1 Pētero 4:10 - Rapa Nui

¹⁰ Hai meꞌe vaꞌai atu e te ꞌAtua mo aŋa i tāꞌana aŋa, e hāꞌūꞌū ki te rua, pa he nuꞌu ꞌite i te haka tere riva-riva i te rauhuru meꞌe vaꞌai e ia.

1 Pētero 4:10 Iomraidhean Croise

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Māteo 24:14

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Māteo 24:21

Te ꞌati ka topa era ꞌi rā ŋā mahana he taparahi-taꞌata, he meꞌe kai topa ꞌā mai te hora aŋa e te ꞌAtua i te ao ki ꞌaŋarīnā, ꞌe ꞌina e ko ai haka ꞌou te meꞌe tuꞌu pē ira ki te hora hopeꞌa.

Māteo 24:45

»E ai kōrua pa he tāvini haꞌatura ꞌe haka roŋo, kope haka pūꞌoko e te taŋata haka aŋa i a ia mo tuhaꞌa i te kai ꞌi tōꞌona hora ki te tētahi tāvini o te hare.

Māteo 25:17

Pē ira takoꞌa ꞌana tū kope era i a ia te rua taꞌutini, he ravaꞌa e rua taꞌutini haka ꞌou.

Māteo 25:44

»ꞌI rā hora ka ꞌui era e rā nuꞌu: “¿ꞌI ꞌaŋahē a mātou i takeꞌa ai i a koe e maruaki rō ꞌana, ꞌo e pohe rō ꞌā ki te vai, ꞌo he taŋata o te rua henua ꞌina he kona mo noho, ꞌo ꞌina he kahu ꞌo e māui-ui rō ꞌana, ꞌo e puru rō ꞌā ꞌi roto i te hare maꞌuꞌaurī ꞌe ꞌina kai hāꞌūꞌū atu e mātou?”.

Marko 10:45

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara.

Ruka 12:42

He kī e Ietū: —E ai kōrua pa he tāvini haꞌatura ꞌe haka roŋo, haka pūꞌoko e te taŋata haka aŋa i a ia mo tuhaꞌa i te kai, ꞌi tōꞌona hora, ki te tētahi tāvini o te hare.

Ruka 19:13

ꞌI raꞌe ki te oho, he uŋa ki tōꞌona tāvini e hoꞌe ꞌahuru mo oho ki a ia, ꞌe he vaꞌai meꞌe rahi moni e tahi e tahi o rā ŋā tāvini ꞌe he kī: “E uꞌi te rāveꞌa mo haka aŋa i te moni ena ꞌātā ki tōꞌoku hoki iŋa mai”.

Ruka 8:3

a Huana, viꞌe ⌊hāipo-ipo⌋ ꞌa Kuta, taŋata ꞌāꞌana te haka tere i te hauhaꞌa o ⌊ꞌErore⌋; a Tūtana; ꞌe meꞌe rahi haka ꞌou atu te ŋā viꞌe e hāꞌūꞌū e oho era hai meꞌe ai o rāua.

Rōmano 15:25

ꞌĪ a au he oho ꞌi te hora nei ki Hērutarema, he maꞌu i te meꞌe mo hāꞌūꞌū o te ŋā taina era o ira.

Rōmano 15:27

Te meꞌe nei i aŋa ai hai manaꞌu o rāua, ka ai atu he meꞌe mau ꞌana mo aŋa e rāua. Pa he haka ꞌite iŋa era ꞌā e te hūrio o ruŋa i te rāua hauhaꞌa, he roŋo riva-riva o te ꞌAtua, ki te nuꞌu taꞌe he hūrio, pē ira takoꞌa ꞌana te nuꞌu taꞌe hūrio ana hāꞌūꞌū ꞌi te hora nei hai hauhaꞌa o rāua o te ao nei mo te hūrio haka moe i te manaꞌu ꞌi ruŋa i a Ietū.

1 Kōrinto 15:10

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

1 Kōrinto 3:10

Hai riva rahi o te ꞌAtua, ꞌāꞌaku i haꞌamata i hāpī atu ki a kōrua i te parau ꞌāpī riva-riva o ruŋa i a Ietū Kiritō; ꞌe, takoꞌa, i hāꞌūꞌū i te nuꞌu raꞌe o kōrua mo haka moe i te rāua manaꞌu ꞌi ruŋa i a Ietū, pa he kope ꞌāꞌana i aŋa i te mekerā ꞌi ruŋa ka haka tuꞌu era te hakari o te hare. ꞌE, hora nei, o te tētahi te hāpī te oho atu o ruŋa i a Ietū mo haka hio-hio o kōrua ꞌi te ara o te ꞌAtua, pa he nuꞌu o rāua te haka tuꞌu i te hakari o te hare ꞌi ruŋa i te mekerā. Te meꞌe nō, e uꞌi e aŋa riva-riva te hare.

1 Kōrinto 4:7

¿ꞌA ꞌai koe i kī i hau rō atu koe ki te rua? ꞌIna e tahi meꞌe ena ꞌāꞌau i taꞌe ai o te ꞌAtua i vaꞌai atu. ꞌE ꞌi te ai pē ira, ¿he aha ia koe e teꞌo-teꞌo ena ꞌe e haka tuꞌu ena pa he meꞌe ena ē: te meꞌe i a koe hai koe mau ꞌā e ai ena?

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

2 Kōrinto 9:1

ꞌE o ruŋa i te meꞌe he haꞌaputu i te moni mo te taina veve o Hērutarema, ¡¿mo aha atu ꞌā a au ana pāpaꞌi haka ꞌou atu?!

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

2 Timoteo 1:18

ꞌO ira a au e pure nei mo haka ꞌaroha o te ꞌAtua i a ia ꞌi te mahana o te ture hopeꞌa. Ko ꞌite riva-riva ꞌana, hoꞌi, koe, e Timoteo ē, pē hē a ia i hāꞌūꞌū mai ai ꞌi Ēfeto.

Tito 1:7

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

1 Pētero 5:12

A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.