1 Pētero 3:11 - Rapa Nui

¹¹ E haka tapa mai te meꞌe taꞌe tano ꞌe e aŋa i te meꞌe tī-tika ki te mata o te ꞌAtua; e kimi i te ara o te haumārū ꞌe ꞌai ka oho rō a ira.

1 Pētero 3:11 Iomraidhean Croise

Māteo 5:45

Pē ira he takeꞌa he poki kōrua o te kōrua Matuꞌa ꞌi te raŋi; a ia, paꞌi, e haka eꞌa ena i te raꞌā mo te nuꞌu aŋa i te meꞌe riva-riva ꞌe mo te nuꞌu aŋa i te meꞌe rake-rake, ꞌe e haka hoa ena i te ꞌua mo te nuꞌu tano ki tōꞌona mata ꞌe, takoꞌa, mo te nuꞌu taꞌe tano.

Māteo 5:9

Ko te koa i te nuꞌu aŋa mo ai o te haumārū ꞌi roto i te taŋata; e kī rō e te nuꞌu he ŋā poki o te ꞌAtua.

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Marko 14:7

Te nuꞌu veve e ko ŋaro mai muri i a kōrua ki te hora hopeꞌa. Hora nō era o kōrua i haŋa e tano nō mo hāꞌūꞌū ki a rāua. ꞌE, a au e ko noho e ko oho nō atu ꞌi muri i a kōrua.

Ruka 1:79

mo haka māꞌeha i a tātou e noho nei ꞌi roto i te pōhāhā o te hara, ꞌe mo haka tika mo oho a te ara o te haumārū».

Ruka 6:35

»E haŋa kōrua ki te nuꞌu te rāua manaꞌu mau nō he tōtōā atu ꞌe e aŋa takoꞌa te meꞌe riva-riva ki a rāua. ꞌE mo no-noꞌi atu mo haka tārahu, e vaꞌai ꞌe ꞌina kōrua ko tiaki mo haka hoki atu. Pē ira he ai te meꞌe hopeꞌa o te nui-nui o te ꞌAtua mo haka koa i a kōrua, ꞌe hai meꞌe nei ka takeꞌa ena: he ŋā poki mau ꞌā kōrua o te ꞌAtua. A ia, paꞌi, ꞌAtua riva takoꞌa ki te nuꞌu taꞌe ꞌite i te māuru-uru ki a ia ꞌe ki te nuꞌu aŋa i te meꞌe taꞌe tano.

Ruka 6:9

He kī ia e Ietū ki rā nuꞌu: «ꞌĪ a au he ꞌui atu e tahi meꞌe: “¿He aha te meꞌe tano mo aŋa ꞌi te mahana haka ora: he meꞌe riva-riva ꞌo he meꞌe rake-rake? ¿He haka ora i te taŋata ꞌo he tiŋaꞌi he haka mate?”».

Iovani 17:15

»Taꞌe a au e ani atu ꞌā mo toꞌo ōꞌou i a rāua mai te ao nei. E kī atu ena mo hāpaꞌo nō ōꞌou i a rāua ꞌo ravaꞌa e Rukifero.

Rōmano 12:18

E aŋa te meꞌe nō era i ai i a kōrua mo noho riva-riva ꞌi roto i te haumārū ananake ko te taꞌatoꞌa nō taŋata.

Rōmano 14:17

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋.

Rōmano 14:19

ꞌO ira, ki uꞌi ki aŋa i te rāveꞌa taꞌatoꞌa ai mo hāꞌūꞌū i a tātou mo ꞌata ꞌite o ruŋa i te meꞌe o te ꞌAtua, ꞌe mo ai o te haumārū ꞌi roto i a tātou taꞌatoꞌa o te nuꞌu haka moe i te manaꞌu ꞌi ruŋa i a Ietū.

Rōmano 5:1

ꞌI te ai o tātou ꞌi te hora nei he taŋata tano ki te mata o te ꞌAtua ꞌo te ⌊haka moe i te manaꞌu⌋ ꞌi ruŋa i a Ietū, e riva-riva nei a tātou ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

Rōmano 7:19

ꞌIna a au he aŋa i te meꞌe riva-riva haŋa e au mo aŋa. He meꞌe rake-rake taꞌe haŋa e au mo aŋa tāꞌaku meꞌe aŋa.

Rōmano 7:21

Hora nei ko aŋi-aŋi ꞌana e au: ka haŋa atu a au mo aŋa i te meꞌe riva-riva, te meꞌe ravaꞌa nō mo aŋa he meꞌe rake-rake.

Rōmano 8:6

Te nuꞌu aŋa i te meꞌe taꞌe tano, te meꞌe mo ravaꞌa he mate. ꞌE te nuꞌu aŋa i te meꞌe haŋa o te Vārua Maitai, te meꞌe mo ravaꞌa he haumārū ꞌe he ora ꞌina he hopeꞌa raꞌa.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

Kōrosa 3:15

ꞌE mo te haumārū vaꞌai e Ietū Kiritō e hāꞌūꞌū atu mo ꞌite o kōrua he aha te meꞌe tano mo aŋa. Te ꞌAtua ko haꞌataꞌa ꞌana i a kōrua i te nuꞌu haka moe i te manaꞌu ꞌi ruŋa i a Ietū mo riro e tahi mau nō hakari ꞌe mo noho o kōrua taꞌatoꞌa ꞌi roto i te haumārū. ꞌE, e ꞌite kōrua mo māuru-uru mo oho ki te ꞌAtua.

1 Timoteo 6:18

E kī takoꞌa: e haka rahi te rāua meꞌe riva-riva aŋa ki te rua, mo ꞌono takoꞌa o rāua ꞌi te aŋa iŋa i rā ŋā meꞌe, ꞌe e vaꞌai hai riva to te tētahi o te hauhaꞌa.

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.

ꞌEvereo 13:16

ꞌE ꞌina ko rehu mo aŋa i te meꞌe riva-riva ꞌe mo vaꞌai takoꞌa ki te rua o te meꞌe ai o kōrua. Te ŋā meꞌe nei he tūtia haŋa takoꞌa o te ꞌAtua.

Tanatiako 4:17

Te kope ꞌite i te meꞌe riva-riva mo aŋa ꞌe ꞌina he aŋa, e hara ꞌā.

1 Pētero 3:12

Te ꞌAtua, paꞌi, e hāpaꞌo rō ꞌana i te nuꞌu aŋa i te meꞌe tī-tika ꞌe e haka roŋo rō ꞌana i te rāua pure. ꞌE ꞌina he haka tano i te manaꞌu o te nuꞌu aŋa i te meꞌe taꞌe tano».

3 Iovani 1:11

E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.