1 Pētero 2:11 - Rapa Nui

¹¹ E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.

1 Pētero 2:11 Iomraidhean Croise

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Aŋa o te ꞌĀpōtoro 15:20

Ki pāpaꞌi ki haka ꞌite ki rā nuꞌu i te meꞌe mo taꞌe aŋa e rāua: he kai i te kiko tūtia ki te ꞌītoro, he taꞌe piri tane ki te kope taꞌe he kenu ꞌe he viꞌe ꞌāꞌana, he kai i te kiko o te ꞌanimare ꞌina kai haka hiho i te toto, ꞌe he kai i te toto.

Aŋa o te ꞌĀpōtoro 15:29

ꞌina ko kai i te kiko o te ꞌanimare tūtia ki te ꞌītoro, ꞌina ko kai i te toto ꞌe i te kiko o te ꞌanimare kai haka hiho i te toto, ꞌe ꞌina ko piri tane mo taꞌe ai he kenu he viꞌe. Mo moꞌa i te ŋā roŋo nei, e aŋa ꞌana kōrua i te meꞌe tī-tika. ꞌIorana kōrua».

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

Rōmano 7:23

Ka ai atu pē ira, ꞌi roto i a au te meꞌe haka tātake i tōꞌoku manaꞌu riva-riva: he huru hara o roto ōꞌoku, maꞌu i a au pa he taŋata puru ꞌāꞌana.

Rōmano 8:13

Mo noho mo aŋa o kōrua i nā meꞌe, he mate kōrua ꞌe he haꞌataꞌa mau rō ꞌāvai mai muri i te ꞌAtua. ꞌE, mo taꞌe haꞌatura haka ꞌou o kōrua ki te meꞌe pohe nō e te hakari hai hāꞌūꞌū o te Vārua Maitai, te meꞌe mo ravaꞌa he ora ꞌāpī ꞌina he hopeꞌa raꞌa.

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Ēfeto 2:19

ꞌO ira, a kōrua, te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū, taꞌe toe kōrua he hau kē mo te ꞌAtua, he taŋata henua ananake ko te tētahi atu nuꞌu haꞌataꞌa e te ꞌAtua māꞌana, ꞌe he ŋā poki ꞌāꞌana takoꞌa ananake ko rā ŋā nuꞌu.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

2 Timoteo 2:22

E Timoteo, e uꞌi koe e te meꞌe haka hara i te nuꞌu ꞌāpī. E aŋa mo riro ōꞌou ꞌe o te nuꞌu taꞌatoꞌa haꞌamuri hai māhatu maꞌitaki ki te ꞌAtua, he nuꞌu aŋa i te meꞌe tano ki te mata o te ꞌAtua, haka moe i te manaꞌu ꞌi ruŋa i a ia, haŋa ki te rua ꞌe haumārū.

ꞌEvereo 11:13

Te nuꞌu taꞌatoꞌa nei i mā-mate ai e haka moe nō ꞌana i te manaꞌu ꞌi ruŋa i te ꞌAtua, ka ai atu ꞌina kai ai hia ꞌā i a rāua te meꞌe hōrea era e te ꞌAtua. A rāua, paꞌi, e ꞌite rō ꞌana: pe muꞌa ka oho ena i a rāua rā ŋā meꞌe taꞌatoꞌa, ꞌe e koa rō ꞌā o ruŋa. ꞌE e aŋi-aŋi rō ꞌana ꞌe e kī rō ꞌana: te ao nei taꞌe he kāiŋa mau o rāua.

ꞌEvereo 6:9

E te taina haŋa rahi ē, ka ai atu meꞌe paŋahaꞌa te mātou meꞌe kī atu, e ꞌite riva-riva rō ꞌā e mātou: a kōrua pa he henua hua o te kai riva-riva tano o te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa.

Tanatiako 4:1

E te taina, ¿ko ꞌite ꞌā a kōrua mai hē te ture ꞌe te tātake e ai ena ꞌi roto i a kōrua? Mai te haŋa ki te meꞌe taꞌe tano haka tātake oho i te manaꞌu.

1 Pētero 1:1

A au, a Pētero, ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana noho ꞌi te henua kē, taꞌe ꞌi te rāua henua mau era, ꞌi te ŋā kona era ko Ponotō, ko Karatia, ko Kāpārōtia, ko ꞌĀtia ꞌe ko Vītīnia.

1 Pētero 1:17

A kōrua e kī rō ꞌana: te ꞌAtua he Matuꞌa o kōrua. ꞌO ira, e moꞌa ꞌe e haꞌatura ki a ia ꞌi te taꞌatoꞌa nō hora o te noho iŋa ꞌi te ao nei. ꞌĀꞌana, paꞌi, te kī i te tano ꞌe i te taꞌe tano o te taŋata hai huru o te rāua meꞌe aŋa, ꞌe mōꞌona te taŋata pē tū huru tahi ꞌā.

1 Pētero 4:12

E te taina haŋa rahi ē, ꞌina kōrua ko māere ꞌo te ai ko topa atu ꞌana te ꞌati ꞌi ruŋa i a kōrua, pa he haka ꞌatu iŋa ena i te piru hai ahi, ꞌe ꞌina ko manaꞌu he meꞌe huru kē e tahi.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

2 Pētero 3:1

E te taina, he rua parau nei ꞌāꞌaku e pāpaꞌi atu ena. ꞌE hai ŋā parau nei i haŋa ai a au mo haka tī-tika atu i te kōrua manaꞌu.