2 Pētero 1:1 - Rapa Nui

¹ A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Pētero 1:1 Iomraidhean Croise

Māteo 10:2

He ꞌīŋoa nei o rā ŋā ꞌāpōtoro: te raꞌe ko Tīmona, e kī takoꞌa era ko Pētero; he taina ōꞌona, ko Antarea; ko ⌊Tanatiako⌋ ꞌe ko ⌊Iovani⌋, he ŋā poki ꞌa Tevereo;

Māteo 4:18

E haꞌere e oho nō ꞌā a Ietū a te taha-taha o te vai era o Karirea, he takeꞌa e rua taina: e tahi ko Tīmona, kī takoꞌa ko Pētero, ꞌe te rua ko Antarea, he nuꞌu hī ika e hoa ꞌana i te rāua kūpeŋa.

Ruka 1:47

te koa o tōꞌoku vārua i a ia, ꞌAtua haka eꞌa i a au mai te ūtuꞌa o te hara.

Ruka 11:49

»ꞌO ira te ꞌAtua hai mārama-rama i kī ai: “E uŋa rō au i te perofeta ꞌe i te ⌊ꞌāpōtoro⌋, ꞌe e tiŋaꞌi e haka mate rō e rāua i te tētahi ꞌe i te tētahi atu e tū-tute rō mo tōtōā”.

Iovani 1:42

He maꞌu ia e Antarea i a Tīmona ki tū kona era ꞌi ira a Ietū. I takeꞌa era e Ietū, he kī: «A koe ko Tīmona, poki ꞌa Iovani. Tuꞌu ꞌīŋoa ꞌi te hora nei ko Tefa (te auraꞌa, ko Pētero)».

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Iovani 20:21

He kī haka ꞌou ia e Ietū: «¡Ka ai ꞌi ruŋa i a kōrua te haumārū o te ꞌAtua! Pa he uŋa iŋa mai era e te Matuꞌa i a au, pē ira a au ka uŋa nei i a kōrua».

Aŋa o te ꞌĀpōtoro 15:14

Ko ꞌaꞌamu mai ꞌā e Pētero o ruŋa i te haka takeꞌa iŋa raꞌe o te ꞌAtua i tōꞌona riva rahi ki te taŋata taꞌe he hūrio, ꞌe pē hē te ꞌAtua i haꞌataꞌa ai māꞌana i te nuꞌu mai roto.

Rōmano 1:1

He ꞌaroha atu a au, a Pauro, tāvini o Ietū Kiritō, haꞌataꞌa e ia mo ꞌāpōtoro mo haka ꞌite mo oho i te ⌊roŋo riva-riva o te ꞌAtua⌋

Rōmano 1:12

Te kī: ki haka pūai tātou i a tātou ꞌā ꞌi te haka moe iŋa i te manaꞌu ꞌi ruŋa i a Ietū.

Rōmano 1:17

Hai roŋo nei te ꞌAtua e haka ꞌite ena pē hē te taŋata haŋa mo haka hāhine ki a ia e tano ena ki tōꞌona mata: hai haka moe i te manaꞌu ꞌi ruŋa i a Ietū, he oti mau ꞌā. E hāꞌaki ena, paꞌi, ꞌi ruŋa i te Pāpaꞌi Moꞌa: «Te taŋata tano ki te mata o te ꞌAtua ꞌi te haka moe i te manaꞌu ꞌi ruŋa i a ia he ravaꞌa i te ora ꞌāpī ꞌina he hopeꞌa raꞌa».

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 15:9

E kī atu ena a au i te meꞌe nei ꞌo te ai he kope hopeꞌa o te taꞌe hōnui a au o roto i te ꞌāpōtoro, ꞌātā e ko tano mo raŋi mai he ꞌāpōtoro ꞌi te tute ōꞌoku i te nūnaꞌa taŋata haka moe i te manaꞌu ꞌi ruŋa i a Ietū mo tōtōā.

1 Kōrinto 9:1

Taꞌe a au he ꞌekaravo o te manaꞌu taŋata. A au he ꞌāpōtoro. Ko takeꞌa ꞌana, paꞌi, e au i a Ietū, Pūꞌoko Haka Tere o tātou, ꞌe hai aŋa nei i haka moe ai kōrua i te manaꞌu ꞌi ruŋa i a Ietū.

2 Kōrinto 4:13

A mātou pa he kope kī ꞌi ruŋa i te ⌊Pāpaꞌi Moꞌa⌋ pē nei ē: «E haka moe rō ꞌana a au i tōꞌoku manaꞌu ꞌi ruŋa i te ꞌAtua, ꞌo ira a au e vānaŋa nei o ruŋa i a ia». ꞌE, pa he oho iŋa era ꞌā o rā kope, a mātou takoꞌa, ꞌi te haka moe iŋa i te manaꞌu ꞌi ruŋa i te Kiritō, e haka ꞌite e oho nei o ruŋa i a ia.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Karatia 2:8

O te ꞌAtua uŋa era i a Pētero pa he ⌊ꞌāpōtoro⌋ ki te ⌊hūrio⌋, i uŋa takoꞌa i a au pa he ꞌāpōtoro ki te nuꞌu taꞌe he hūrio.

