2 Pētero 2:4 - Rapa Nui

⁴ Te ꞌAtua ꞌina kai haka rehu i te hara o te merahi aŋa i meꞌe taꞌe tano. Te meꞌe i aŋa: he ava i rā ŋā merahi ki roto i te pōꞌauahi, ꞌe i haka rē ai ꞌi roto i te pōꞌuri e here-here rō ꞌana hai vivi mo te mahana o te ture.

2 Pētero 2:4 Iomraidhean Croise

Māteo 25:41

»Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Māteo 8:29

He haꞌamata e te tātane he ohu: —¡E te Poki o te ꞌAtua ē! ¿He aha taꞌa meꞌe haŋa i a mātou? ¿I oho mai ai koe mo tōtōā mai kai tano hia ꞌā te hora?

Marko 5:7

ꞌe, i toꞌo te reꞌo ki roto era, i kī ai: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Ruka 10:18

He kī e Ietū: —ꞌĒ-ē, i takeꞌa rō e au i a Rukifero te viri iŋa mai te raŋi pa he ꞌuira.

Ruka 8:31

He ani ia ki a Ietū e rā ŋā tātane mo taꞌe tū-tute i a rāua ki roto i te pōꞌauahi.

Iovani 8:44

Te kōrua matuꞌa ko Rukifero; ꞌāꞌana kōrua, ꞌe te kōrua meꞌe haŋa mo aŋa he meꞌe haŋa ꞌāꞌana. A ia he taparahi-taꞌata tiŋaꞌi i te taŋata mai muꞌa ꞌā. ꞌIna he noho ꞌi roto i te parautiꞌa, ꞌe ꞌina e tahi parautiꞌa kī. E reo-reo ena, e vānaŋa ꞌā i tāꞌana meꞌe i ꞌite. A ia he reo-reo ꞌe he matuꞌa o te reo-reo.

Rōmano 11:21

Mo ai ꞌina kai haka rehu e te ꞌAtua i te hara o te maŋa mau o rā tumu, e ko haka rehu takoꞌa e ia i tuꞌu hara.

Rōmano 8:32

I ai era i vaꞌai nō mai i tāꞌana Poki mo mate mo tātou, ¿pē hē ia ana taꞌe vaꞌai takoꞌa mai i te meꞌe taꞌatoꞌa?

2 Pētero 2:11

ꞌE, ka ai atu i te merahi te parau ꞌe te pūai ꞌata hau rō atu ki te ŋā maꞌori reo-reo nei, ꞌina he vā-vā ꞌe he kī i te vānaŋa taꞌe tano ꞌi muꞌa o te ꞌAtua mo rā ŋā maꞌori.

2 Pētero 2:5

ꞌE ꞌina kai haka rehu takoꞌa i te hara o te nuꞌu aŋa i te meꞌe taꞌe tano o muꞌa ꞌā. Te meꞌe i aŋa: he uŋa mai ki ruŋa i te ao nei i te ꞌua taꞌe mo mahana haka ꞌou ꞌātā ki te roa mo emu o te meꞌe taꞌatoꞌa, ꞌe te taŋata i haka ora ko Nōē, he kope haka ꞌite o ruŋa i te noho iŋa tī-tika ki te mata o te ꞌAtua, ꞌe he nuꞌu haka ꞌou hoko hitu.

2 Pētero 2:9

Hai ŋā haꞌaauraꞌa nei e ꞌite ena e ai rō ꞌana te pūai o te ꞌAtua mo haka eꞌa mai roto i te ꞌati i te taŋata aŋa i te meꞌe tī-tika, ꞌe mo haka ūtuꞌa i te nuꞌu aŋa i te meꞌe taꞌe tano, nuꞌu e tiaki e oho ꞌā ki te mahana o te ture hopeꞌa.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

Hura 1:13

A rāua takoꞌa pa he vave taparahi-taꞌata, ꞌe te meꞌe taꞌe tano haꞌamā aŋa e rāua pa he kuta-kuta ꞌōꞌone o te vaikava. Te nuꞌu ena takoꞌa pa he hetuꞌu eꞌa mai te rāua ara, ꞌe nā ko ai era ꞌā te ūtuꞌa mo rāua, he noho mau rō ꞌāvai ꞌi roto i te kona hopeꞌa o te pōꞌuri.

Hura 1:6

ꞌE te ŋā merahi taꞌe haka hauhaꞌa era i te rāua tōroꞌa ꞌe hoa era i te rāua kona noho, ko here-here ꞌana e te ꞌAtua hai vivi taꞌe mo pakoꞌo ki te hora hopeꞌa, ꞌe ꞌi te kona pōꞌuri i haka rē ai mo te mahana o te ture hopeꞌa.

Meꞌe Haka Takeꞌa 20:10

ꞌE a Rukifero, reo-reo era ki rā nuꞌu, ko hoa ꞌā ki roto i te kona ahi era, kona ꞌi ira e ura ena te azufre, kona ki ira takoꞌa i hoa ai i tū manuꞌino era ꞌe i tū perofeta reo-reo era. ꞌI ira ka oꞌo era te māui-ui ki roto i te ivi ka pō ka ꞌōtea ꞌātā ki te hopeꞌa raꞌa.