1 Pētero 4:11 - Rapa Nui

¹¹ Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.

1 Pētero 4:11 Iomraidhean Croise

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Iovani 13:31

I eꞌa era a Hura he kī a Ietū: —E ko roa he takeꞌa te pūai ꞌe te nui-nui o te ⌊Poki o te taŋata⌋, ꞌe hai ia ka takeꞌa takoꞌa ena te pūai ꞌe te nui-nui o te ꞌAtua.

Aŋa o te ꞌĀpōtoro 7:38

ꞌE, takoꞌa, hora era ꞌā ꞌi te kona ꞌone taꞌe noho taŋata te itaraera, ko Mōtē te meꞌe i vānaŋa ararua ko te merahi ꞌi ruŋa i te maꞌuŋa ko Tinaī ꞌe i maꞌu i te vānaŋa ki te tātou tupuna. Ki a Mōtē e haka ꞌite era e te merahi i te vānaŋa o te ꞌAtua vaꞌai i te ora ꞌina he hopeꞌa raꞌa mo haka ꞌite mai ki a tātou ki te itaraera.

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

Rōmano 16:27

¡ꞌĀtā ki te hopeꞌa raꞌa ki haꞌahana-hana tahi tātou hai Ietū Kiritō ki te ꞌAtua, ko ia mau nō te ꞌAtua, ꞌe i a ia mau nō te mārama-rama parautiꞌa! ꞌĀmene.

Rōmano 3:2

Meꞌe rahi nō atu. E tahi o rā ŋā meꞌe: he haka ꞌite o te ꞌAtua i tāꞌana vānaŋa ki te hūrio.

1 Kōrinto 10:31

E te taina, te tano mau: te meꞌe taꞌatoꞌa ena o kōrua mo aŋa, ꞌātā mo kai ꞌe mo unu, e aŋa tahi mo koa o te ꞌAtua ꞌe mo ꞌata moꞌa o te taŋata i a ia.

1 Kōrinto 12:4

ꞌI roto i a tātou i te nūnaꞌa taŋata haka moe i te manaꞌu ꞌi ruŋa i a Ietū e ai rō ꞌā huru kē huru kē te meꞌe vaꞌai mai mo aŋa i te aŋa o te ꞌAtua. Ka ai atu pē ira, o te kope mau nō e tahi te vaꞌai mai, o te Vārua Maitai.

1 Kōrinto 3:10

Hai riva rahi o te ꞌAtua, ꞌāꞌaku i haꞌamata i hāpī atu ki a kōrua i te parau ꞌāpī riva-riva o ruŋa i a Ietū Kiritō; ꞌe, takoꞌa, i hāꞌūꞌū i te nuꞌu raꞌe o kōrua mo haka moe i te rāua manaꞌu ꞌi ruŋa i a Ietū, pa he kope ꞌāꞌana i aŋa i te mekerā ꞌi ruŋa ka haka tuꞌu era te hakari o te hare. ꞌE, hora nei, o te tētahi te hāpī te oho atu o ruŋa i a Ietū mo haka hio-hio o kōrua ꞌi te ara o te ꞌAtua, pa he nuꞌu o rāua te haka tuꞌu i te hakari o te hare ꞌi ruŋa i te mekerā. Te meꞌe nō, e uꞌi e aŋa riva-riva te hare.

1 Kōrinto 6:20

Ko ꞌauhau ꞌana, paꞌi, e ia i a tātou māꞌana ꞌi te hora mate era o Ietū ꞌi ruŋa i te tātaurō. ꞌO ira, te meꞌe taꞌatoꞌa aŋa e tātou hai hakari e takeꞌa e moꞌa rō ꞌana tātou i te ꞌAtua.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 9:13

Hai hāꞌūꞌū ena o kōrua he haꞌahana-hana te taina o Hērutarema ki te ꞌAtua ꞌi te ꞌite e maꞌu ꞌe e haꞌatura rō ꞌana kōrua ki te ⌊roŋo riva-riva o te ꞌAtua⌋ o ruŋa i a Ietū Kiritō, ꞌe ꞌi te rahi o te kōrua hāꞌūꞌū iŋa ki a rāua ꞌe ki te taŋata taꞌatoꞌa.

Ēfeto 1:19

ꞌe i te rahi o tōꞌona pūai e hāꞌūꞌū mai ena ki a tātou ki te nuꞌu haka moe i te manaꞌu ꞌi ruŋa i a Ietū. Te pūai nei he mana haka takeꞌa era e te ꞌAtua

Ēfeto 4:29

ꞌIna ko parauꞌino ꞌe ꞌina ko kī i te vānaŋa mo taꞌe au o te rua. Te meꞌe mau nō o kōrua mo vānaŋa he meꞌe riva-riva mo hāꞌūꞌū i te rua.

Ēfeto 5:20

ꞌO te ai o kōrua ꞌa Ietū Kiritō, Pūꞌoko Haka Tere o tātou, e māuru-uru e oho ki te ꞌAtua Matuꞌa mo te meꞌe taꞌatoꞌa.

