi atu ena. ꞌE hai ŋā parau nei i haŋa ai a au mo haka tī-tika atu i te kōrua manaꞌu.

2 Pētero 3:1 Iomraidhean Croise

Māteo 5:8

Ko te koa i te nuꞌu māhatu maꞌitaki; e takeꞌa rō e rāua i te ꞌAtua.

2 Kōrinto 13:2

ꞌI tōꞌoku rua oho iŋa atu era, i kī rō au ki te nuꞌu o roto i a kōrua noho ꞌi roto i te hara ꞌe ki te taꞌatoꞌa pē nei ē: e uꞌi e eꞌa mai roto i te meꞌe taꞌe tano ꞌo haka ūtuꞌa. ꞌE hora nei, ꞌi raꞌe ki tōꞌoku tuꞌu iŋa haka ꞌou atu, he haka ꞌite atu a au: ka tuꞌu atu ena a au, ꞌina a au e ko taꞌe haka ūtuꞌa i te nuꞌu ko te noho iŋa ꞌana ꞌi roto i te hara.

1 Timoteo 5:22

ꞌIna koe ko veve-veve mo haꞌataꞌa ꞌe mo haꞌamaitai i te kope mo te aŋa o te ꞌAtua hai haka puā i tuꞌu rima a ruŋa, ꞌo ai e hara rō ꞌā kai ꞌite hia koe; pē ira he hara takoꞌa a koe. E hāpaꞌo koe ꞌo hara.

2 Timoteo 1:6

ꞌĪ au he kī atu: pa he niꞌo iŋa i te ahi, ana haka pūai ana oho koe i te meꞌe vaꞌai atu era e te ꞌAtua ꞌi te hora haka topa atu era ōꞌoku i te rima a ruŋa i tuꞌu pūꞌoko.

ꞌEvereo 6:9

E te taina haŋa rahi ē, ka ai atu meꞌe paŋahaꞌa te mātou meꞌe kī atu, e ꞌite riva-riva rō ꞌā e mātou: a kōrua pa he henua hua o te kai riva-riva tano o te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.

2 Pētero 3:14

ꞌO ira, e te taina ē, e tiaki ꞌana kōrua ki nā meꞌe, e uꞌi te kōrua noho iŋa, ꞌo ai te hape mo tuhi iŋa atu, ꞌe e ai te haumārū ꞌi roto i a kōrua, ki koa ai te tātou Pūꞌoko Haka Tere ko Ietū Kiritō ꞌi te hora o tōꞌona hoki iŋa mai.

2 Pētero 3:17

ꞌO ira, e te taina ē, ꞌi te ꞌite o kōrua o ruŋa i te ŋā meꞌe ena, e hāpaꞌo kōrua, ꞌo viri ki roto i te reo-reo o te nuꞌu taparahi-taꞌata ꞌe ꞌo haka tapa kōrua mai roto i te hāpī parautiꞌa e maꞌu hio-hio mai ena.

2 Pētero 3:8

E te taina, ꞌina takoꞌa ko rehu: te mahana e tahi, mo te ꞌAtua, pa he matahiti e hoꞌe taꞌutini, ꞌe te hoꞌe taꞌutini matahiti, pa he mahana e tahi mōꞌona.

Hura 1:5

Te meꞌe nei e au ka pāpaꞌi atu ena e ꞌite rō ꞌana e kōrua ꞌe, ka ai atu pē ira, e haŋa nō ꞌā a au mo haka manaꞌu haka ꞌou atu pē nei ē: ka ai atu te ꞌAtua i toꞌo tahi rō i te itaraera mai Ehipto, i haka kore nō i te tētahi o rā nuꞌu he taꞌe haka moe i te manaꞌu ꞌi ruŋa i a ia.