1 Pētero 3:4 - Rapa Nui

⁴ E ai hai meꞌe o roto i te māhatu, pa he huru riva ꞌe haumārū, he nehe-nehe taꞌe ŋaro ki te hora hopeꞌa. Te nehe-nehe tuꞌu pē nei e hauhaꞌa rahi rō ꞌā ki te ꞌAtua.

1 Pētero 3:4 Iomraidhean Croise

Māteo 11:29

E aŋa tāꞌaku meꞌe kī atu ꞌe e riro kōrua he nuꞌu hāpī ꞌāꞌaku. A au, paꞌi, he kope riva, taꞌe riri-riri tahaŋa ꞌe taꞌe manaꞌu i hau rō atu ki te rua. Pē ira he ŋaroꞌa e kōrua te ora.

Māteo 21:5

«Ka kī ki te nuꞌu o te kona ena ko ⌊Tione⌋, kī takoꞌa ko Hērutarema: “Ka uꞌi tuꞌu ꞌAriki e oho mai ena, pa he taŋata taꞌe hōnui, e eke rō ꞌana ꞌi ruŋa i te muni, he poki o te muni maꞌu taoꞌa”».

Māteo 23:26

¡E te fariseo matapō ē, ka haroꞌi te roto o te hapaina ꞌi raꞌe, ꞌe pē ira ana maꞌitaki takoꞌa te haho!

Māteo 5:5

Ko te koa i te nuꞌu taꞌe manaꞌu i hau rō atu rāua ki te rua; ki a rāua ka vaꞌai ena i te henua.

Ruka 11:40

»¡E te maꞌa-maꞌa ē! ¿Kai ꞌite ꞌana ꞌō kōrua: o te kope ꞌāꞌana i aŋa i te haho i aŋa takoꞌa i te roto?

Ruka 16:15

He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Rōmano 1:23

he taꞌe haꞌamuri ki te ꞌAtua parautiꞌa. E haꞌamuri ena ki te ꞌītoro aŋa e rāua pa he taŋata, pa he manu rere, pa he manu vaꞌe e hā ꞌe pa he manu to-toro ꞌi ruŋa i te ꞌōꞌone.

Rōmano 2:29

Te auraꞌa: te ai ōꞌou he taŋata haꞌataꞌa parautiꞌa e te ꞌAtua māꞌana he meꞌe o te māhatu, ꞌe pē ira ꞌā te hore i te kiri o te kinoŋa. Te hore parautiꞌa o te kinoŋa he haka kore i te meꞌe taꞌe tano mai roto i te māhatu, he meꞌe aŋa e te ⌊Vārua Maitai⌋ mau nō, ꞌe taꞌe he meꞌe ravaꞌa hai maꞌu ꞌe hai haꞌatura ki te haka tere iŋa ꞌa Mōtē. Te kope pē nei e haꞌahana-hana rō ꞌā e te ꞌAtua ka ai atu ꞌina he haꞌahana-hana e te taŋata.

Rōmano 6:6

Ko ꞌite ꞌana a tātou: te huru era o tātou o muꞌa ꞌana ko mate ꞌā hora mate era o Ietū ꞌi ruŋa i te tātaurō. Pē ira i kore ai te pūai o te hara mai ruŋa i a tātou, ꞌo haka tere haka ꞌou i a tātou e te hara.

Rōmano 7:22

Hai māhatu a au e haŋa nei ki te ⌊haka tere iŋa o te ꞌAtua haka pāpaꞌi ki a Mōtē⌋.

2 Kōrinto 10:1

E te taina, nā ꞌi roto i a kōrua te nuꞌu e haꞌaꞌino rō ꞌā i a au pē nei ē: ꞌi te hora ōꞌoku ꞌi muri i a kōrua, ꞌina a au he kī atu ki te kōrua ꞌāriŋa i te kōrua hape, ꞌe, ꞌi te hora mo pāpaꞌi atu, he ture nō atu tāꞌaku aŋa. ꞌO ira, a au, a Pauro, he ani atu hai haŋa ꞌe hai riva rahi o te ⌊Kiritō⌋:

2 Kōrinto 4:16

ꞌO ira a mātou e taꞌe hōriŋa nei ꞌi te mātou aŋa. Te mātou hakari, pe te rehe-rehe pe te oho nō, ꞌe, ka ai atu pē ira, te mātou haka moe iŋa i te manaꞌu ꞌi ruŋa i a Ietū pe te pūai pe te oho nō te mahana te mahana.