Ēfeto 6:10

E te taina, te vānaŋa hopeꞌa ꞌāꞌaku ka kī atu ena: ꞌi te hora taꞌatoꞌa e haka rē mā Ietū e haka haŋu atu hai pūai nui-nui ōꞌona.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

Fīripo 2:11

ki kī ai te ŋā meꞌe taꞌatoꞌa nei pē nei ē: he parautiꞌa mau ꞌā a Ietū Kiritō he Pūꞌoko Haka Tere o te meꞌe taꞌatoꞌa. Pē ira ka haꞌahana-hana tahi ena ki te ꞌAtua Matuꞌa.

Kōrosa 4:6

Ana vānaŋa hai koa ꞌe e reka rō ꞌana, ki haka roŋo atu ai. ꞌE e ꞌite takoꞌa kōrua mo pāhono riva-riva i te rāua ꞌui o ruŋa i a Ietū.

1 Tētārōnika 2:4

E vānaŋa ena mātou pa he taŋata tano ki te mata o te ꞌAtua ꞌe haꞌataꞌa e ia mo haka ꞌite i tāꞌana roŋo riva-riva o ruŋa i a Ietū, ꞌe taꞌe ꞌō mo koa o te taŋata; mo koa o te ꞌAtua, kope ꞌite i te meꞌe tano ꞌe i te meꞌe taꞌe tano ꞌi roto i te mātou māhatu.

1 Timoteo 1:17

¡Ki moꞌa ꞌe ki haꞌahana-hana tahi tātou, ꞌātā ki te hopeꞌa raꞌa, ki te ꞌAriki, he ꞌAtua ꞌina ōꞌona haꞌamata, ꞌina ōꞌona hopeꞌa, ꞌina he mate, ꞌina he takeꞌa, ꞌe e tahi mau nō! Ka ai pē ira.

1 Timoteo 6:16

ꞌIna o ruŋa i a ia te mate; ꞌi roto i te mōrī ꞌana-ꞌana e noho ena ꞌe ꞌi te pūai o rā mōrī e ko hāhine e tahi kope. ꞌIna ꞌā e tahi taŋata i takeꞌa ꞌe mo takeꞌa takoꞌa i a ia. Ki haꞌamuri ꞌe ki haꞌahana-hana tātou i te ꞌAtua; i a ia, paꞌi, te parau ꞌe te pūai mo haka tere i te meꞌe taꞌatoꞌa ꞌātā ki te hora hopeꞌa. ⌊ꞌĀmene⌋.

Tito 2:1

ꞌE a koe, e Tito ē, ana hāpī i te nuꞌu taina, e haka tano ki te hāpī parautiꞌa o te ꞌAtua.

Tito 2:15

He meꞌe nei e au e pāpaꞌi atu ena te meꞌe mo hāpī ꞌe mo kī e koe ki te taina mo aŋa, ki tano ai te rāua manaꞌu ꞌe te rāua noho iŋa ki te hāpī parautiꞌa o te ꞌAtua. ꞌE ana hape a rāua, e ture. I a koe, paꞌi, te parau; ꞌe ꞌina ko haꞌatiꞌa mo taꞌe moꞌa atu.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.

ꞌEvereo 5:12

A kōrua ko haka moe nō mai era ꞌā i te manaꞌu ꞌi ruŋa i a Ietū. ꞌO ira, te tano mau: e hāpī kōrua i te rua. Ka ai atu pē ira, ko te ai iŋa ꞌana kōrua pa he nuꞌu e hāpī haka ꞌou i te meꞌe taꞌe aŋarahi mo aŋi-aŋi o ruŋa i te ꞌAtua. E tuꞌu rō ꞌana kōrua pa he ŋā poki poreko iho ꞌomo-ꞌomo ū taꞌe ꞌite mo kai i te kai paka-paka.

Tanatiako 1:19

E te taina haŋa rahi ē, e uꞌi ꞌo rehu: a kōrua taꞌatoꞌa e ꞌite mo haka roŋo i te vānaŋa. ꞌE, ana vānaŋa, ꞌi raꞌe ana manaꞌu riva-riva te kōrua meꞌe mo kī, ꞌe ꞌina ko riri tahaŋa.

Tanatiako 1:26

Te taŋata kī he taŋata pure ꞌAtua a ia ꞌe ꞌina he haka rehe i tōꞌona ꞌarero, e reo-reo ꞌana ki a ia ꞌā, ꞌe te meꞌe aŋa ꞌāꞌana mo te ꞌAtua ꞌina e tahi hauhaꞌa.

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.

1 Pētero 4:10

Hai meꞌe vaꞌai atu e te ꞌAtua mo aŋa i tāꞌana aŋa, e hāꞌūꞌū ki te rua, pa he nuꞌu ꞌite i te haka tere riva-riva i te rauhuru meꞌe vaꞌai e ia.

1 Pētero 4:16

Meꞌe kē te meꞌe he ꞌamo i te ꞌati ꞌo te ai o kōrua he ⌊kiritiano⌋, ꞌe, mo topa atu, ꞌina ko haꞌamā. Te meꞌe mo aŋa: he haꞌahana-hana i te ꞌAtua ꞌo te ai o kōrua ꞌa Ietū Kiritō.

1 Pētero 5:11

ꞌe ꞌAtua hopeꞌa o te pūai haka tere i te meꞌe taꞌatoꞌa ꞌina he hopeꞌa raꞌa. Ka ai pē ira.