1 Pētero 2:4 - Rapa Nui

⁴ E haka hāhine kōrua ki a ia, he māꞌea ora taꞌe haŋa era e te taŋata, māꞌea haꞌataꞌa e te ꞌAtua, ꞌe māꞌea hauhaꞌa rahi.

1 Pētero 2:4 Iomraidhean Croise

Māteo 11:28

»Te nuꞌu taꞌatoꞌa rohi-rohi ꞌo te ꞌamo i te meꞌe paŋahaꞌa e oho mai ki a au; māꞌaku e haka kore i te rohi-rohi.

Māteo 12:18

«ꞌĪ tōꞌoku tāvini haꞌataꞌa e au, kope haŋa rahi ꞌāꞌaku, ꞌi ruŋa i a ia tōꞌoku koa. Ki a ia ka vaꞌai nei e au i tōꞌoku Vārua, ꞌe he haka ꞌite e ia ki te taŋata o te ao pē hē a rāua ana tano ki tōꞌoku mata.

Māteo 21:42

He kī ia e Ietū: —¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te Pāpaꞌi Moꞌa? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare. O te ꞌAtua i aŋa pē ira, ꞌe ki te mātou mata he meꞌe nui-nui e tahi”.

Iovani 14:19

Mahana taꞌe rahi nō te mahana toe mo takeꞌa i a au e te nuꞌu o te ao nei taꞌe haka moe i te manaꞌu ꞌi ruŋa i a au. Mo kōrua nō a au e takeꞌa, ꞌe he ora kōrua ꞌi te ai e ora rō ꞌana a au.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 5:26

Te ꞌAtua he tumu o te ora ꞌāpī ꞌe pē ira ꞌā te Poki; ko haꞌatiꞌa hia ꞌā, paꞌi, ꞌe te ꞌAtua.

Iovani 5:40

ꞌina a kōrua he haŋa mo haka moe i te manaꞌu ꞌi ruŋa i a au ki ravaꞌa ai e kōrua i rā ora.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Iovani 6:57

»Te Matuꞌa uŋa mai era i a au e ora rō ꞌana, ꞌe hai ia a au e ora nei. Pē ira takoꞌa, te kope kai i a au he ora hai au.

Rōmano 5:10

ꞌE, i ai era ko haka riva-riva ꞌā e te ꞌAtua i a tātou ki a ia hai mate o tāꞌana Poki ꞌi te hora e ꞌenemī rō ꞌā a tātou mōꞌona, hora nei ia, he hora e riva-riva rō ꞌana a tātou ko te ꞌAtua, e ꞌite nei a tātou e ko taꞌe haka eꞌa e te ꞌAtua i a tātou mai roto i te ūtuꞌa o te hara ꞌi te ai e ora rō ꞌana tāꞌana Poki.

1 Kōrinto 3:11

Te hare aŋa e te ꞌAtua e tahi mau nō mekerā ꞌi ruŋa e haka tuꞌu ena te hare, ko Ietū Kiritō, ꞌe ꞌina e tahi kope mo mono i te mekerā nei.

Kōrosa 3:4

ꞌo te ai mai i a Ietū e ai ena. ꞌE hora ena ōꞌona ka hoki mai ena ki te ao nei, he ai takoꞌa a kōrua ꞌi muri i a ia ꞌi roto i tōꞌona nui-nui, te auraꞌa, he ai takoꞌa i a kōrua te huru riva ōꞌona.

1 Pētero 1:19

hai toto hauhaꞌa era o te Kiritō, kope pa he māmoe mo tūtia ꞌina e tahi ōꞌona hape, i toꞌo ai i a kōrua.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

1 Pētero 2:7

Mo kōrua mo te nuꞌu haka moe i te manaꞌu ꞌi ruŋa i a Ietū, te māꞌea ena māꞌea hauhaꞌa rahi. ꞌE mo te nuꞌu taꞌe haka moe i te manaꞌu ꞌi ruŋa i a ia, e kī ena ꞌi ruŋa i te Pāpaꞌi Moꞌa pē nei ē: «Te māꞌea taꞌe haŋa era e te nuꞌu aŋa hare, ko riro ꞌana he māꞌea matuꞌa haka noho hare».

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Pētero 1:4

Hai ŋā meꞌe nei i vaꞌai mai ai i te meꞌe nui-nui ꞌe hauhaꞌa hōrea mai era mo tātou. ꞌE hai rā ŋā meꞌe hōrea mai era e riva nei tātou mo eꞌa mai roto i te manaꞌu taꞌe tano o te ao nei ꞌe mo riro o tātou pē ia, te auraꞌa, mo ai i a tātou takoꞌa tōꞌona huru riva.