1 Pētero 2:12 - Rapa Nui

¹² E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.

1 Pētero 2:12 Iomraidhean Croise

Māteo 10:25

Te meꞌe topa ki te maꞌori hāpī e ko taꞌe topa takoꞌa ki tāꞌana nuꞌu hāpī, ꞌe te meꞌe topa ki te taŋata ꞌāꞌana te haka aŋa e ko taꞌe topa takoꞌa ki tōꞌona tāvini. Mo kī mai e te nuꞌu ki a au ko ⌊Veresepupa⌋, pē ira takoꞌa ꞌā ka kī atu ena ki a kōrua ki tāꞌaku nuꞌu hāpī.

Māteo 5:11

»Ko te koa i a kōrua ꞌi te hora vā-vā ꞌe tōtōā atu e te taŋata, ꞌe ꞌi te hora haꞌaꞌino hai rauhuru nō atu reo-reo ꞌo te peꞌe mai o kōrua ki a au.

Māteo 5:16

Pē ira kōrua ana haka tere ꞌi muꞌa o te taŋata. Ka takeꞌa ena, paꞌi, i te kōrua haka tere iŋa tano ki te mata o te ꞌAtua, he haꞌahana-hana tahi ki te kōrua Matuꞌa o te raŋi.

Māteo 9:8

I takeꞌa era e te nuꞌu i tū meꞌe era, he riꞌa-riꞌa ꞌe he haꞌahana-hana ki te ꞌAtua ꞌo te vaꞌai i te pūai pē ira ki te taŋata.

Ruka 1:68

«¡Ko te nui-nui i te ꞌAtua o te itaraera ꞌo te oho mai mo toꞌo i tōꞌona taŋata mai roto i te rake-rake!

Ruka 19:44

E haka pararaha rō i a koe, e tiŋaꞌi rō i taꞌa ŋā poki, ꞌe te māꞌea taꞌatoꞌa titi i a koe e haka marere tahi rō, he taꞌe aŋi-aŋi ōꞌou i te hora tuꞌu mai o te ꞌAtua mo haka ora atu i a koe».

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Iovani 13:31

I eꞌa era a Hura he kī a Ietū: —E ko roa he takeꞌa te pūai ꞌe te nui-nui o te ⌊Poki o te taŋata⌋, ꞌe hai ia ka takeꞌa takoꞌa ena te pūai ꞌe te nui-nui o te ꞌAtua.

Aŋa o te ꞌĀpōtoro 15:14

Ko ꞌaꞌamu mai ꞌā e Pētero o ruŋa i te haka takeꞌa iŋa raꞌe o te ꞌAtua i tōꞌona riva rahi ki te taŋata taꞌe he hūrio, ꞌe pē hē te ꞌAtua i haꞌataꞌa ai māꞌana i te nuꞌu mai roto.

Aŋa o te ꞌĀpōtoro 24:13

ꞌIna e tahi meꞌe o te nuꞌu ena mo haka takeꞌa atu he parautiꞌa te rāua ture e kī atu ena o ruŋa i a au.

Aŋa o te ꞌĀpōtoro 25:7

I uru era a Pauro, he haka hāhine ki muri te nuꞌu ⌊hūrio⌋ oho mai Hērutarema ꞌe he tuhi meꞌe rahi nō atu hape taparahi-taꞌata, ka ai atu ꞌina e tahi rāua meꞌe mo haka takeꞌa he parautiꞌa mau ꞌā te meꞌe tuhi era e rāua.

Aŋa o te ꞌĀpōtoro 28:22

E haŋa rō ꞌā a mātou mo ꞌite i tuꞌu manaꞌu o ruŋa i te hāpī ⌊kiritiano⌋ ꞌo te ai ko ꞌite ꞌā e mātou: ꞌi te kona taꞌatoꞌa e vānaŋa taꞌe tano rō ꞌā o ruŋa.

