1 Pētero 5:12 - Rapa Nui

¹² A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.

1 Pētero 5:12 Iomraidhean Croise

Iovani 21:21

I takeꞌa era e Pētero, he ꞌui: —E Ietū, ¿he aha te meꞌe ka topa ena ki te kope era?

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Aŋa o te ꞌĀpōtoro 15:22

He manaꞌu e te ꞌāpōtoro, e te nuꞌu pūꞌoko haka tere ꞌe e te nuꞌu taꞌatoꞌa haka moe i te manaꞌu ꞌi ruŋa i a Ietū mo toꞌo, mai roto i a rāua, i te nuꞌu mo uŋa ki Antiokia ꞌi muri i a Pauro ararua ko Verenāvē. He toꞌo ia i a Hura, kī takoꞌa ko Varasāvā, ꞌe i a Tira, he ŋāŋata hōnui o rāua.

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Rōmano 5:2

ꞌE, takoꞌa, hai haka moe i te manaꞌu ꞌi ruŋa i a Ietū e ꞌite nei a tātou o ruŋa i te riva rahi o te ꞌAtua, ꞌe e noho nei ꞌi roto. E koa rahi nei a tātou ꞌo te ai, pe muꞌa ka oho ena, i a tātou te huru riva o te ꞌAtua, he roa haŋa ꞌāꞌana mo tātou.

1 Kōrinto 15:1

Hora nei, e te taina ē, e haŋa rō ꞌana a au mo manaꞌu o kōrua ki te ⌊roŋo riva-riva o te ꞌAtua⌋ haka ꞌite atu e au, maꞌu hio-hio e kōrua ꞌi roto i te kōrua māhatu.

2 Kōrinto 1:19

A Ietū Kiritō, Poki era o te ꞌAtua, haka ꞌite atu era e au, e Tira ꞌe e Timoteo, kope taꞌe kī «ꞌē-ē» mo ꞌina, ꞌe «ꞌina» mo ꞌē-ē. A ia he ꞌē-ē mau ꞌā o te ꞌAtua;

2 Kōrinto 1:24

Taꞌe, paꞌi, i a mātou te kī pē hē kōrua ana maꞌu i te kōrua haka moe iŋa i te manaꞌu ꞌi ruŋa i a Ietū. Te meꞌe i a mātou he hāꞌūꞌū atu mo ꞌata koa o kōrua. E ꞌite rō ꞌana, paꞌi, mātou e pūai rō ꞌana te kōrua haka moe iŋa i te manaꞌu.

Ēfeto 3:3

ꞌĀꞌana i haka ꞌite mai i te parautiꞌa taꞌe haka ꞌite era ꞌi muꞌa ꞌā, he meꞌe nā ko pāpaꞌi ꞌiti-ꞌiti atu ꞌana e au.

Ēfeto 6:21

Mo te tātou taina haŋa rahi nei ko Tīkiko e maꞌu atu i te parau ꞌāpī o ruŋa i te meꞌe taꞌatoꞌa topa mai ki a au. E hāꞌūꞌū rō mai ꞌana a Tīkiko, ꞌe he tāvini takoꞌa pē au o te ꞌAtua ꞌite i te haka tano i tāꞌana meꞌe kī.

Kōrosa 1:7

Te meꞌe ena ꞌa Epafara, kope haŋa rahi o mātou aŋa takoꞌa ki te ꞌAtua, i hāpī atu. A ia he tāvini parautiꞌa ꞌa Ietū Kiritō.

Kōrosa 4:7

Mo te tātou taina haŋa rahi nei ko Tīkiko e maꞌu atu i te parau ꞌāpī o ruŋa i te meꞌe taꞌatoꞌa topa mai ki a au. A ia e hāꞌūꞌū rō mai ꞌana, ꞌe he tāvini takoꞌa pē au o te ꞌAtua ꞌite mo haka tano i tāꞌana meꞌe kī.

Kōrosa 4:9

ꞌE nā ꞌi muri i a ia i uŋa takoꞌa atu ena i a Onetimoro, he taina haŋa rahi o tātou ꞌite takoꞌa mo haka tano i tāꞌana meꞌe kī. A ia o te kona ena o kōrua. Mo rāua e ꞌaꞌamu atu i te meꞌe taꞌatoꞌa o nei.

1 Tētārōnika 1:1

A au, a Pauro, a Tirivano ꞌe a Timoteo he ꞌaroha atu ki a kōrua ki te nuꞌu taꞌatoꞌa o Tētārōnika haꞌamuri ki te ꞌAtua Matuꞌa ꞌe ki te Pūꞌoko Haka Tere ko Ietū Kiritō. Ka ai ꞌi ruŋa i a kōrua te riva rahi ꞌe te haumārū o te ꞌAtua.

2 Tētārōnika 1:1

A au, a Pauro, a Tirivano ꞌe a Timoteo he ꞌaroha atu ki a kōrua ki te nuꞌu taꞌatoꞌa o Tētārōnika haꞌamuri ki te ꞌAtua Matuꞌa ꞌe ki te Pūꞌoko Haka Tere ko Ietū Kiritō.

ꞌEvereo 13:22

E te taina, he ani atu au mo haka roŋo riva-riva kōrua ki tāꞌaku meꞌe ꞌiti-ꞌiti pāpaꞌi atu ena mo haka pūai i te kōrua manaꞌu ꞌi ruŋa i te ꞌAtua.

1 Pētero 1:13

E te taina, e ꞌara te kōrua mata ꞌe e ꞌite i te hāito i te kōrua meꞌe kī ꞌe i te kōrua meꞌe aŋa. E haka hio-hio te kōrua manaꞌu ꞌi ruŋa i te meꞌe o te ꞌAtua ka vaꞌai atu ena hai riva rahi ōꞌona ꞌi te hora o te hoki iŋa mai o Ietū Kiritō.

1 Pētero 4:10

Hai meꞌe vaꞌai atu e te ꞌAtua mo aŋa i tāꞌana aŋa, e hāꞌūꞌū ki te rua, pa he nuꞌu ꞌite i te haka tere riva-riva i te rauhuru meꞌe vaꞌai e ia.

2 Pētero 1:12

ꞌO ira a au, e te taina ē, ka haka manaꞌu ka oho atu ena o ruŋa i te meꞌe taꞌatoꞌa ena, ka ai atu, nā e maꞌu hio-hio mai ena kōrua i nā parautiꞌa.

2 Pētero 2:15

Ko oho ꞌana, paꞌi, a te ara kē mai te ara tī-tika o te ꞌAtua. Te meꞌe aŋa oho he meꞌe aŋa e te perofeta era ko ⌊Vārama⌋, poki ꞌa Vōtoro, ꞌi te hora haŋa mo aŋa i te meꞌe taꞌe tano mo ravaꞌa moni.

3 Iovani 1:12

Te taina taꞌatoꞌa e vānaŋa riva-riva rō ꞌā o ruŋa i a Remeterio, ꞌe hai noho iŋa tano ōꞌona e takeꞌa ena he taŋata riva-riva. A mātou takoꞌa e vānaŋa riva-riva rō ꞌā o ruŋa i a ia, ꞌe ko ꞌite ꞌana e koe he parautiꞌa te mātou meꞌe kī.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.