1 Pētero 5:6 - Rapa Nui

⁶ E haka hauhaꞌa-ꞌore kōrua i a kōrua ꞌi muꞌa i te pūai nui-nui o te ꞌAtua, ki haka nui-nui atu ai i a kōrua ꞌi te hora tano ki a ia.

1 Pētero 5:6 Iomraidhean Croise

Māteo 23:12

Te kope haka paka, paꞌi, i a ia, pe muꞌa ka oho ena, e haka ka-kata ꞌe e haka haꞌamā rō. ꞌE te kope taꞌe haka paka i a ia, pe muꞌa ka oho ena e haka hōnui rō.

Ruka 1:52

Ko hiko ꞌana i te tōroꞌa ꞌariki mai te ꞌariki, ꞌe ko haka nui-nui ꞌā i te nuꞌu tōroꞌa kore.

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Rōmano 5:6

Hora era ꞌina he rāveꞌa toe o tātou o te taŋata mo eꞌa mai roto i te hara, i mate ai te ⌊Kiritō⌋ mo tātou, hora kī mau era ꞌā mo mate.

1 Kōrinto 10:22

¿E haŋa ꞌana hō tātou mo haka mākota i te tātou Pūꞌoko Haka Tere? ꞌIna ko rehu: i hau rō atu a ia i te pūai ki a tātou.

1 Timoteo 2:6

ꞌO haka ūtuꞌa e te ꞌAtua i te taŋata, i vaꞌai ai a Ietū i a ia mo mate mo ꞌamo e ia i te ūtuꞌa o te hara. Te meꞌe nei i topa ai ꞌi te hora kī e te ꞌAtua, ꞌe i haka ꞌite rō mai ki a tātou: a ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara.

Tanatiako 4:10

E riro kōrua he nuꞌu ꞌite pē nei ē: mo kore o te ꞌAtua ꞌina e tahi kōrua auraꞌa, ki haka hōnui atu ai kōrua e ia.

Tanatiako 4:7

ꞌO ira, e haka rē kōrua mo haka tere atu e te ꞌAtua; ꞌina ko haka rē ki a Rukifero, ki tere ai mai muri i a kōrua.

Tanatiako 5:10

Ka manaꞌu rā kōrua ki te ŋā perofeta era o muꞌa ꞌā: i haꞌaoromaꞌi i oho nō e tōtōā era e te taŋata ꞌo te vānaŋa hai ꞌīŋoa o te ꞌAtua. E haꞌaoromaꞌi kōrua, e te taina ē, pē ira.