1 Pētero 1:8 - Rapa Nui

⁸ A kōrua e haŋa rō ꞌana ki a Ietū Kiritō ka ai atu kai takeꞌa hia i a ia. ꞌE ꞌi te hora nei, ka ai atu ꞌina he takeꞌa, e haka moe rō ꞌana kōrua i te manaꞌu ꞌi ruŋa i a ia, ꞌe e rahi rō ꞌana te kōrua koa, he koa ꞌina he vānaŋa mo haꞌaauraꞌa.

1 Pētero 1:8 Iomraidhean Croise

Māteo 10:37

»Mo ai o te kope ꞌata hau rō atu te haŋa ki tōꞌona matuꞌa tane, ki tōꞌona matuꞌa vahine ꞌo ki tāꞌana ŋā poki ki te haŋa mai ki a au, e ko tano mo taŋata hāpī ꞌāꞌaku.

Iovani 14:15

»Mo haŋa mai o kōrua, he haꞌatura kōrua ki tāꞌaku roŋo.

Iovani 14:21

»Te kope haka roŋo ꞌe haꞌatura ki tāꞌaku roŋo, ko ia te kope haŋa parautiꞌa mai. Tōꞌoku Matuꞌa he haŋa ki a ia ꞌe he haŋa takoꞌa e au, ꞌe ki a ia a au ka haka takeꞌa ena pē hē tōꞌoku huru.

Iovani 14:24

Te kope taꞌe haŋa mai ki a au ꞌina he haka roŋo ꞌe he haꞌatura ki tāꞌaku vānaŋa. Te vānaŋa kī atu e au taꞌe ꞌāꞌaku, o te Matuꞌa uŋa mai i a au.

Iovani 16:22

Pē ira takoꞌa ꞌana te kōrua mamae ena. Ki piri haka ꞌou a tātou, he koa te kōrua māhatu, ko te koa ena ꞌina he rua kope mo hiko.

Iovani 20:29

He kī e Ietū: —I haka moe mai ena koe i tuꞌu manaꞌu he takeꞌa ōꞌou i a au. ¡Ko te koa ꞌō i te nuꞌu kai takeꞌa hia ꞌā i a au i haka moe rō ai i te rāua manaꞌu ꞌi ruŋa i a au!

Iovani 8:42

He pāhono e Ietū: —Mo ai he parautiꞌa mau ꞌā he ꞌAtua te kōrua matuꞌa, e haŋa rō mai ꞌana ia kōrua ki a au; mai te ꞌAtua mau nō, paꞌi, a au i oho mai ai. I oho mai ai a au taꞌe hai manaꞌu ōꞌoku ꞌā, o te ꞌAtua a au i uŋa mai.

Aŋa o te ꞌĀpōtoro 16:34

I oti era he vaꞌai hai kai. Rā taŋata ananake ko tū nuꞌu taꞌatoꞌa era ko koa atu ꞌana ꞌo te haka moe i te manaꞌu ꞌi ruŋa i te ꞌAtua.

Rōmano 14:17

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋.

Rōmano 15:13

Mo te ꞌAtua haka aŋi-aŋi mai e haka tano rō ꞌana i tāꞌana hōrea e ꞌata haka koa ꞌe e ꞌata haka haumārū atu i a kōrua i te nuꞌu ⌊haka moe i te manaꞌu⌋ ꞌi ruŋa i a ia, ꞌe māꞌana takoꞌa e ꞌata haka aŋi-aŋi atu, hai pūai o te ⌊Vārua Maitai⌋, e ko taꞌe aŋa a ia i tāꞌana meꞌe hōrea.

1 Kōrinto 16:22

Mo taꞌe haŋa o te kope e tahi ki te tātou Pūꞌoko Haka Tere ko Ietū Kiritō, mo te ꞌAtua e haka ūtuꞌa. ¡E te mātou Pūꞌoko Haka Tere ē, ka hōrou koe ka hoki mai!

2 Kōrinto 1:22

Te ꞌAtua ko vaꞌai mai ꞌana i te ⌊Vārua Maitai⌋ pa he tāpaꞌo haka ꞌite mai: a tātou ꞌāꞌana. ꞌE, ꞌi te ai o te Vārua Maitai ꞌi roto i a tātou, e ꞌite nei: te meꞌe taꞌatoꞌa hōrea mai era e te ꞌAtua e haka tano tahi rō.

