2 Pētero 1:8 - Rapa Nui

⁸ ꞌE mo ai nā i a kōrua te ŋā meꞌe nei ꞌe e haka pūai e oho rō ꞌana, ꞌina ia te kōrua noho iŋa e ko māuꞌa, ꞌe te māhani o kōrua ki te tātou Pūꞌoko Haka Tere ko Ietū Kiritō e ko māuꞌa takoꞌa.

2 Pētero 1:8 Iomraidhean Croise

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Māteo 20:3

»ꞌI te hora iva o te pōꞌā, he eꞌa haka ꞌou tū taŋata era ꞌe he takeꞌa, ꞌi te kona haka ora taŋata, i te nuꞌu e noho tahaŋa ꞌā.

Māteo 20:6

ꞌE pe te hora pae o te ahi-ahi, he hoki ki tū kona haka ora taŋata era, ꞌe he piri ki te nuꞌu haka ꞌou e no-noho tahaŋa ꞌā. He ꞌui: “¿He aha kōrua e no-noho tahaŋa ena ꞌi nei mai te pōꞌā ki te pō ꞌina e tahi meꞌe aŋa?”.

Māteo 25:26

»He pāhono e tū taŋata era: “He tāvini rake-rake ꞌe hupe-hupe koe. Mo ai ko ꞌite riva-riva ꞌana koe pē hē tōꞌoku huru,

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 5:42

Ko ꞌite ꞌana, paꞌi, a au pē hē te kōrua huru ꞌe ko ꞌite takoꞌa ꞌana a au ꞌina kōrua he haŋa ki te ꞌAtua.

Rōmano 12:11

ꞌIna ko haka hupe-hupe; e aŋa hai māhatu ki a Ietū Kiritō, he Pūꞌoko Haka Tere o tātou.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

2 Kōrinto 13:5

E uꞌi kōrua hoki e haka moe parautiꞌa mau rō ꞌana kōrua i te manaꞌu ꞌi ruŋa i a Ietū. Mo ŋaroꞌa e kōrua nā a Ietū Kiritō ꞌi roto i a kōrua, e haka moe parautiꞌa rō ꞌā ia kōrua i te manaꞌu ꞌi ruŋa i a ia ꞌe, takoꞌa, e tano rō ꞌana kōrua ki te mata o te ꞌAtua.

2 Kōrinto 8:2

Ka ai atu i topa rō te ꞌati taparahi-taꞌata ki te nuꞌu nei, ko te koa iŋa ꞌana, ꞌe, ka ai atu he nuꞌu veve, ꞌi te rāua riva, pa he ꞌono e vaꞌai era i te moni.

2 Kōrinto 8:7

A kōrua he nuꞌu haka kē ꞌi te meꞌe taꞌatoꞌa: ꞌi te haka moe i te manaꞌu ꞌi ruŋa i a Ietū, ꞌi te ꞌite mo vānaŋa, ꞌi te ꞌite i te hāpī parautiꞌa o te ꞌAtua, ꞌi te haŋa mo hāꞌūꞌū, ꞌe ꞌi te haŋa mo te rua, he meꞌe i ꞌite e kōrua mai i a mātou. Pē ira takoꞌa ꞌana kōrua ana haka kē ꞌi te aŋa riva nei: he haꞌaputu i te moni ꞌi roto i a kōrua mo te taina veve o Hērutarema.

2 Kōrinto 9:14

ꞌE ꞌātā he pure hai māhatu mo kōrua ꞌi te takeꞌa i te riva rahi o te ꞌAtua ꞌi ruŋa i a kōrua.

Fīripo 1:9

E pure nei au mo kōrua, e ani rō ꞌana a au mo ꞌata rahi mo oho o te kōrua haŋa mo te ꞌAtua ꞌe mo te rua, mo ꞌata aŋi-aŋi mo oho kōrua ko ai mau a ia, ꞌe mo ꞌata ꞌite o kōrua he aha te meꞌe riva-riva ꞌe he aha te meꞌe rake-rake,

Fīripo 2:5

E tuꞌu te kōrua manaꞌu pa he manaꞌu iŋa o Ietū

Fīripo 3:8

ꞌE taꞌe nō pē ira. Mōꞌoku, ꞌina e tahi meꞌe mo hāhine ki te meꞌe ena he māhani ki a Ietū Kiritō, Pūꞌoko Haka Tere ōꞌoku. Ko hoa tahi ꞌana e au i rā ŋā meꞌe mo koa ōꞌona; mōꞌoku, paꞌi, rā ŋā meꞌe taꞌatoꞌa he tūtaꞌe nō atu e tahi o te ao nei. Tāꞌaku meꞌe haŋa nō ko ia

Kōrosa 1:10

Pē ira te kōrua noho iŋa ka ai ena noho iŋa tano o te nuꞌu ꞌa Ietū Kiritō, ꞌe ka aŋa ka oho mau nō ena kōrua i te meꞌe mo koa ōꞌona ꞌe i te meꞌe riva-riva mo hāꞌūꞌū ki te rua. ꞌE pē ira takoꞌa ka ꞌata māhani ka oho ena kōrua i te ꞌAtua.

