1 Pētero 5:5 - Rapa Nui

⁵ ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

1 Pētero 5:5 Iomraidhean Croise

Ruka 22:26

»A kōrua ꞌina ko tuꞌu pē ira. Te kope hopeꞌa o te hōnui o roto o kōrua e haka riro i a ia pa he kope hopeꞌa o te taꞌe hōnui, te kope ko ia te pūꞌoko haka tere e haka riro i a ia pa he tāvini.

Rōmano 12:10

E here ꞌi roto i a kōrua pa he taina, ꞌe e moꞌa pa he nuꞌu manaꞌu i hau rō atu te rua ki a rāua.

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

Ēfeto 5:21

E te taina, e moꞌa kōrua ꞌi roto i a kōrua ꞌana, ki takeꞌa ai e moꞌa rō ꞌana kōrua i a Ietū Kiritō.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

Kōrosa 3:12

Te ꞌAtua e haŋa rō ꞌana ki a kōrua ꞌe ko haꞌataꞌa ꞌana i a kōrua māꞌana. ꞌO ira, e riro kōrua nuꞌu māhatu ꞌaroha, nuꞌu riva, nuꞌu taꞌe manaꞌu i hau rō atu ki te rua, nuꞌu haumārū, ꞌe nuꞌu ꞌite i te haꞌaoromaꞌi.

1 Timoteo 5:1

Ana kī tāꞌue koe i te hape o te taŋata paꞌari, e kī hai moꞌa, pa he kī iŋa ōꞌou ki tuꞌu matuꞌa tane. Ki te ŋāŋata ꞌāpī e kī pa he kī iŋa ōꞌou ki tuꞌu taina.

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

Tanatiako 4:6

ꞌE te ꞌAtua, ꞌi tōꞌona riva rahi, e hāꞌūꞌū rō mai ꞌā. E kī rō ꞌana, paꞌi, ꞌi ruŋa i te Pāpaꞌi Moꞌa: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

1 Pētero 3:8

Te meꞌe haŋa: e noho kōrua taꞌatoꞌa ꞌi roto i te haumārū ꞌe e tahi mau nō manaꞌu. E here ꞌi roto i a kōrua pa he taina. E riva kōrua, ꞌe ꞌina ko manaꞌu pē nei ē: i hau rō atu kōrua ki te rua.

1 Pētero 4:1

Ko ꞌite ꞌana e tātou: a Ietū Kiritō i ꞌamo rō i te ꞌati ꞌi te ao nei. ꞌI roto i tōꞌona manaꞌu, paꞌi, ko haka tano era ꞌana i a ia mo aŋa pē ira, ana haŋa te ꞌAtua. ꞌO ira te tātou manaꞌu e tuꞌu pa he manaꞌu mau era ꞌā ōꞌona. Te kope manaꞌu pē ira ko hārui ꞌana hai tuaꞌivi i te hara,

1 Pētero 4:5

Ka ai atu pē ira, pe muꞌa ka oho ena, ka taꞌe haŋa atu e rāua, e kī tahi nō i te rāua meꞌe i aŋa ki te kope māꞌana e ture i te nuꞌu ora ꞌe i te nuꞌu mate.