Ēfeto 3:5

he meꞌe taꞌe haka ꞌite era ki te taŋata ꞌi muꞌa ꞌā, ꞌe, ꞌi te hora nei, ko haka ꞌite ꞌana e te ꞌAtua ki tāꞌana ⌊ꞌāpōtoro⌋ ꞌe ki te perofeta hai ⌊Vārua Maitai⌋.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

Ēfeto 4:5

E tahi mau nō Pūꞌoko Haka Tere o tātou ko Ietū Kiritō, e tahi mau nō hāpī parautiꞌa o ruŋa i a ia, ꞌe e tahi mau nō ⌊papatito⌋.

Fīripo 1:1

A au, a Pauro, ꞌe a Timoteo, tāvini o Ietū Kiritō, he ꞌaroha atu ki a kōrua ki te nuꞌu o Fīripo haꞌataꞌa e te ꞌAtua māꞌana ꞌo te ⌊haka moe i te manaꞌu⌋ ꞌi ruŋa i a Ietū. Te ꞌaroha nei mo te taꞌatoꞌa o kōrua ananake ko te nuꞌu pūꞌoko haka tere o kōrua ꞌe ko te kōrua ⌊taina hāꞌūꞌū⌋.

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

2 Timoteo 1:5

E manaꞌu takoꞌa rō ꞌana a au i tuꞌu haka moe iŋa parautiꞌa i te manaꞌu ꞌi ruŋa i a Ietū, he meꞌe ai ꞌi tuꞌu māmārūꞌau era ko Rōira ꞌe ꞌi tuꞌu matuꞌa vahine era ko Eunite. ꞌE ko ꞌite riva-riva ꞌana e au nā i a koe takoꞌa.

Tito 1:1

A au, a Pauro, he ꞌaroha atu ki a koe, e Tito ē. A koe pa he poki mau ꞌā ꞌāꞌaku ꞌo tuꞌu ⌊haka moe i te manaꞌu⌋ ꞌi ruŋa i a Ietū pē au. Ka ai ꞌi ruŋa i a koe te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa. E Tito, ko ꞌite riva-riva ꞌana e koe: a au he tāvini o te ꞌAtua, ꞌe he ⌊ꞌāpōtoro⌋ ꞌa Ietū Kiritō, kope uŋa mai i a au ki te nuꞌu haꞌataꞌa e te ꞌAtua māꞌana, mo haka pūai i te rāua haka moe iŋa i te manaꞌu ꞌi ruŋa i a ia, ꞌe mo ꞌata haka aŋi-aŋi ki a rāua i te roŋo parautiꞌa o ruŋa i te ⌊Kiritō⌋, he roŋo hāꞌūꞌū i te taŋata mo riro o te rāua noho iŋa noho iŋa tano ki te mata o te ꞌAtua, ki aŋi-aŋi riva-riva ai pē nei ē: e ai rō i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌI raꞌe, paꞌi, ki te aŋa i te ao, i hōrea rō ai e te ꞌAtua i te ora ꞌāpī nei, ꞌe a ia ꞌAtua haka tano i tāꞌana meꞌe kī. ꞌI te hora tano kī e te ꞌAtua i haka ꞌite ai ki te taŋata o ruŋa i te ora ꞌāpī nei hai ⌊roŋo riva-riva o ruŋa i a Ietū Kiritō⌋, he roŋo haka ꞌite oho e au uŋa mai e te ꞌAtua, kope toꞌo i a tātou mai roto i te ūtuꞌa o te hara.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Tanatiako 1:1

A au, a ⌊Tanatiako⌋, tāvini o te ꞌAtua ꞌe o te Pūꞌoko Haka Tere ko Ietū Kiritō, he ꞌaroha atu ki a kōrua ki te taina ⌊haka moe i te manaꞌu⌋ ꞌi ruŋa i a Ietū o te hoꞌe ꞌahuru mā piti mata o te itaraera noho ꞌi te henua taꞌatoꞌa.

1 Pētero 1:1

A au, a Pētero, ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana noho ꞌi te henua kē, taꞌe ꞌi te rāua henua mau era, ꞌi te ŋā kona era ko Ponotō, ko Karatia, ko Kāpārōtia, ko ꞌĀtia ꞌe ko Vītīnia.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

1 Pētero 2:7

Mo kōrua mo te nuꞌu haka moe i te manaꞌu ꞌi ruŋa i a Ietū, te māꞌea ena māꞌea hauhaꞌa rahi. ꞌE mo te nuꞌu taꞌe haka moe i te manaꞌu ꞌi ruŋa i a ia, e kī ena ꞌi ruŋa i te Pāpaꞌi Moꞌa pē nei ē: «Te māꞌea taꞌe haŋa era e te nuꞌu aŋa hare, ko riro ꞌana he māꞌea matuꞌa haka noho hare».

1 Pētero 5:1

Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.

2 Pētero 1:4

Hai ŋā meꞌe nei i vaꞌai mai ai i te meꞌe nui-nui ꞌe hauhaꞌa hōrea mai era mo tātou. ꞌE hai rā ŋā meꞌe hōrea mai era e riva nei tātou mo eꞌa mai roto i te manaꞌu taꞌe tano o te ao nei ꞌe mo riro o tātou pē ia, te auraꞌa, mo ai i a tātou takoꞌa tōꞌona huru riva.

Hura 1:1

A au, a Hura, tāvini o Ietū Kiritō, ꞌe taina o ⌊Tanatiako⌋, he ꞌaroha atu ki a kōrua ki te nuꞌu haŋa e te ꞌAtua Matuꞌa ꞌe haꞌataꞌa māꞌana, he nuꞌu hāpaꞌo ꞌa Ietū Kiritō.