1 Pētero 2:2 - Rapa Nui

² E riro kōrua pa he ŋā poki poreko iho pohe ki te ū, te auraꞌa: e pohe kōrua ki te ū parautiꞌa mo te kōrua riva-riva, he vānaŋa o te ꞌAtua, mo haka pūai mo oho o te kōrua manaꞌu ꞌi ruŋa i te ꞌAtua ꞌātā ki te mahana ka toꞌo ena i a kōrua ki te raŋi pe muꞌa ka oho ena.

1 Pētero 2:2 Iomraidhean Croise

Māteo 18:3

ꞌe he kī: —ꞌĪ a au he kī atu: mo taꞌe huri o te kōrua manaꞌu pa he ŋā poki, e ko oꞌo kōrua ki roto i te haka tere iŋa ꞌāpī o te ꞌAtua.

Māteo 19:14

He kī ia e Ietū: «E haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋, paꞌi, mo te nuꞌu pa he ŋā poki».

Marko 10:15

ꞌĪ a au he kī atu: te kope taꞌe haka rē mo haka tika i a ia e te ꞌAtua, pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ꞌāꞌana».

Ruka 18:17

ꞌĪ a au he kī atu: te kope taꞌe haka rē mo haka tika i a ia e te ꞌAtua pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ōꞌona».

Rōmano 6:4

ꞌI te papatito e tuꞌu ena pa he meꞌe: i mate rō ꞌe i tanu rō a tātou ꞌi muri i a Ietū. ꞌE pa he haka ora iŋa e te ꞌAtua i a Ietū mai te mate hai pūai nui-nui ōꞌona, i haka eꞌa takoꞌa ai i a tātou ꞌi muri i a ia ki ai ai te tātou noho iŋa ꞌāpī.

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

Ēfeto 2:21

ꞌĀꞌana, paꞌi, te haka pi-piri ꞌe te haka hio-hio te oho i te hare nei ꞌātā ka riro rō he hare moꞌa e tahi, he kona mo haꞌamuri ki a ia.

Ēfeto 4:15

E ai rō tātou pa he nuꞌu paꞌari maꞌu hio-hio ꞌe haka ꞌite hai haŋa ki te nuꞌu i te hāpī parautiꞌa o te ꞌAtua, ꞌe te tātou huru e hāhine e oho rō ki te huru riva o Ietū Kiritō, Pūꞌoko o tātou.

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

1 Pētero 1:23

A kōrua, paꞌi, ko poreko haka ꞌou mai ꞌana, ꞌe taꞌe mai roto i te taŋata, he meꞌe e mate nō, mai roto i te vānaŋa o te ꞌAtua, he meꞌe ora ꞌe ꞌina e ko mate ki te hora hopeꞌa.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.