1 Pētero 4:1 - Rapa Nui

¹ Ko ꞌite ꞌana e tātou: a Ietū Kiritō i ꞌamo rō i te ꞌati ꞌi te ao nei. ꞌI roto i tōꞌona manaꞌu, paꞌi, ko haka tano era ꞌana i a ia mo aŋa pē ira, ana haŋa te ꞌAtua. ꞌO ira te tātou manaꞌu e tuꞌu pa he manaꞌu mau era ꞌā ōꞌona. Te kope manaꞌu pē ira ko hārui ꞌana hai tuaꞌivi i te hara,

1 Pētero 4:1 Iomraidhean Croise

Marko 3:3

He kī e Ietū ki tū taŋata rima rehe-rehe era: «Ka māroa rā koe ꞌi vāeŋa».

Rōmano 6:11

ꞌE a kōrua, e manaꞌu pē nei ē: ko mate takoꞌa ꞌā i a kōrua te pūai o te hara, ꞌe te ora ꞌāpī o kōrua o te hora nei mo aŋa, hai Ietū Kiritō, i te meꞌe haŋa o te ꞌAtua.

Rōmano 6:2

¡Taꞌe pē ira! Ko mate ꞌā i a tātou te hara. ¿He aha ia a tātou ana noho nō ꞌi roto i te hara?

Rōmano 6:7

E mate ena, paꞌi, a tātou, he kore te pūai o te hara mai ruŋa i a tātou.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Ēfeto 6:13

E hāpaꞌo kōrua hai meꞌe taꞌatoꞌa vaꞌai atu e te ꞌAtua mo haka hio-hio ꞌi te hora moto atu e Rukifero. Pē ira e ko ravaꞌa i a kōrua.

Fīripo 2:5

E tuꞌu te kōrua manaꞌu pa he manaꞌu iŋa o Ietū

ꞌEvereo 12:3

E haka topa te tātou manaꞌu pē hē a Ietū i haꞌaoromaꞌi ai i te meꞌe taꞌatoꞌa taꞌe tano aŋa e te nuꞌu hara ki a ia; ꞌo ira ꞌina kōrua ko rohi-rohi ꞌe ꞌina ko hōriŋa

ꞌEvereo 4:10

Te kope oꞌo ki roto i te haka ora nei, he haka ora mai tāꞌana aŋa, pa he haka ora iŋa era o te ꞌAtua mai tāꞌana aŋa.

1 Pētero 2:21

Mo nei meꞌe te ꞌAtua i haꞌataꞌa ai i a tātou. Te Kiritō, paꞌi, i ꞌamo rō pē ira i te ꞌati mo tātou, ꞌe pē ira i haka rē mai ai i te haꞌaauraꞌa pē hē a tātou ana haka tere.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.