1 Pētero 1:9 - Rapa Nui

⁹ Ko ravaꞌa ꞌana, paꞌi, e kōrua i te meꞌe haŋa mo ravaꞌa hai haka moe o kōrua i te manaꞌu ꞌi ruŋa i a Ietū: he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

1 Pētero 1:9 Iomraidhean Croise

Rōmano 6:22

A kōrua ꞌi te hora nei taꞌe he tāvini toe o te hara, he tāvini o te ꞌAtua. Te meꞌe nei mo te kōrua riva-riva mau ꞌā; pē ira he tano he oho te kōrua noho iŋa ki te mata o te ꞌAtua, ꞌe, ꞌi te hora hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e ia.

ꞌEvereo 11:13

Te nuꞌu taꞌatoꞌa nei i mā-mate ai e haka moe nō ꞌana i te manaꞌu ꞌi ruŋa i te ꞌAtua, ka ai atu ꞌina kai ai hia ꞌā i a rāua te meꞌe hōrea era e te ꞌAtua. A rāua, paꞌi, e ꞌite rō ꞌana: pe muꞌa ka oho ena i a rāua rā ŋā meꞌe taꞌatoꞌa, ꞌe e koa rō ꞌā o ruŋa. ꞌE e aŋi-aŋi rō ꞌana ꞌe e kī rō ꞌana: te ao nei taꞌe he kāiŋa mau o rāua.

Tanatiako 1:21

ꞌO ira, ka haka rē te kōrua hara hano-hano ꞌe te meꞌe rake-rake taꞌatoꞌa rava aŋa e kōrua. Te roŋo parautiꞌa haka ꞌite atu e toꞌo mo kōrua. E ai rō ꞌana, paꞌi, te pūai o rā roŋo mo haka eꞌa i a kōrua mai roto i te ūtuꞌa o te hara ꞌe mo vaꞌai atu i te ora ꞌāpī ꞌina he hopeꞌa raꞌa.

1 Pētero 3:20

vārua o te nuꞌu o te noho iŋa era o Nōē taꞌe haꞌatura ki te ꞌAtua, nuꞌu tiaki ꞌe haꞌaoromaꞌi e te ꞌAtua, ꞌi te matahiti taꞌatoꞌa aŋa era e Nōē i te pahī, mo hārui o te rāua manaꞌu ki ruŋa i a ia. ꞌE ꞌi rā hora, hoko vaꞌu nō i uru ai ki roto i te pahī ꞌe i ora ai ꞌi te ꞌati era o te vai.