2 Pētero 2:12 - Rapa Nui

¹² Te nuꞌu nei pa he ꞌanimare taꞌe aŋi-aŋi e tahi meꞌe, ꞌanimare noho hai meꞌe ŋaroꞌa nō o te hakari, poreko mo ꞌa-ꞌaru mo tiŋaꞌi mo haka mate. Te nuꞌu nei he vānaŋa taꞌe tano nō te aŋa mo te meꞌe ꞌina he aŋi-aŋi e rāua ꞌe ka mate ena pa he ꞌanimare

2 Pētero 2:12 Iomraidhean Croise

Marko 7:22

he taiꞌata, he nou-nou, he aŋa i te meꞌe taꞌe tano, he reo-reo, he pohe ki te viꞌe ki te tane taꞌe ꞌāꞌana, he mākota i te meꞌe o te rua, he haꞌaꞌino, he haka paka i a ia ꞌe he aŋa i te meꞌe maꞌa-maꞌa.

Iovani 8:21

He kī haka ꞌou e Ietū: —E ko roa a au ka oho rō nei ꞌe he kimi mai kōrua i a au. ꞌE, a kōrua e ko tuꞌu atu ki te kona nei ōꞌoku ka oho nei ꞌo te ai e ko haka kore hia e te ꞌAtua i te kōrua hara ka mā-mate rō ena.

Karatia 6:8

Te kope ꞌoka, paꞌi, i te meꞌe pohe nō e te hakari, te meꞌe mo ravaꞌa he ūtuꞌa o te hara he mate; ꞌe te kope ꞌoka i te meꞌe haŋa e te Vārua Maitai, he ora ꞌāpī ꞌina he hopeꞌa raꞌa.

Kōrosa 2:22

Te ŋā roŋo nei he hāpī poreko mai te manaꞌu taŋata mau nō ꞌo te ai nei ŋā roŋo o ruŋa i te meꞌe e ŋaro nō.

2 Pētero 1:4

Hai ŋā meꞌe nei i vaꞌai mai ai i te meꞌe nui-nui ꞌe hauhaꞌa hōrea mai era mo tātou. ꞌE hai rā ŋā meꞌe hōrea mai era e riva nei tātou mo eꞌa mai roto i te manaꞌu taꞌe tano o te ao nei ꞌe mo riro o tātou pē ia, te auraꞌa, mo ai i a tātou takoꞌa tōꞌona huru riva.

2 Pētero 2:19

He kī nō te aŋa e tū ŋā maꞌori reo-reo ena: «Te nuꞌu oho mai a te ara o mātou ꞌina he kope mo kī pē hē a rāua ana haka tere». ꞌE te parautiꞌa, te ŋā maꞌori reo-reo nei he ꞌekaravo o te meꞌe taꞌe tano aŋa e rāua. Te taŋata taꞌatoꞌa, paꞌi, he ꞌekaravo o te meꞌe taꞌatoꞌa haka tere i a rāua.

Hura 1:10

ꞌE nā ia te nuꞌu oꞌo atu ena ki roto i a kōrua e vānaŋa taꞌe tano ꞌā mo te meꞌe ꞌina e rāua kai ꞌite. Te meꞌe ꞌite mau nō o rāua he meꞌe kī e te hakari, pa he oho iŋa o te ꞌanimare, ꞌe hai nei meꞌe e tiŋaꞌi e oho ena i a rāua.