2 Pētero 2:9 - Rapa Nui

⁹ Hai ŋā haꞌaauraꞌa nei e ꞌite ena e ai rō ꞌana te pūai o te ꞌAtua mo haka eꞌa mai roto i te ꞌati i te taŋata aŋa i te meꞌe tī-tika, ꞌe mo haka ūtuꞌa i te nuꞌu aŋa i te meꞌe taꞌe tano, nuꞌu e tiaki e oho ꞌā ki te mahana o te ture hopeꞌa.

2 Pētero 2:9 Iomraidhean Croise

Māteo 10:15

ꞌĪ a au he kī atu: ꞌi te mahana o te ture hopeꞌa, te ūtuꞌa mo te nuꞌu o rā kona ꞌata hau rō atu ki te ūtuꞌa topa ꞌi ruŋa i te nuꞌu hara o ⌊Tōroma⌋ ꞌe o ⌊Kōmora⌋.

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Rōmano 2:5

ꞌE, ꞌi tuꞌu pūꞌoko hio-hio, ꞌina koe he huri i tuꞌu manaꞌu ki te ꞌAtua. Nā koe e haꞌaputu e oho ꞌana i te riri o te ꞌAtua mōꞌou mo te mahana o te haka ūtuꞌa, he mahana mo tuꞌu mai ōꞌona mo kī i te ūtuꞌa tano mo te taŋata hara taꞌatoꞌa.

1 Kōrinto 10:13

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

2 Timoteo 3:12

ꞌĪ a au he kī atu: te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū Kiritō, haŋa mo riro o rāua he nuꞌu moꞌa ꞌe haꞌatura ki a ia, e ꞌite: he tute i a rāua e te nuꞌu taꞌe haŋa ki te ꞌAtua mo tōtōā.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

2 Pētero 2:4

Te ꞌAtua ꞌina kai haka rehu i te hara o te merahi aŋa i meꞌe taꞌe tano. Te meꞌe i aŋa: he ava i rā ŋā merahi ki roto i te pōꞌauahi, ꞌe i haka rē ai ꞌi roto i te pōꞌuri e here-here rō ꞌana hai vivi mo te mahana o te ture.

2 Pētero 3:7

Te raŋi ꞌe te henua o te hora nei ko haka rē ꞌā e te ꞌAtua mo tutu hai ahi. ꞌI te mahana era o te ture hopeꞌa ꞌe o te haka ūtuꞌa i te nuꞌu aŋa i te meꞌe taꞌe tano ka tutu ena hai nei ahi.

Hura 1:6

ꞌE te ŋā merahi taꞌe haka hauhaꞌa era i te rāua tōroꞌa ꞌe hoa era i te rāua kona noho, ko here-here ꞌana e te ꞌAtua hai vivi taꞌe mo pakoꞌo ki te hora hopeꞌa, ꞌe ꞌi te kona pōꞌuri i haka rē ai mo te mahana o te ture hopeꞌa.

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.