Karatia 5:23

he taꞌe manaꞌu i hau rō atu ki te rua, ꞌe he ꞌite mo hāito i te meꞌe kī ꞌe i te meꞌe aŋa. Te nuꞌu pē nei, e ko aŋa e tahi meꞌe hape ki te haka tere iŋa o te ꞌAtua.

Ēfeto 4:2

ꞌIna ko manaꞌu i hau rō atu kōrua ki te rua, ꞌina ko ꞌōhumu, ꞌina ko riri tahaŋa, ꞌe e ꞌite kōrua mo haꞌaoromaꞌi hai haŋa i te rua.

Kōrosa 3:12

Te ꞌAtua e haŋa rō ꞌana ki a kōrua ꞌe ko haꞌataꞌa ꞌana i a kōrua māꞌana. ꞌO ira, e riro kōrua nuꞌu māhatu ꞌaroha, nuꞌu riva, nuꞌu taꞌe manaꞌu i hau rō atu ki te rua, nuꞌu haumārū, ꞌe nuꞌu ꞌite i te haꞌaoromaꞌi.

Kōrosa 3:3

A kōrua, paꞌi, ko mate ꞌana, te auraꞌa, ko haka rē ꞌana te kōrua noho iŋa raꞌe era. ꞌE hora nei, te kōrua noho iŋa ꞌāpī ena pa he meꞌe: ꞌi muri i a Ietū Kiritō ꞌi muꞌa o te ꞌAtua. Te noho iŋa nei ꞌina he aŋi-aŋi e te taŋata

1 Tētārōnika 4:11

E noho kōrua ꞌi roto i te haumārū, ꞌe e uꞌi i te kōrua noho iŋa, ꞌo riro he ꞌati mo te rua. E aŋa kōrua mo ai o te kōrua meꞌe, pa he meꞌe kī atu e mātou.

2 Tētārōnika 3:12

Te roŋo o mātou mo te ŋā nuꞌu nei hai ꞌīŋoa o te tātou Pūꞌoko Haka Tere ko Ietū Kiritō: ꞌina ko haka mira-mira haka ꞌou i te aŋa o te tētahi, ꞌe e aŋa mo ai o te rāua rāveꞌa.

1 Timoteo 2:2

E pure mo te nuꞌu haka tere i te henua ꞌe mo te nuꞌu ra-rahi taꞌatoꞌa, ki noho riva-riva ai a tātou ꞌina e tahi ture, ki moꞌa ai ꞌe ki haꞌatura ai ki te ꞌAtua.

2 Timoteo 2:25

E ꞌite takoꞌa i te kī, hai māhatu maꞌitaki, i te hape o te nuꞌu taꞌe haka roŋo, koiꞌite ꞌi te riva rahi o te ꞌAtua, he huri i te rāua manaꞌu ki a ia, ꞌe he ꞌite i te parautiꞌa o ruŋa i a Ietū Kiritō,

Tito 3:2

nuꞌu taꞌe vānaŋa ꞌino mo te rua, taꞌe moto, riva, ꞌe ꞌite i te moꞌa i te nuꞌu taꞌatoꞌa.

Tanatiako 1:21

ꞌO ira, ka haka rē te kōrua hara hano-hano ꞌe te meꞌe rake-rake taꞌatoꞌa rava aŋa e kōrua. Te roŋo parautiꞌa haka ꞌite atu e toꞌo mo kōrua. E ai rō ꞌana, paꞌi, te pūai o rā roŋo mo haka eꞌa i a kōrua mai roto i te ūtuꞌa o te hara ꞌe mo vaꞌai atu i te ora ꞌāpī ꞌina he hopeꞌa raꞌa.

1 Pētero 1:23

A kōrua, paꞌi, ko poreko haka ꞌou mai ꞌana, ꞌe taꞌe mai roto i te taŋata, he meꞌe e mate nō, mai roto i te vānaŋa o te ꞌAtua, he meꞌe ora ꞌe ꞌina e ko mate ki te hora hopeꞌa.

1 Pētero 3:15

Te meꞌe o kōrua mo aŋa: he haꞌamuri ki a Ietū Kiritō ꞌi roto i te māhatu pa he Pūꞌoko Haka Tere o kōrua i a ia te kī iŋa hopeꞌa o te meꞌe mo topa atu ki a kōrua. ꞌE ꞌi te hora taꞌatoꞌa e ꞌite pē hē kōrua ka pāhono ena ki te nuꞌu ꞌui atu he aha kōrua e haka moe ena i te manaꞌu ꞌi ruŋa i a Ietū.