1 Pētero 3:5 - Rapa Nui

⁵ Pē ira te ŋā viꞌe moꞌa ꞌe haꞌatura ki te ꞌAtua o muꞌa ꞌā e haka nehe-nehe era. A rāua e haka noho rō ꞌana i te manaꞌu ꞌi ruŋa i te ꞌAtua ꞌe e haꞌatura rō ꞌana ki te rāua kenu.

1 Pētero 3:5 Iomraidhean Croise

Ruka 2:37

ꞌE, ki rā hora, ka vaꞌu ꞌahuru mā maha matahiti o tōꞌona hove. Te aŋa mau nō ꞌāꞌana, ka pō ka ꞌōtea, he noho ꞌi te Kona Haꞌamuri ꞌAtua, he pure ꞌe he tapu i te kai.

Aŋa o te ꞌĀpōtoro 1:14

Te aŋa o rāua he haka taka-taka mo pure ananake ko te taina o Ietū, ko ⌊Māria⌋ matuꞌa ōꞌona ꞌe ko te tētahi atu ŋā viꞌe.

Aŋa o te ꞌĀpōtoro 9:36

ꞌI te kona e tahi ko Hope i ai rō te viꞌe haka moe i te manaꞌu ꞌi ruŋa i a Ietū te ꞌīŋoa ko Tavitā, ꞌi te vānaŋa kirieko ko Rorokā. Te aŋa o te viꞌe nei he hāꞌūꞌū i te nuꞌu veve ꞌe i te tētahi nuꞌu.

Ēfeto 5:33

ꞌE mo kōrua takoꞌa te vānaŋa nei: e haŋa te kenu ki tāꞌana viꞌe, pa he haŋa iŋa mau era ꞌā ōꞌona ki a ia, ꞌe te viꞌe, e ꞌite mo moꞌa i tāꞌana kenu.

1 Timoteo 2:10

Te haka tau iŋa mau hai huru o te meꞌe riva-riva aŋa, he meꞌe tano o te ŋā viꞌe haŋa mo moꞌa ꞌe mo haꞌamuri ki te ꞌAtua.

1 Timoteo 2:15

Te tano mau: e haka tere te ŋā viꞌe hai manaꞌu o te ꞌAtua ki moꞌa ai e te taŋata. E noho e hāpaꞌo i te rāua ŋā poki, e haka moe e oho i te rāua manaꞌu ꞌi ruŋa i a Ietū, e haŋa e oho ki te rua, ꞌe e haꞌatura e oho ki te ꞌAtua. Pē ira he haka eꞌa e te ꞌAtua mai roto i te ūtuꞌa o te hara.

1 Timoteo 5:10

Te viꞌe nei he viꞌe ko ꞌite tahi ꞌana e te taŋata i tōꞌona huru riva, hāpaꞌo riva-riva i tāꞌana ŋā poki, hāpaꞌo i te nuꞌu tuꞌu ki tōꞌona hare, haka hopu i te vaꞌe o te nuꞌu haka moe i te manaꞌu ꞌi ruŋa i a Ietū, ꞌe hāꞌūꞌū ki te nuꞌu taꞌatoꞌa ai o te ꞌati. He viꞌe aŋa mau ꞌā a ia i te meꞌe haŋa o te ꞌAtua.

1 Timoteo 5:5

Te viꞌe hove o roto i te taina kope kore mo hāpaꞌo i a ia he ŋatu nō te haŋu ki te ꞌAtua mo hāꞌūꞌū. ꞌO ira ka pō ka ꞌōtea e pure e ani ena.

ꞌEvereo 11:11

He haka moe i te manaꞌu ꞌi ruŋa i te ꞌAtua, a Tara, viꞌe ꞌa ꞌAparahama, ka ai atu he paꞌa ꞌe ko rūꞌau riva-riva ꞌā, i tupu nō te poki ꞌo te ꞌite e ko taꞌe haka tano e te ꞌAtua i tāꞌana meꞌe hōrea.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,