2 Pētero 1:12 - Rapa Nui

¹² ꞌO ira a au, e te taina ē, ka haka manaꞌu ka oho atu ena o ruŋa i te meꞌe taꞌatoꞌa ena, ka ai atu, nā e maꞌu hio-hio mai ena kōrua i nā parautiꞌa.

2 Pētero 1:12 Iomraidhean Croise

Aŋa o te ꞌĀpōtoro 16:5

ꞌE te nuꞌu haka moe i te manaꞌu ꞌi ruŋa i a Ietū o rā ŋā kona ia, pe te ꞌata hio-hio nō te manaꞌu, ꞌe paurō te mahana pe te ꞌata rahi nō e oho era.

Fīripo 3:1

Te meꞌe hopeꞌa, e te taina ē, e koa ꞌo te ai o kōrua ꞌa Ietū Kiritō. Te kī te oho nō atu i te meꞌe ko kī atu era ꞌana e au taꞌe he ꞌati mōꞌoku; ko ꞌite ꞌana, paꞌi, e au he meꞌe mo hāꞌūꞌū atu i a kōrua.

Kōrosa 1:5

ꞌo te ai e tiaki takoꞌa rō ꞌana kōrua ki te meꞌe hōrea mai e ia mo tātou ꞌi te raŋi. A kōrua ko ŋaroꞌa era ꞌana o ruŋa i te meꞌe nei hora haka ꞌite atu era i te roŋo parautiꞌa o te ꞌAtua

Kōrosa 2:7

Pa he meꞌe hāpī atu ki a kōrua, e ꞌata hāpī e oho kōrua o ruŋa i a Ietū koia ko haꞌatura ki a ia, mo ꞌata hio-hio o te kōrua manaꞌu ꞌi ruŋa i a ia, pa he hio-hio iŋa ena o te tumu ꞌi te aka e nui-nui e oho ena a raro. ꞌE e māuru-uru e oho kōrua ki te ꞌAtua ꞌi tōꞌona riva rahi mo kōrua.

1 Timoteo 4:6

E Timoteo, mo hāpī ōꞌou ki te taina i te ŋā meꞌe nei, he tāvini riva-riva ia koe o Ietū Kiritō. ꞌE te roŋo parautiꞌa o te ꞌAtua ꞌe te maꞌu ōꞌou i te hāpī riva-riva haka ꞌite atu he haka haŋu he oho i a koe.

2 Timoteo 1:6

ꞌĪ au he kī atu: pa he niꞌo iŋa i te ahi, ana haka pūai ana oho koe i te meꞌe vaꞌai atu era e te ꞌAtua ꞌi te hora haka topa atu era ōꞌoku i te rima a ruŋa i tuꞌu pūꞌoko.

ꞌEvereo 10:32

ꞌO ira, e manaꞌu kōrua ki te hora raꞌe māhani era ki a Ietū Kiritō. I ꞌamo i oho nō kōrua hai pūai i te ꞌati nui-nui e topa atu era.

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

1 Pētero 5:12

A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.

2 Pētero 1:13

ꞌĒ-ē, mai ora atu ꞌana a au, tāꞌaku meꞌe ka aŋa nei he haka manaꞌu he oho atu o ruŋa i te ŋā meꞌe hatu atu era e au.

2 Pētero 1:15

ꞌO ira a au e vaꞌai tahi atu ena i a au mo hāpī atu i te ŋā meꞌe nei, ki te kona, ka mate ena a au, e ko rehu i a kōrua ki te hora hopeꞌa.

2 Pētero 3:1

E te taina, he rua parau nei ꞌāꞌaku e pāpaꞌi atu ena. ꞌE hai ŋā parau nei i haŋa ai a au mo haka tī-tika atu i te kōrua manaꞌu.

2 Pētero 3:17

ꞌO ira, e te taina ē, ꞌi te ꞌite o kōrua o ruŋa i te ŋā meꞌe ena, e hāpaꞌo kōrua, ꞌo viri ki roto i te reo-reo o te nuꞌu taparahi-taꞌata ꞌe ꞌo haka tapa kōrua mai roto i te hāpī parautiꞌa e maꞌu hio-hio mai ena.

1 Iovani 2:21

E pāpaꞌi atu ena a au taꞌe ꞌo te taꞌe ꞌite o kōrua i te hāpī parautiꞌa, ꞌo te ai e ꞌite rō ꞌana e kōrua. ꞌE, ko ꞌite takoꞌa ꞌana e kōrua ꞌina e tahi reo-reo eꞌa mai roto i te hāpī parautiꞌa.

2 Iovani 1:2

ꞌo te ai ꞌi roto i te tātou māhatu te hāpī parautiꞌa ꞌātā ki te hora hopeꞌa.

Hura 1:17

E te taina, e uꞌi ꞌo rehu te vānaŋa kī ꞌi muꞌa ꞌā e te ⌊ꞌāpōtoro⌋ o te tātou Pūꞌoko Haka Tere ko Ietū Kiritō

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.

Hura 1:5

Te meꞌe nei e au ka pāpaꞌi atu ena e ꞌite rō ꞌana e kōrua ꞌe, ka ai atu pē ira, e haŋa nō ꞌā a au mo haka manaꞌu haka ꞌou atu pē nei ē: ka ai atu te ꞌAtua i toꞌo tahi rō i te itaraera mai Ehipto, i haka kore nō i te tētahi o rā nuꞌu he taꞌe haka moe i te manaꞌu ꞌi ruŋa i a ia.