1 Pētero 2:8 - Rapa Nui

⁸ ꞌE e kī takoꞌa ena: «He māꞌea e tahi ꞌi ruŋa ka tu-tuki ena». Te nuꞌu taꞌe haka moe i te manaꞌu ꞌi ruŋa i a Ietū e tu-tuki ena ꞌo te taꞌe haꞌatura ki te roŋo o te ꞌAtua, he meꞌe mau ꞌana mo topa ki te nuꞌu taꞌe haka roŋo.

1 Pētero 2:8 Iomraidhean Croise

Ruka 2:34

He haꞌamaitai ia e Timione i a rāua ꞌe ꞌai ka kī ki a Māria: «Hai poki nei meꞌe rahi nō atu nuꞌu o Itaraera ka haka ūtuꞌa ena ꞌe meꞌe rahi nō atu nuꞌu ka ravaꞌa ena i te ora ꞌāpī ꞌina he hopeꞌa raꞌa. Mo rā meꞌe i haꞌataꞌa rō ai e te ꞌAtua i te poki nei. E riro rō a ia pa he tāpaꞌo haka takeꞌa i te meꞌe haŋa o te ꞌAtua, ꞌe meꞌe rahi nuꞌu ka taꞌe haŋa ena ki a ia.

Rōmano 9:22

Pē ira takoꞌa, i te ꞌAtua te parau mo aŋa i tāꞌana meꞌe i haŋa. I haŋa rō mo haka takeꞌa i tōꞌona riri ꞌe i tōꞌona pūai ki te taŋata. ꞌE, ka ai atu pē ira, i haꞌaoromaꞌi nō hai haumārū i te nuꞌu haka riri i a ia, he nuꞌu e tano mau rō ꞌā mo haka ūtuꞌa.

1 Kōrinto 1:23

ꞌE a mātou ꞌina he aŋa i te ŋā meꞌe era. Te mātou meꞌe aŋa he haka ꞌite he oho o ruŋa i te Kiritō veo era ꞌi ruŋa i te tātaurō. Te meꞌe nei he parauꞌino e tahi mo te hūrio, ꞌe mo te kirieko he meꞌe maꞌa-maꞌa nō atu e tahi.

2 Kōrinto 2:16

Te ꞌeo nei, mo te nuꞌu taꞌe eꞌa mai roto i te ūtuꞌa o te hara, pa he hauꞌa o te mate; ꞌe mo te nuꞌu eꞌa mai roto i te ūtuꞌa o te hara, pa he ꞌeo vaꞌai ki a rāua i te ora. Te aŋa nei, aŋa nui-nui. ¿E ai rō hō te kope tano mo te aŋa nei?

Karatia 5:11

E te taina, nā e ai rō ꞌā te nuꞌu kī o ruŋa i a au pē nei ē: e hāpī ꞌana a au ki te nuꞌu taꞌe he hūrio: mo tano o rāua ki te mata o te ꞌAtua, ꞌāmui ki te haka moe i te manaꞌu ꞌi ruŋa i a Ietū, e hore i te kiri o te kinoŋa. Mo ai o te vānaŋa nei he parautiꞌa, ¿he aha ia te nuꞌu ra-rahi o te ⌊hūrio⌋ e tute mai ena i a au mo tōtōā? Mo ai, paꞌi, pē ira mau ꞌā a au e hāpī nei, ꞌina ia rāua ko riri ꞌo te hāpī ōꞌoku o ruŋa i te mate era o Ietū ꞌi ruŋa i te tātaurō.

1 Tētārōnika 5:9

Taꞌe, paꞌi, mo ꞌamo i te ūtuꞌa te ꞌAtua i haꞌataꞌa ai i a tātou; mo eꞌa o tātou mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai Ietū Kiritō, Pūꞌoko Haka Tere o tātou.

1 Pētero 2:6

Pē nei, paꞌi, e kī ena ꞌi ruŋa i te ⌊Pāpaꞌi Moꞌa⌋: «He haka tuꞌu au i te māꞌea e tahi ꞌi te kona era ko ⌊Tione⌋, he māꞌea matuꞌa haka noho hare, māꞌea haꞌataꞌa e au ꞌe māꞌea hauhaꞌa rahi. Te kope ⌊haka moe i te manaꞌu⌋ ꞌi ruŋa, e ko manaꞌu ki te hora hopeꞌa ko hape ꞌana ꞌō a ia».

1 Pētero 2:7

Mo kōrua mo te nuꞌu haka moe i te manaꞌu ꞌi ruŋa i a Ietū, te māꞌea ena māꞌea hauhaꞌa rahi. ꞌE mo te nuꞌu taꞌe haka moe i te manaꞌu ꞌi ruŋa i a ia, e kī ena ꞌi ruŋa i te Pāpaꞌi Moꞌa pē nei ē: «Te māꞌea taꞌe haŋa era e te nuꞌu aŋa hare, ko riro ꞌana he māꞌea matuꞌa haka noho hare».

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.

Hura 1:4

Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.