2 Pētero 2:1 - Rapa Nui

¹ I ai rō te perofeta reo-reo ꞌi roto i te itaraera. Pē ira takoꞌa ꞌana ka ai ena te maꞌori reo-reo ꞌi roto i a kōrua. ꞌĒ-ē, e oꞌo rō atu ki roto i a kōrua, mā te taꞌe ꞌite e kōrua, ꞌe e hāpī e oho rō i te hāpī taꞌe parautiꞌa maꞌu i te taina mo haka tapa mai te ara parautiꞌa o te ꞌAtua. ꞌE te ŋā maꞌori reo-reo nei ꞌātā e hārui rō hai tuaꞌivi i te tātou Pūꞌoko Haka Tere ko Ietū Kiritō, kope ꞌauhau hai toto era ōꞌona mo haka eꞌa i a tātou mai roto i te hara. ꞌE, ꞌi te aŋa pē ira, e ko roa hia ka ravaꞌa ena e rāua i te ūtuꞌa o te ꞌAtua.

2 Pētero 2:1 Iomraidhean Croise

Māteo 10:33

ꞌE te kope kī ꞌi muꞌa o te taŋata ꞌina he haŋa mai a ia ki a au, pē ira takoꞌa ꞌana a au ka kī ena mōꞌona ꞌi muꞌa o tōꞌoku Matuꞌa ꞌi te raŋi.

Māteo 24:11

He ai meꞌe rahi nō atu te perofeta reo-reo, ꞌe nuꞌu rahi te nuꞌu ka haka manaꞌu ena he parautiꞌa te rāua meꞌe kī.

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Māteo 24:5

Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: “He Kiritō au”, ꞌe nuꞌu rahi te nuꞌu ka haka maꞌa-maꞌa ena.

Māteo 7:15

»E uꞌi kōrua e te nuꞌu reo-reo haka tuꞌu i a rāua pa he nuꞌu vānaŋa hai ꞌīŋoa o te ꞌAtua. E oho atu ena pa he māmoe, ꞌe te roto pa he paiheŋa taehae ꞌā.

Marko 13:22

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana ana ravaꞌa e rāua.

Ruka 12:9

ꞌE te kope kī: ꞌina a ia he haŋa mai, pē ira takoꞌa ꞌana a au ka kī ena mo rā kope ꞌi muꞌa o te merahi o te ꞌAtua.

Ruka 21:8

He pāhono e Ietū: —E uꞌi kōrua ꞌo haka maꞌa-maꞌa rō atu. Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: «He Kiritō au» ꞌe «Rā hora ko te hora nei». ꞌIna kōrua ko haka roŋo.

Ruka 6:26

Ko te ꞌaroha i a kōrua mo haꞌahana-hana atu e te nuꞌu taꞌatoꞌa; te tupuna o rā nuꞌu i haꞌahana-hana takoꞌa rō pē ira ki te perofeta reo-reo.

Rōmano 16:18

A rāua, paꞌi, taꞌe he tāvini o te tātou Pūꞌoko Haka Tere he Kiritō; he tāvini o te meꞌe pohe ꞌe haŋa nō o rāua. Hai vānaŋa koroꞌiti ꞌe reka e reo-reo ena ki te nuꞌu māhatu rehe-rehe taꞌe manaꞌu e aŋa rō ꞌō e te rua i te meꞌe taꞌe tano ki a rāua.

1 Kōrinto 11:19

¡E topa-topa kē-kē mau ꞌā pēaha kōrua ki takeꞌa ai ko ai te kope tano ki te mata o te ꞌAtua!

1 Kōrinto 6:20

Ko ꞌauhau ꞌana, paꞌi, e ia i a tātou māꞌana ꞌi te hora mate era o Ietū ꞌi ruŋa i te tātaurō. ꞌO ira, te meꞌe taꞌatoꞌa aŋa e tātou hai hakari e takeꞌa e moꞌa rō ꞌana tātou i te ꞌAtua.

1 Kōrinto 7:23

Te ꞌAtua, paꞌi, hai mate iŋa era o tāꞌana Poki ko Ietū Kiritō ꞌi ruŋa i te tātaurō i ꞌauhau ai i a tātou māꞌana. ꞌO ira, ꞌina ko haꞌatiꞌa mo haka riro i a kōrua e te taŋata he ꞌekaravo o rāua.

Karatia 2:4

Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.

