1 Pētero 2:1 - Rapa Nui

¹ ꞌE hora nei, ꞌi te ai i a kōrua te ora ꞌāpī, e haka kore mai ruŋa i a kōrua te meꞌe taꞌatoꞌa taꞌe tano: te reo-reo, te haka tuꞌu i a kōrua pa he nuꞌu riva ꞌe rā riva a te haho ꞌā, te nou-nou ki te meꞌe o te rua, ꞌe te haꞌaꞌino.

1 Pētero 2:1 Iomraidhean Croise

Māteo 15:7

»¡E te nuꞌu riva a te haho ē! He parautiꞌa mau ꞌana ꞌō te meꞌe kī o ruŋa i a kōrua e te perofeta era ko ꞌItaia hora kī pē nei ē:

Māteo 23:28

Pē ira a kōrua: e haka tuꞌu rō ꞌana i a kōrua pa he nuꞌu ꞌina e tahi hape, ꞌe te parautiꞌa mau nuꞌu reo-reo ꞌe manaꞌu rake-rake.

Māteo 24:51

he haka ūtuꞌa pa he haka ūtuꞌa iŋa i te nuꞌu riva a te haho nō. He toꞌo ia te taŋi ꞌe te ꞌau-ꞌau raꞌa niho o rā tāvini.

Māteo 7:5

¡E te kope riva a te haho ē! Ka kume ꞌi raꞌe te pou o roto i tuꞌu mata, ki takeꞌa riva-riva iho ai e koe mo kume i te pua mauku mai te mata o tuꞌu taina.

Marko 12:15

ꞌI te ꞌite e Ietū: rā nuꞌu he nuꞌu riva a te haho nō, he kī: —¿He aha kōrua e aŋa mai ena i te meꞌe mo kī atu ōꞌoku i te vānaŋa hape? Ka maꞌu mai rā e tahi ⌊renario⌋.

Ruka 11:44

»¡Ko te ꞌaroha i a kōrua! Pa he kona tanu pāpaku kōrua rei-rei e te taŋata ꞌi te taꞌe tāpaꞌo ꞌe ꞌi te taꞌe ꞌite ꞌi raro e ai rō ꞌana te meꞌe piro.

Ruka 12:1

I oho era he taka-taka te taŋata ka taꞌutini ka taꞌutini; ꞌi te rahi, he rei-rei i a rāua ꞌā. ꞌE a Ietū ꞌi raꞌe i haꞌamata i vānaŋa ai ki tāꞌana nuꞌu hāpī pē nei ē: «E hāpaꞌo ꞌo riro kōrua nuꞌu riva a te haho nō pa he ⌊fariseo⌋. Te huru o rāua ꞌi roto i te taŋata pa he revaura e haka ahu ena i te haraoa mata.

Ruka 6:42

Mo taꞌe takeꞌa e koe i te pou o roto i tuꞌu mata, ¿pē hē koe i manaꞌu ai mo kī ki tuꞌu taina: “E te taina, ka haka rē mai koe ki toꞌo atu a au i te pua mauku mai roto i tuꞌu mata”? ¡E te taŋata riva a te haho ē!, ka toꞌo koe ꞌi raꞌe i te pou mai roto i tuꞌu mata, ki takeꞌa riva-riva ai e koe i te pua mauku ꞌi roto i te mata o tuꞌu taina.

Iovani 1:47

I uꞌi era e Ietū ka hāhine mai a Natanaera, he kī: —ꞌĪ mau te kope he itaraera parautiꞌa, e ko kī e tahi reo-reo.

Rōmano 1:29

Te meꞌe aŋa mau nō he meꞌe rake-rake pa he nou-nou, tōtōā i te rua taŋata, pohe ki te meꞌe o te rua, tiŋaꞌi haka mate i te rua taŋata, haka tumu i te ture, reo-reo, mura-mura

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

1 Kōrinto 5:8

ꞌO ira, e ai te tātou noho iŋa, paurō te mahana, pa he haraoa ꞌina kai ꞌānoꞌi hai revaura, noho iŋa ꞌina e tahi meꞌe taꞌe tano aŋa, pa he meꞌe aŋa o muꞌa ꞌā, ꞌe noho iŋa haꞌatura parautiꞌa ki te ꞌAtua hai māhatu maꞌitaki.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

Ēfeto 4:31

E haka kore mai i a kōrua te ŋā meꞌe nei: he manaꞌu he oho o ruŋa i te meꞌe taꞌe tano aŋa atu e te rua, he hū he riri mo te rua, he tātake, he vā-vā, ꞌe he taꞌatoꞌa nō huru o te meꞌe taꞌe tano aŋa ki te rua.

1 Tētārōnika 2:3

Te meꞌe haka ꞌite atu era, paꞌi, e mātou, he parautiꞌa, ꞌe taꞌe hai manaꞌu taꞌe tano ꞌo hai manaꞌu mo reo-reo i haka ꞌite atu ai.

