1 Pētero 4:12 - Rapa Nui

¹² E te taina haŋa rahi ē, ꞌina kōrua ko māere ꞌo te ai ko topa atu ꞌana te ꞌati ꞌi ruŋa i a kōrua, pa he haka ꞌatu iŋa ena i te piru hai ahi, ꞌe ꞌina ko manaꞌu he meꞌe huru kē e tahi.

1 Pētero 4:12 Iomraidhean Croise

1 Kōrinto 10:13

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

1 Kōrinto 3:13

Te huru o te aŋa o te taꞌatoꞌa ka takeꞌa riva-riva ena ꞌi te mahana o te ture hopeꞌa, mahana ka uꞌi era e Ietū hai ahi hoki i aŋa riva-riva rō ꞌo ꞌina.

2 Timoteo 3:12

ꞌĪ a au he kī atu: te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū Kiritō, haŋa mo riro o rāua he nuꞌu moꞌa ꞌe haꞌatura ki a ia, e ꞌite: he tute i a rāua e te nuꞌu taꞌe haŋa ki te ꞌAtua mo tōtōā.

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.

1 Pētero 4:4

ꞌE, hora nei, ꞌi te haka tapa o kōrua mai muri i rā nuꞌu ꞌi te rāua noho iŋa taꞌe tano, he māere ꞌe he vānaŋa taꞌe tano mo kōrua.

1 Pētero 5:9

ꞌIna ko haꞌatiꞌa mo haka tere atu i a kōrua. E haka hio-hio e oho te kōrua haka moe iŋa i te manaꞌu ꞌi ruŋa i te ꞌAtua ꞌi te ꞌite pē nei ē: ꞌi te kona taꞌatoꞌa o te ao, e topa takoꞌa rō ꞌana te ꞌati tuꞌu pē ira ki te kōrua taina.