Karatia 3:13

Te meꞌe nō, ko ꞌite ꞌā e tātou taꞌatoꞌa, ꞌina e tahi kope mo ravaꞌa i rā meꞌe. ꞌO ira ko tano riva-riva ꞌā mo ai ꞌi ruŋa i a tātou i te taŋata te ūtuꞌa kī e te ꞌAtua. ꞌE a Ietū i haka kore i te ūtuꞌa mai ruŋa i a tātou hai ꞌamo e ia i rā ūtuꞌa hora mate era ꞌi ruŋa i te tātaurō. E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: «Te ūtuꞌa o te ꞌAtua ꞌi ruŋa i te kope mate ꞌi ruŋa i te tātaurō».

Karatia 4:17

Te nuꞌu hāpī atu i te meꞌe taꞌe he parautiꞌa e tuꞌu rō ꞌā pa he meꞌe ena ē: e uꞌi ꞌā i te kōrua riva-riva. ꞌE te parautiꞌa mau, te manaꞌu o rāua mo kōrua manaꞌu taꞌe riva-riva. Te haŋa he haka topa kē i a kōrua mai i a mātou mo haka roŋo ki a rāua mau nō.

Karatia 5:20

He haꞌamuri ki te ꞌītoro, he aŋa i te tahu-tahu, he maꞌu i te riri ꞌi roto i te māhatu, he haka tumu i te ture, ꞌe he mākota ꞌi te rua. E ko roa he riri, te meꞌe haŋa mau nō he meꞌe manaꞌu o rāua, te aŋa he haka tātake mo haka topa kē i te taŋata, ꞌe he manaꞌu he meꞌe mau nō era o rāua te meꞌe tano.

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Fīripo 3:19

Te meꞌe hopeꞌa ka topa era ki te nuꞌu era he ūtuꞌa o te ꞌAtua. He meꞌe pohe nō o te hakari te rāua ꞌatua. Te meꞌe haꞌamā he meꞌe teꞌo-teꞌo e tahi o rāua, ꞌe te rāua manaꞌu ꞌi ruŋa i te meꞌe o te ao mau nō nei.

Kōrosa 2:18

ꞌIna takoꞌa ko tapa atu i te nuꞌu taꞌe haka au atu i a kōrua ꞌi te taꞌe haꞌamuri pē rāua ki te merahi. E haka tuꞌu rō ꞌana i a rāua pa he nuꞌu haumārū, taꞌe manaꞌu i hau rō atu ki te rua, ꞌe te parautiꞌa mau, he teꞌo-teꞌo nō te aŋa ꞌo te ai, ki te rāua kī, ko takeꞌa ꞌana i te meꞌe i haka takeꞌa e te ꞌAtua. ꞌE te meꞌe aŋa he haka paka ꞌi te manaꞌu taŋata nō.

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

1 Timoteo 5:8

Te parautiꞌa, te taŋata taꞌe hāpaꞌo i tōꞌona huaꞌai ꞌe i tāꞌana huaꞌai mau ꞌā e hārui ꞌana hai tuaꞌivi i te hāpī parautiꞌa o te ꞌAtua, ꞌe tōꞌona māhatu ꞌata hau ꞌi te rake-rake ki te nuꞌu ꞌina he ⌊haka moe i te manaꞌu⌋ ꞌi ruŋa i te ꞌAtua; te nuꞌu era, paꞌi, e hāpaꞌo rō ꞌana i te rāua huaꞌai.

2 Timoteo 4:3

Nā e tuꞌu rō te mahana e ko haŋa haka ꞌou te taŋata ki te hāpī parautiꞌa. Te meꞌe ka aŋa era he kimi i te maꞌori hāpī i te meꞌe haŋa nō o rāua mo haka roŋo,

Tito 1:11

Te meꞌe haŋa he ꞌapi i te haha o te nuꞌu era; ko rahi ꞌā, paꞌi, te huaꞌai huri o te manaꞌu ꞌi te hape o te rāua hāpī. Te meꞌe haŋa o te nuꞌu pē rā he huhu i te kete o te rua.

Tito 3:10

Mo haka topa kē-kē o te kope e tahi i te nuꞌu haka moe i te manaꞌu ꞌi ruŋa i a Ietū, e ture. Ana taꞌe haka roŋo atu, e ture haka ꞌou. ꞌE mo taꞌe haka roŋo mau atu ꞌā, ka haka eꞌa mai roto i te nuꞌu ena.