1 Timoteo 3:11

ꞌE te rāua ŋā viꞌe, e ai e moꞌa takoꞌa rō ꞌana e te taŋata, he ŋā viꞌe taꞌe haꞌaꞌino, hāito i te rāua meꞌe kī ꞌe i te rāua meꞌe aŋa, ꞌe he ŋā viꞌe haka tano i te rāua meꞌe kī.

Tito 2:3

ꞌE ki te ŋā viꞌe paꞌari e hāpī mo haka tere i a rāua hai moꞌa ꞌe hai haꞌatura ki te ꞌAtua, ꞌe mo taꞌe ai he ŋā viꞌe haꞌaꞌino ꞌe taꞌero. E ai he ŋā viꞌe hāpī i te meꞌe riva-riva,

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

Tanatiako 1:21

ꞌO ira, ka haka rē te kōrua hara hano-hano ꞌe te meꞌe rake-rake taꞌatoꞌa rava aŋa e kōrua. Te roŋo parautiꞌa haka ꞌite atu e toꞌo mo kōrua. E ai rō ꞌana, paꞌi, te pūai o rā roŋo mo haka eꞌa i a kōrua mai roto i te ūtuꞌa o te hara ꞌe mo vaꞌai atu i te ora ꞌāpī ꞌina he hopeꞌa raꞌa.

Tanatiako 3:14

ꞌE mo ai e nou-nou rō ꞌana ki te meꞌe o te rua ꞌe e haŋa rō ꞌana mo ai ko ia mau nō te raꞌe ꞌi te meꞌe taꞌatoꞌa, ꞌina ko kī pē nei ē: e ꞌite rō ꞌana ꞌō mo aŋa i te meꞌe tī-tika ꞌi te hora taꞌatoꞌa. He reo-reo. E hape ꞌā ki te parautiꞌa.

Tanatiako 4:11

E te taina, ꞌina ko vānaŋa ꞌino mo te rua. Te kope vānaŋa ꞌino mo te rua e vānaŋa ꞌino takoꞌa ꞌā mo te haka tere iŋa o te ꞌAtua. Pē nei te auraꞌa: te kope vānaŋa ꞌino mo te rua e haꞌariro ꞌā i a ia he pūꞌoko haka tere o te hare ture mo kī i te hape ꞌe i te taꞌe hape o te tētahi ꞌe, takoꞌa, o te haka tere iŋa o te ꞌAtua haka ꞌite mai pē nei ē: e haŋa tātou ki te rua. ꞌE ꞌi te vānaŋa ꞌino e takeꞌa ena: kope taꞌe haꞌatura ki te haka tere iŋa o te ꞌAtua.

Tanatiako 4:5

Taꞌe i hāꞌaki tahaŋa nō ꞌi ruŋa i te ⌊Pāpaꞌi Moꞌa⌋: «Te ⌊Vārua Maitai⌋ uŋa mai e te ꞌAtua ki roto i te tātou māhatu e haŋa rō ꞌana mo ai o tātou o te ꞌAtua mau nō».

Tanatiako 5:9

E te taina, ꞌi roto i a kōrua e ꞌite mo haꞌaoromaꞌi, ꞌe ꞌina ko haꞌaꞌino ꞌo haka ūtuꞌa atu i a kōrua. Nā, paꞌi, ꞌi te ꞌōpani, te kope i a ia te parau mo ture ꞌe mo haka ūtuꞌa i te taŋata.

1 Pētero 2:16

E noho kōrua pa he nuꞌu taꞌe haka tere e te meꞌe o te ao nei; te ꞌAtua, paꞌi, ko haka eꞌa ꞌana i a kōrua mai rā haka tere iŋa. ꞌE, ka ai atu pē ira, e uꞌi ꞌo riro te parautiꞌa nei he ꞌōtohe e tahi mo aŋa o kōrua i te meꞌe taꞌe tano. Te meꞌe haŋa mau: e noho kōrua pa he tāvini o te ꞌAtua.

1 Pētero 2:22

Kai hara te ⌊Kiritō⌋ ꞌe kai reo-reo ki te hora hopeꞌa.

1 Pētero 3:10

Pē nei e kī ena ꞌi ruŋa i te ⌊Pāpaꞌi Moꞌa⌋: «Te kope haŋa mo riva-riva ꞌe mo koa o tōꞌona noho iŋa ꞌi te ao nei, e ꞌite mo haka noho i tōꞌona ꞌarero ꞌo vānaŋa i te meꞌe taꞌe tano, ꞌe ꞌo kī i te reo-reo.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

1 Pētero 4:4

ꞌE, hora nei, ꞌi te haka tapa o kōrua mai muri i rā nuꞌu ꞌi te rāua noho iŋa taꞌe tano, he māere ꞌe he vānaŋa taꞌe tano mo kōrua.

Meꞌe Haka Takeꞌa 14:5

Te nuꞌu nei nuꞌu taꞌe reo-reo ꞌe nuꞌu ꞌina rāua hape.