1 Pētero 2:6 - Rapa Nui

⁶ Pē nei, paꞌi, e kī ena ꞌi ruŋa i te ⌊Pāpaꞌi Moꞌa⌋: «He haka tuꞌu au i te māꞌea e tahi ꞌi te kona era ko ⌊Tione⌋, he māꞌea matuꞌa haka noho hare, māꞌea haꞌataꞌa e au ꞌe māꞌea hauhaꞌa rahi. Te kope ⌊haka moe i te manaꞌu⌋ ꞌi ruŋa, e ko manaꞌu ki te hora hopeꞌa ko hape ꞌana ꞌō a ia».

1 Pētero 2:6 Iomraidhean Croise

Māteo 12:18

«ꞌĪ tōꞌoku tāvini haꞌataꞌa e au, kope haŋa rahi ꞌāꞌaku, ꞌi ruŋa i a ia tōꞌoku koa. Ki a ia ka vaꞌai nei e au i tōꞌoku Vārua, ꞌe he haka ꞌite e ia ki te taŋata o te ao pē hē a rāua ana tano ki tōꞌoku mata.

Marko 12:10

»¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te ⌊Pāpaꞌi Moꞌa⌋? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare.

Ruka 20:17

He rori a Ietū he uꞌi ki tū nuꞌu era he kī: —¿He aha ia te auraꞌa o te vānaŋa nei o ruŋa i te ⌊Pāpaꞌi Moꞌa⌋: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare”?

Ruka 23:35

ꞌI ira te nuꞌu e uꞌi ꞌana; ꞌe te nuꞌu ra-rahi e haka ka-kata ꞌā: «Ko haka eꞌa ꞌana i te tētahi taŋata mai roto i te rāua ꞌati. Mo ai he ⌊Kiritō⌋ mau ꞌā ꞌe o te ꞌAtua i uŋa mai, ka haka ora i a ia ꞌā ꞌi te hora nei».

Aŋa o te ꞌĀpōtoro 1:16

«Pē ira mau ꞌā te meꞌe nei ana topa, e tōꞌoku taina ē, mo haka tano ki te meꞌe kī e te Vārua Maitai ꞌi ruŋa i te ⌊Pāpaꞌi Moꞌa⌋ pāpaꞌi e ⌊Tāvita⌋ o ruŋa i a Hura, kope uŋa era i te nuꞌu mo ꞌa-ꞌaru i a Ietū.

Rōmano 10:11

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋ pē nei ē: «Te kope haka moe i te manaꞌu ꞌi ruŋa i te Kiritō, ki te hora hopeꞌa e ko manaꞌu ko hape ꞌana ꞌō ꞌo te haka moe i te manaꞌu ꞌi ruŋa i a ia».

Ēfeto 1:4

ꞌI muꞌa ꞌā, hora era kai aŋa ꞌana i te ao, i haꞌataꞌa rō ai te ꞌAtua i a tātou i te nuꞌu ꞌa Ietū Kiritō mo nuꞌu ꞌāꞌana ꞌina e tahi hape ꞌi muꞌa i a ia. He haŋa mai o te ꞌAtua ki a tātou

Ēfeto 2:20

A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

2 Timoteo 3:16

Te meꞌe taꞌatoꞌa kī ꞌi ruŋa i te Pāpaꞌi Moꞌa he meꞌe haka ꞌite mai e te ꞌAtua. Tōꞌona hauhaꞌa: he hāpī mai, he ture mai, he haka tī-tika mai i te manaꞌu ꞌe he hāpī mai i te noho iŋa tano ki te mata o te ꞌAtua,

1 Pētero 2:4

E haka hāhine kōrua ki a ia, he māꞌea ora taꞌe haŋa era e te taŋata, māꞌea haꞌataꞌa e te ꞌAtua, ꞌe māꞌea hauhaꞌa rahi.

1 Pētero 2:8

ꞌE e kī takoꞌa ena: «He māꞌea e tahi ꞌi ruŋa ka tu-tuki ena». Te nuꞌu taꞌe haka moe i te manaꞌu ꞌi ruŋa i a Ietū e tu-tuki ena ꞌo te taꞌe haꞌatura ki te roŋo o te ꞌAtua, he meꞌe mau ꞌana mo topa ki te nuꞌu taꞌe haka roŋo.

2 Pētero 1:20

ꞌE hora nei, te meꞌe hopeꞌa o te nui-nui mo aŋi-aŋi e kōrua: ꞌina e tahi meꞌe pāpaꞌi e te perofeta ꞌi ruŋa i te ⌊Pāpaꞌi Moꞌa⌋ mo haꞌaauraꞌa hai manaꞌu o kōrua ꞌā.

2 Pētero 3:16

ꞌI ruŋa i tāꞌana parau pāpaꞌi taꞌatoꞌa i pāpaꞌi ai o ruŋa i te meꞌe nei ꞌe, takoꞌa, o ruŋa i te meꞌe aŋa riꞌa-riꞌa mo aŋi-aŋi, meꞌe e huri rō ꞌana tōꞌona haꞌaauraꞌa e te nuꞌu taꞌe ꞌite ꞌe taꞌe hio-hio o te rāua manaꞌu ꞌi ruŋa i te ꞌAtua, pa he huri iŋa ena e rāua i te tētahi meꞌe o ruŋa i te ⌊Pāpaꞌi Moꞌa⌋. ꞌE e haka ūtuꞌa rō e te ꞌAtua i te nuꞌu nei ꞌo te aŋa i te meꞌe tuꞌu pē ira.