ꞌEvereo 10:29

Mo ai pē ira e haka ūtuꞌa era i te nuꞌu taꞌe haꞌatura ki te haka tere iŋa ꞌa Mōtē, ka manaꞌu atu kōrua i te ūtuꞌa mo te nuꞌu taꞌe haŋa ꞌe hārui i te Poki o te ꞌAtua hai tuaꞌivi, ꞌe taꞌe haka hauhaꞌa i tōꞌona toto, toto tāpaꞌo i te ⌊haka tere iŋa ꞌāpī o te ꞌAtua ananake ko te taŋata⌋, haka maꞌitaki i a rāua mai te hara ꞌe haꞌataꞌa i a rāua mo te ꞌAtua. Te nuꞌu aŋa i te meꞌe pē ira, e parauꞌino ꞌā ki te Vārua Maitai, kope haka takeꞌa i te riva rahi o te ꞌAtua.

1 Pētero 1:8

A kōrua e haŋa rō ꞌana ki a Ietū Kiritō ka ai atu kai takeꞌa hia i a ia. ꞌE ꞌi te hora nei, ka ai atu ꞌina he takeꞌa, e haka moe rō ꞌana kōrua i te manaꞌu ꞌi ruŋa i a ia, ꞌe e rahi rō ꞌana te kōrua koa, he koa ꞌina he vānaŋa mo haꞌaauraꞌa.

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.

1 Iovani 2:26

E pāpaꞌi atu ena a au i te ŋā meꞌe nei, ꞌo haka roŋo kōrua ki te nuꞌu reo-reo atu ꞌe ꞌo haka tapa kōrua mai te hāpī parautiꞌa.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

Hura 1:18

pē nei ē: «ꞌI te ŋā mahana hopeꞌa ena e ai rō te nuꞌu haka kata-kata ꞌi te ꞌAtua ꞌe ꞌi tāꞌana nuꞌu, ꞌe hai meꞌe taꞌe tano pohe nō e te hakari ka haka tere ena i a rāua».

Hura 1:4

Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.

Meꞌe Haka Takeꞌa 13:14

Hai ŋā mana nei, mana haꞌatiꞌa era mo aŋa e ia hai ꞌīŋoa o tū manuꞌino eꞌa era mai roto i te vaikava, i reo-reo ai ki te taŋata. He uŋa ia i te nuꞌu nei he haka aŋa i te ꞌītoro pē rā manuꞌino mau ꞌā, manuꞌino taꞌe mate era ka ai atu i more rō ꞌi te more taparahi-taꞌata ꞌi te hoe.

Meꞌe Haka Takeꞌa 2:13

‘Ko ꞌite ꞌana a au e noho ena koe ꞌi te kona ꞌa Rukifero te haka tere, ꞌe, ka ai atu pē ira, kai haka tapa koe i tuꞌu manaꞌu mai ruŋa i a au, ꞌe kai haka rē i tāꞌaku hāpī, korohaŋa ꞌi te hora tiŋaꞌi era ꞌi nā i a Antipa, he mataꞌite parautiꞌa ōꞌoku.

Meꞌe Haka Takeꞌa 2:9

‘E ꞌite rō ꞌana a au i te rahi o te ꞌati e ꞌamo ena e koe, ꞌe i tuꞌu veve, ka ai atu te parautiꞌa mau he ꞌono koe. E ꞌite takoꞌa rō ꞌana a au pē hē e vānaŋa taꞌe tano ena o ruŋa ōꞌou e te nuꞌu kī he ⌊hūrio⌋ a rāua ꞌe te parautiꞌa mau he nūnaꞌa rāua ꞌa Rukifero.

Meꞌe Haka Takeꞌa 3:8

‘E ꞌite tahi rō ꞌana a au i taꞌa meꞌe aŋa. ꞌE e ꞌite takoꞌa rō ꞌana a au: haŋu taꞌe rahi tōꞌou. ꞌE, ka ai atu pē ira, ko te haka roŋo ꞌe ko te haꞌatura ko te oho iŋa ꞌā koe i tāꞌaku vānaŋa, ꞌe ko te haka moe iŋa mai ꞌā koe i te manaꞌu ꞌi ruŋa i a au. ꞌO ira, nā ꞌi muꞌa i a koe i haka rē ai a au i te ꞌōpani e ha-hata rō ꞌā ꞌe ꞌina he rua kope mo ravaꞌa mo puru.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,

Meꞌe Haka Takeꞌa 6:10

Pē nei e kī pūai era: «E te Pūꞌoko Haka Tere moꞌa ꞌe parautiꞌa ē, ¿a hē koe ka haka ꞌauhau hai ūtuꞌa i te taŋata o te ao ꞌo te tiŋaꞌi i a mātou?».