Kōrosa 2:7

Pa he meꞌe hāpī atu ki a kōrua, e ꞌata hāpī e oho kōrua o ruŋa i a Ietū koia ko haꞌatura ki a ia, mo ꞌata hio-hio o te kōrua manaꞌu ꞌi ruŋa i a ia, pa he hio-hio iŋa ena o te tumu ꞌi te aka e nui-nui e oho ena a raro. ꞌE e māuru-uru e oho kōrua ki te ꞌAtua ꞌi tōꞌona riva rahi mo kōrua.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

1 Tētārōnika 3:12

E ani takoꞌa nei ki te tātou Pūꞌoko Haka Tere mo ꞌata haka pūai ꞌe mo ꞌata haka rahi i te haŋa ꞌi roto i a kōrua ꞌe i te haŋa mo te taꞌatoꞌa, pa he haŋa iŋa nei ꞌā o mātou ki a kōrua,

1 Tētārōnika 4:1

E te taina, ko haka ꞌite atu era ꞌā e mātou pē hē ana tano te kōrua noho iŋa ki te mata o te ꞌAtua, ꞌe ko ꞌite ꞌā e mātou, nā kōrua e noho mai ena pē ira. Ka ai atu pē ira, he ani atu a mātou hai ꞌīŋoa o te tātou Pūꞌoko Haka Tere ko Ietū: ka ꞌata haka tano ka oho nō te kōrua noho iŋa pē ira mo koa o te ꞌAtua.

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

1 Timoteo 5:13

ꞌE taꞌe ꞌo ira nō, ꞌo māhani i te hupe-hupe, ꞌo oho ki hare era ki hare era, ꞌo haꞌamata ꞌo haꞌaꞌino i te rua, ꞌe ꞌo ꞌāmui ki roto i te ture kē koia ko kī i te vānaŋa taꞌe tano.

Tito 3:14

Te nuꞌu o tātou e ꞌite mo aŋa i te meꞌe riva-riva ꞌe mo hāꞌūꞌū i te rua, ki hauhaꞌa ai te rāua noho iŋa ꞌi te ao nei.

Firemono 1:6

ꞌI roto i tāꞌaku pure e ani nei a au ki te ꞌAtua mo vānaŋa-naŋa mo oho nō ōꞌou ananake ko te tētahi taina o ruŋa i te haka moe iŋa i te manaꞌu ꞌi ruŋa i a Ietū, ki ꞌata aŋi-aŋi ai koe i te meꞌe taꞌatoꞌa riva-riva vaꞌai mai e te ꞌAtua ꞌi te meꞌe era a tātou ꞌa Ietū Kiritō.

ꞌEvereo 6:12

ꞌE ꞌina a mātou he haŋa mo hupe-hupe o kōrua. Ka aŋa ka oho nō, pa he meꞌe aŋa e te nuꞌu ⌊haka moe i te manaꞌu⌋ ꞌi ruŋa i a Ietū taꞌe haka rē i a ia ki te hora hopeꞌa. I a rāua te meꞌe hōrea e te ꞌAtua.

2 Pētero 1:2

Ka rahi ka oho te riva rahi ꞌe te haumārū o te ꞌAtua ꞌi ruŋa i a kōrua ꞌi te hora taꞌatoꞌa ꞌite oho o kōrua o ruŋa i a ia ꞌe o ruŋa i a Ietū, Pūꞌoko Haka Tere o tātou.

2 Pētero 1:3

Te ꞌAtua, hai pūai ōꞌona, e hāꞌūꞌū mai ena hai rauhuru rāveꞌa mo riva o tātou mo haꞌatura ki a ia ꞌe mo tano o te tātou noho iŋa ki tōꞌona mata. Te meꞌe nei e ravaꞌa ena hai māhani o tātou ki a ia, kope haꞌataꞌa i a tātou mo huaꞌai ꞌāꞌana hai haka ꞌite mai i tōꞌona huru riva ꞌe i tōꞌona pūai nui-nui.

2 Pētero 2:20

Te nuꞌu eꞌa mai roto i te meꞌe taꞌe tano o te ao nei hai ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara, mo haka rē i a rāua mo haka tere haka ꞌou e rā ŋā meꞌe, ka hopeꞌa ena ꞌata peore ki tū roa raꞌe era.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.