1 Pētero 4:2 - Rapa Nui

² ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

1 Pētero 4:2 Iomraidhean Croise

Māteo 12:50

Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Māteo 20:4

He kī: “Ka oho kōrua ka aŋa ꞌi tōꞌoku kona vino era. He ꞌauhau atu a au i te moni tano”. He eꞌa rā nuꞌu he oho.

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Māteo 7:21

»Taꞌe taꞌatoꞌa nuꞌu kī mai: “E tōꞌoku Pūꞌoko Haka Tere ē”, mo oꞌo ki roto i te haka tere iŋa ꞌāpī o tōꞌoku Matuꞌa ꞌi te raŋi; te nuꞌu mau nō mo oꞌo he nuꞌu aŋa i tāꞌana meꞌe haŋa.

Marko 3:35

Te nuꞌu aŋa, paꞌi, i te meꞌe haŋa o te ꞌAtua he huaꞌai takoꞌa ōꞌoku.

Marko 7:21

Mai roto, paꞌi, e eꞌa ena te ŋā meꞌe nei: he manaꞌu rake-rake, he piri tane taꞌatoꞌa taꞌe haꞌatiꞌa e te ꞌAtua, he toke, he tiŋaꞌi he haka mate i te taŋata,

Iovani 1:13

A rāua he ŋā poki o te ꞌAtua taꞌe ꞌō ꞌo te poreko mai roto i te viꞌe ararua ko te taŋata, ꞌo te ai ko poreko haka ꞌou ꞌā mai te ꞌAtua.

Iovani 7:17

Te kope haŋa mo aŋa i te meꞌe haŋa o te ꞌAtua he aŋi-aŋi hoki tāꞌaku hāpī nei mai te ꞌAtua ꞌo he vānaŋa ꞌāꞌaku mau ꞌā.

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

Rōmano 14:7

Taꞌe mo koa o tātou nō a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ora nei ꞌo e mate ena.

Rōmano 6:11

ꞌE a kōrua, e manaꞌu pē nei ē: ko mate takoꞌa ꞌā i a kōrua te pūai o te hara, ꞌe te ora ꞌāpī o kōrua o te hora nei mo aŋa, hai Ietū Kiritō, i te meꞌe haŋa o te ꞌAtua.

Rōmano 6:2

¡Taꞌe pē ira! Ko mate ꞌā i a tātou te hara. ¿He aha ia a tātou ana noho nō ꞌi roto i te hara?

Rōmano 7:4

Pē ira takoꞌa a kōrua, e te taina ōꞌoku ē. ꞌIna he pūai toe o te haka tere iŋa ꞌa Mōtē ꞌi ruŋa i a kōrua. I mate era a Ietū mo tātou, ko mate takoꞌa ꞌā a tātou ꞌi muri. Pē ira i kore ai te pūai o rā haka tere iŋa mai ruŋa i a tātou, ꞌe ꞌi te hora nei te meꞌe i a tātou he pūai o te kope ora haka ꞌou mai era mai te mate mo aŋa o tātou i te meꞌe haŋa o te ꞌAtua.

2 Kōrinto 5:15

Te Kiritō i mate ai mo te taꞌatoꞌa, ki aŋa ai e tātou e te nuꞌu ora i tāꞌana meꞌe haŋa, ꞌe taꞌe ꞌō i te tātou meꞌe haŋa. A ia, paꞌi, i mate ai ꞌe i ora haka ꞌou mai ai mo tātou.

Ēfeto 2:3

Pē ira te noho iŋa o tātou taꞌatoꞌa ꞌi muꞌa ꞌā, ꞌi te hora kai haka moe ꞌana i te manaꞌu ꞌi ruŋa i a Ietū. E aŋa ꞌā a tātou i te meꞌe haŋa nō era o tātou. E haka tano ꞌana i te noho iŋa ki te meꞌe taꞌe tano manaꞌu ꞌe pohe nō o te hakari. ꞌI rā hora e tano mau rō ꞌā te ꞌAtua mo riri ꞌe mo haka ūtuꞌa mai i a tātou, pa he meꞌe ka aŋa ena ki te tētahi nuꞌu.

Ēfeto 4:17

Te meꞌe haŋa ꞌa Ietū Kiritō mo kī atu e au ko te meꞌe nei: ꞌina kōrua ko noho haka ꞌou pa he nuꞌu taꞌe ꞌite ko ai te ꞌAtua parautiꞌa. Te noho iŋa, paꞌi, o rā nuꞌu e haka tano ena ki te manaꞌu taꞌe hauhaꞌa ꞌe taꞌe hāꞌūꞌū i a rāua.