2 Kōrinto 4:18

ꞌO ira, te meꞌe manaꞌu o mātou taꞌe he meꞌe o te ao nei, pa he ꞌati topa mai. Te mātou manaꞌu e haka noho nei ꞌi ruŋa i te meꞌe o te raŋi. Te meꞌe takeꞌa, paꞌi, o te ao nei e ko roa he ŋaro, ꞌe te meꞌe taꞌe takeꞌa vaꞌai mai e te ꞌAtua e ko ŋaro ki te hora hopeꞌa.

2 Kōrinto 5:7

E haka tere nei a mātou ꞌi te ao nei hai ⌊haka moe i te manaꞌu⌋ ꞌi ruŋa i a ia ꞌe ꞌi ruŋa i tāꞌana meꞌe hōrea mai era, ka ai atu ꞌina he takeꞌa mai.

2 Kōrinto 9:15

¡Ki māuru-uru tahi tātou ki te ꞌAtua ꞌo te vaꞌai mai i te hauhaꞌa hopeꞌa o te nui-nui, hauhaꞌa ꞌina he vānaŋa mo haꞌaauraꞌa, he Poki ena ꞌāꞌana!

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Ēfeto 3:19

Ka ai atu ꞌina e tahi kope mo aŋi-aŋi riva-riva i te rahi o tōꞌona haŋa mo te taŋata, tāꞌaku meꞌe ani ki te ꞌAtua, he ꞌata haka ꞌite he oho atu ꞌi roto i te kōrua māhatu i te haŋa o Ietū Kiritō mo kōrua, ꞌātā ka riro rō te kōrua huru, pa he huru riva ōꞌona ꞌina e tahi hape.

Ēfeto 6:24

Ka ai te riva rahi o te ꞌAtua ꞌi ruŋa i te nuꞌu taꞌatoꞌa haŋa hai māhatu ki a Ietū Kiritō, Pūꞌoko Haka Tere o tātou.

Fīripo 1:25

ꞌI te aŋi-aŋi ōꞌoku kai oti ꞌā tāꞌaku aŋa ꞌi roto i a kōrua, he ꞌite e au ꞌina kai tano ꞌā tōꞌoku hora mo mate, ꞌe he noho atu a au mo hāꞌūꞌū mo ꞌata haka pūai i te kōrua haka moe iŋa i te manaꞌu ꞌi ruŋa i a Ietū ki ꞌata koa ai kōrua.

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.

Fīripo 4:4

E koa e oho nō kōrua ꞌo te ai o kōrua ꞌa Ietū Kiritō. ꞌĪ a au he kī haka ꞌou atu: ¡E koa kōrua!

ꞌEvereo 11:1

¿Pē hē e ꞌite ena ko haka moe mau ꞌana a tātou i te manaꞌu ꞌi ruŋa i te ꞌAtua? Hai ꞌite e tātou pē nei ē: he parautiꞌa mau ꞌā e ai rō i a tātou te meꞌe e tiaki nei, ꞌe he parautiꞌa takoꞌa mo tātou e ai mau rō ꞌā te ŋā meꞌe ena ꞌina e tātou he takeꞌa.

ꞌEvereo 11:27

He haka moe o Mōtē i te manaꞌu ꞌi ruŋa i te ꞌAtua i eꞌa i oho ai mai te henua era ko Ehipto ꞌina kai riꞌa-riꞌa ꞌo riri te ꞌariki. He oho mau rō ꞌai ꞌe ꞌina kai hārui haka ꞌou a tuꞌa; e tuꞌu rō ꞌā pa he meꞌe ena ē: tōꞌona mata ꞌi ruŋa i te ꞌAtua ꞌā.

1 Pētero 1:6

ꞌO ira a tātou e koa nei, ka ai atu e ꞌamo rō ꞌā a tātou, mo te hora ꞌiti-ꞌiti, rauhuru atu ꞌati.

1 Pētero 2:7

Mo kōrua mo te nuꞌu haka moe i te manaꞌu ꞌi ruŋa i a Ietū, te māꞌea ena māꞌea hauhaꞌa rahi. ꞌE mo te nuꞌu taꞌe haka moe i te manaꞌu ꞌi ruŋa i a ia, e kī ena ꞌi ruŋa i te Pāpaꞌi Moꞌa pē nei ē: «Te māꞌea taꞌe haŋa era e te nuꞌu aŋa hare, ko riro ꞌana he māꞌea matuꞌa haka noho hare».

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.