Rōmano 12:17

ꞌIna ko haka hoki hai meꞌe taꞌe tano ki te kope aŋa atu i te meꞌe taꞌe tano. E noho riva-riva kōrua, ꞌo ai te vānaŋa mo tuhi atu i te kōrua hape.

Rōmano 13:13

E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

Rōmano 14:18

Te nuꞌu tāvini pē nei ki te ⌊Kiritō⌋ he koa te ꞌAtua, ꞌe ki te mata o te taŋata e tano rō ꞌā.

Rōmano 15:9

I oho takoꞌa mai ai mo haꞌahana-hana o te nuꞌu taꞌe he hūrio ki te ꞌAtua ꞌo tōꞌona riva rahi, pa he meꞌe kī ꞌi ruŋa i te Pāpaꞌi Moꞌa: «ꞌI muꞌa o te taŋata taꞌatoꞌa o te ao ka haꞌahana-hana atu ena a au ki a koe, ꞌe he hīmene atu i te hīmene mōꞌou».

1 Kōrinto 14:25

ꞌe, takoꞌa, te meꞌe taꞌatoꞌa taꞌe tano o roto i te rāua māhatu taꞌe ꞌite e te nuꞌu e ꞌite tahi rō ꞌā e te ꞌAtua. ꞌI rā hora he ⌊huri te manaꞌu ki te ꞌAtua⌋, he tū-turi ꞌe he haꞌamuri ki a ia koia ko aŋi-aŋi: he parautiꞌa mau ꞌā te ꞌAtua ꞌi roto i a kōrua.

2 Kōrinto 1:12

E te taina, e koa nei a mātou ꞌi te meꞌe era e haka ꞌite rō mai ꞌana e te mātou māhatu pē nei ē: te noho iŋa o mātou ꞌi roto i a kōrua ꞌe ꞌi roto i te taŋata taꞌatoꞌa hai moꞌa ꞌe hai parautiꞌa o te ꞌAtua. A mātou e haka tere nei hai haka moe i te manaꞌu ꞌi ruŋa i te riva rahi o te ꞌAtua, ꞌe taꞌe ꞌō hai mārama-rama o te taŋata.

2 Kōrinto 13:7

E ani rō ꞌana a mātou ki te ꞌAtua ꞌo aŋa a kōrua i te meꞌe taꞌe tano. Te tumu o mātou e ani nei mo aŋa o kōrua i te meꞌe riva-riva taꞌe ꞌō pē nei ē: mo takeꞌa e te nuꞌu e tano rō ꞌana ꞌō te mātou aŋa pa he ꞌāpōtoro. E ani nei mo aŋa o kōrua i te meꞌe riva-riva ka ai atu mo te nuꞌu taꞌe a mātou he ꞌāpōtoro parautiꞌa o te Kiritō.

2 Kōrinto 8:21

Te meꞌe haŋa o mātou he aŋa riva-riva i te aŋa nei ki te mata o te ꞌAtua, ꞌe pē ira takoꞌa ꞌana ki te mata o te taŋata.

Ēfeto 2:3

Pē ira te noho iŋa o tātou taꞌatoꞌa ꞌi muꞌa ꞌā, ꞌi te hora kai haka moe ꞌana i te manaꞌu ꞌi ruŋa i a Ietū. E aŋa ꞌā a tātou i te meꞌe haŋa nō era o tātou. E haka tano ꞌana i te noho iŋa ki te meꞌe taꞌe tano manaꞌu ꞌe pohe nō o te hakari. ꞌI rā hora e tano mau rō ꞌā te ꞌAtua mo riri ꞌe mo haka ūtuꞌa mai i a tātou, pa he meꞌe ka aŋa ena ki te tētahi nuꞌu.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 4:8

ꞌE tāꞌaku vānaŋa hopeꞌa mo kōrua, e te taina ē: e manaꞌu ki te meꞌe parautiꞌa, ki te meꞌe taꞌatoꞌa tano mo moꞌa, ki te meꞌe tano ki te mata o te ꞌAtua, ki te meꞌe ꞌina he hara, ki te meꞌe nehe-nehe, ki te taꞌatoꞌa meꞌe riva-riva. Te kī: e manaꞌu ki te meꞌe taꞌatoꞌa tī-tika ꞌe tano mo haꞌahana-hana.