Ēfeto 5:17

ꞌIna kōrua ko aŋa i te meꞌe ꞌina kai manaꞌu riva-riva hia; e noho e haka topa he aha te meꞌe haŋa mau o te ꞌAtua.

Ēfeto 6:6

E aŋa riva-riva te kōrua aŋa, taꞌe nō ꞌō ꞌi te hora ꞌi muri i a kōrua te nuꞌu haka aŋa atu ki koa ai a rāua. E aŋa kōrua pa he tāvini o Ietū aŋa hai māhatu i te meꞌe haŋa e te ꞌAtua.

Kōrosa 1:9

ꞌO ira, mai te hora ꞌite era o mātou o ruŋa i a kōrua, e pure e oho nō nei ki te ꞌAtua mo vaꞌai atu e ia, hai Vārua Maitai, i te ꞌite ꞌe i te mārama-rama mo aŋi-aŋi riva-riva i tāꞌana meꞌe haŋa mo aŋa e kōrua.

Kōrosa 3:3

A kōrua, paꞌi, ko mate ꞌana, te auraꞌa, ko haka rē ꞌana te kōrua noho iŋa raꞌe era. ꞌE hora nei, te kōrua noho iŋa ꞌāpī ena pa he meꞌe: ꞌi muri i a Ietū Kiritō ꞌi muꞌa o te ꞌAtua. Te noho iŋa nei ꞌina he aŋi-aŋi e te taŋata

Kōrosa 4:12

A Epafara, tāvini takoꞌa o Ietū Kiritō, ꞌī e ꞌaroha atu ena. A ia takoꞌa o te kona ena o kōrua, ꞌe te aŋa nō ꞌāꞌana he ani ki te ꞌAtua mo kōrua ꞌi roto i tāꞌana pure, mo haka hio-hio atu i te manaꞌu ꞌi ruŋa i a Ietū, ki aŋi-aŋi riva-riva ai e kōrua he aha te meꞌe haŋa o te ꞌAtua mo kōrua.

1 Tētārōnika 5:18

ꞌE, takoꞌa, e māuru-uru kōrua ki te ꞌAtua ꞌi te taꞌatoꞌa nō hora nōatu te meꞌe topa atu. Ko te ŋā meꞌe nei te meꞌe haŋa ꞌāꞌana mo aŋa e kōrua e te nuꞌu haka moe i te manaꞌu ꞌi ruŋa i a Ietū.

ꞌEvereo 13:21

e haka riro i a kōrua he taŋata riva, tano i te meꞌe taꞌatoꞌa, mo aŋa i tāꞌana meꞌe haŋa. ꞌE māꞌana takoꞌa e aŋa ꞌi ruŋa i a tātou tāꞌana meꞌe nō era i haŋa hai Ietū Kiritō. ¡Ki haꞌahana-hana tātou ki a Ietū Kiritō ꞌātā ki te hopeꞌa raꞌa! Ka ai pē ira.

Tanatiako 1:18

Te ꞌAtua, ꞌi te ai ko haŋa ꞌā, i vaꞌai rō mai i te ora ꞌāpī ꞌina he hopeꞌa raꞌa hai haka moe i te manaꞌu ꞌi ruŋa i tāꞌana roŋo o ruŋa i te parautiꞌa, ki ai ai a tātou he raꞌe o roto i tāꞌana meꞌe aŋa taꞌatoꞌa.

1 Pētero 1:14

Pa he ŋā poki haꞌatura ki te ꞌAtua, ꞌina ko haka tano haka ꞌou te kōrua noho iŋa ki te meꞌe taꞌe tano haka tere atu i a kōrua ꞌi muꞌa ꞌā, ꞌi te hora kai ꞌite ꞌana o ruŋa i te ꞌAtua.

1 Pētero 2:1

ꞌE hora nei, ꞌi te ai i a kōrua te ora ꞌāpī, e haka kore mai ruŋa i a kōrua te meꞌe taꞌatoꞌa taꞌe tano: te reo-reo, te haka tuꞌu i a kōrua pa he nuꞌu riva ꞌe rā riva a te haho ꞌā, te nou-nou ki te meꞌe o te rua, ꞌe te haꞌaꞌino.

1 Iovani 2:17

ꞌE te ao haka tere hai manaꞌu taŋata nā e kore e oho ena koia ko tāꞌana meꞌe taꞌatoꞌa taꞌe tano. ꞌE te kope aŋa i te meꞌe haŋa e te ꞌAtua, i a ia te ora ꞌāpī ꞌina he hopeꞌa raꞌa.