1 Tētārōnika 4:12

Mo haka tere o kōrua i a kōrua hai ŋā meꞌe nei, he moꞌa atu te nuꞌu taꞌe haka moe i te manaꞌu ꞌi ruŋa i a Ietū ꞌi te takeꞌa i te kōrua noho iŋa tano, ꞌe ꞌina ia e ko ai kōrua pa he meꞌe paŋahaꞌa mo ꞌamo e te rua, he taꞌe hape o te kōrua meꞌe.

1 Timoteo 2:2

E pure mo te nuꞌu haka tere i te henua ꞌe mo te nuꞌu ra-rahi taꞌatoꞌa, ki noho riva-riva ai a tātou ꞌina e tahi ture, ki moꞌa ai ꞌe ki haꞌatura ai ki te ꞌAtua.

1 Timoteo 4:12

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

1 Timoteo 5:10

Te viꞌe nei he viꞌe ko ꞌite tahi ꞌana e te taŋata i tōꞌona huru riva, hāpaꞌo riva-riva i tāꞌana ŋā poki, hāpaꞌo i te nuꞌu tuꞌu ki tōꞌona hare, haka hopu i te vaꞌe o te nuꞌu haka moe i te manaꞌu ꞌi ruŋa i a Ietū, ꞌe hāꞌūꞌū ki te nuꞌu taꞌatoꞌa ai o te ꞌati. He viꞌe aŋa mau ꞌā a ia i te meꞌe haŋa o te ꞌAtua.

ꞌEvereo 13:18

E te taina, e pure kōrua mo mātou. E ꞌite riva-riva rō ꞌana a mātou ꞌina e tahi mātou meꞌe taꞌe tano i aŋa ꞌo te ai te meꞌe haŋa nō o mātou mo aŋa he meꞌe riva-riva.

ꞌEvereo 13:5

ꞌIna kōrua ko haŋa rahi ki te moni; e koa mo te meꞌe ai o kōrua. I kī rō, paꞌi, e te ꞌAtua: «ꞌIna a au e ko haka rē i a kōrua ki te hora hopeꞌa».

Tanatiako 3:13

Mo ai ꞌi roto o kōrua te kope manaꞌu ko ꞌite ꞌā he aha te meꞌe tī-tika mo aŋa ꞌi te hora taꞌatoꞌa, e haka takeꞌa hai meꞌe riva-riva aŋa ꞌe hai taꞌe manaꞌu e hau rō atu a ia ki te rua, he huru o te nuꞌu haka tere i a rāua hai manaꞌu o te ꞌAtua.

1 Pētero 2:15

Te ꞌAtua, paꞌi, e haŋa rō ꞌana mo aŋa o kōrua i te meꞌe riva-riva. Pē ira he ꞌapi i te haha o te nuꞌu maꞌa-maꞌa tuhi atu i te kōrua hape, he taꞌe haŋa mo aŋi-aŋi i te meꞌe o te ꞌAtua.

1 Pētero 3:16

ꞌE ana pāhono, hai haumārū ꞌe hai moꞌa. ꞌIna kōrua ko aŋa i te meꞌe taꞌe tano. Pē ira te nuꞌu vānaŋa taꞌe tano o ruŋa i a kōrua ka haꞌamā ena ꞌi te rāua vānaŋa ꞌi te takeꞌa i te kōrua noho iŋa tano ꞌo te ai o kōrua he nuꞌu haka moe i te manaꞌu ꞌi ruŋa i te ⌊Kiritō⌋.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.

2 Pētero 3:11

ꞌI te ai pē ira te meꞌe taꞌatoꞌa ka haka kore ena, e tano te kōrua noho iŋa ki te mata o te ꞌAtua koia ko haꞌatura ꞌe ko moꞌa i a ia