1 Pētero 1:22 - Rapa Nui

²² ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 1:22 Iomraidhean Croise

Iovani 15:17

Tāꞌaku meꞌe nei e kī atu ena: e haŋa kōrua ki te rua.

Iovani 15:3

A kōrua, ꞌi te ⌊haka moe i te manaꞌu⌋ ꞌi ruŋa i tāꞌaku vānaŋa, ko maꞌitaki ꞌana pa he ŋā maŋa era ko tope-tope riva-riva ꞌana.

Iovani 17:17

Hai ꞌite o te nuꞌu nei i te parautiꞌa o ruŋa i a koe e haꞌataꞌa māꞌau, mo tāvini mau nō atu ki a koe; taꞌa vānaŋa ena, paꞌi, he parautiꞌa.

Iovani 17:19

Mo te riva-riva o rāua, he haꞌataꞌa a au i a au mo tāvini atu ki a koe, ki haꞌataꞌa parautiꞌa atu ai a rāua mo tāvini atu ki a koe.

Aŋa o te ꞌĀpōtoro 15:9

Mōꞌona te nuꞌu taꞌe he hūrio pē tātou ꞌā. Ko haka maꞌitaki ꞌana e ia i te rāua māhatu pa he haka maꞌitaki iŋa mai era i a tātou ꞌo te haka moe i te manaꞌu ꞌi ruŋa i a Ietū.

Aŋa o te ꞌĀpōtoro 6:7

Te ⌊roŋo riva-riva o te ꞌAtua⌋ pe te ꞌata rahi nō e oho era, ꞌe te nuꞌu haka moe i te manaꞌu ꞌi ruŋa i a Ietū ko ꞌata rahi ꞌā ꞌi Hērutarema. ꞌE meꞌe rahi ⌊oromatuꞌa⌋ hūrio i haka moe takoꞌa i te rāua manaꞌu ꞌi ruŋa i a Ietū.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Rōmano 2:8

ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

Rōmano 8:13

Mo noho mo aŋa o kōrua i nā meꞌe, he mate kōrua ꞌe he haꞌataꞌa mau rō ꞌāvai mai muri i te ꞌAtua. ꞌE, mo taꞌe haꞌatura haka ꞌou o kōrua ki te meꞌe pohe nō e te hakari hai hāꞌūꞌū o te Vārua Maitai, te meꞌe mo ravaꞌa he ora ꞌāpī ꞌina he hopeꞌa raꞌa.

2 Kōrinto 6:6

E takeꞌa takoꞌa ena he tāvini mātou o te ꞌAtua hai noho iŋa taꞌe hara o mātou, hai ꞌite i te parautiꞌa o ruŋa i a ia, hai riva o mātou, hai haꞌaoromaꞌi o mātou i te rua, hai ai o te ⌊Vārua Maitai⌋ ꞌi roto i a mātou, hai haŋa parautiꞌa ki te rua,

Karatia 3:1

E te taina pūꞌoko hio-hio o Karatia ē, ¿ꞌa ꞌai kōrua i haka maꞌa-maꞌa atu? ꞌI roto i te hāpī iŋa atu era o mātou i haka ꞌite riva-riva atu ai ki a kōrua he aha te meꞌe i ravaꞌa e Ietū mo tātou hora mate era ōꞌona ꞌi ruŋa i te tātaurō.

Karatia 5:5

ꞌE a tātou, te nuꞌu ꞌa Ietū Kiritō, hai ⌊Vārua Maitai⌋ e ꞌite nei: te ꞌAtua e kī rō: he nuꞌu tano a tātou ki tōꞌona mata ꞌo te ⌊haka moe i te manaꞌu⌋ ꞌi ruŋa i a Ietū.

Karatia 5:7

ꞌI muꞌa ꞌā, a te ara parautiꞌa a kōrua e oho era. ꞌE hora nei, ¿ꞌa ꞌai te haka noho i a kōrua ꞌo maꞌu ꞌo oho i te hāpī parautiꞌa o te ꞌAtua?

Ēfeto 4:3

A kōrua, paꞌi, e tahi nō manaꞌu hai ⌊Vārua Maitai⌋; ꞌo ira, e ai te haumārū ꞌi roto i a kōrua ꞌo topa kē-kē rō kōrua.

Fīripo 1:9

E pure nei au mo kōrua, e ani rō ꞌana a au mo ꞌata rahi mo oho o te kōrua haŋa mo te ꞌAtua ꞌe mo te rua, mo ꞌata aŋi-aŋi mo oho kōrua ko ai mau a ia, ꞌe mo ꞌata ꞌite o kōrua he aha te meꞌe riva-riva ꞌe he aha te meꞌe rake-rake,

1 Tētārōnika 3:12

E ani takoꞌa nei ki te tātou Pūꞌoko Haka Tere mo ꞌata haka pūai ꞌe mo ꞌata haka rahi i te haŋa ꞌi roto i a kōrua ꞌe i te haŋa mo te taꞌatoꞌa, pa he haŋa iŋa nei ꞌā o mātou ki a kōrua,

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

2 Tētārōnika 2:13

Te meꞌe tano mau o mātou mo aŋa he māuru-uru he oho ki te ꞌAtua mo kōrua, e te taina haŋa rahi o te tātou Pūꞌoko Haka Tere ē. Te ꞌAtua, paꞌi, ko haꞌataꞌa era ꞌana i a kōrua, ꞌi raꞌe ki te aŋa iŋa o te ao, ki ai ai kōrua he nuꞌu haka eꞌa e ia mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa ꞌi te haka moe o kōrua i te manaꞌu ꞌi ruŋa i te roŋo parautiꞌa o ruŋa i a Ietū Kiritō, ꞌe ꞌi te aŋa o te Vārua Maitai ꞌi roto i a kōrua mo riro o kōrua he taŋata ꞌina e tahi hara.

1 Timoteo 1:3

E Timoteo, ka noho nō koe ꞌi Ēfeto, pa he meꞌe ani atu era e au ki a koe ꞌi te hora oho era ōꞌoku ki Mātērōnia, mo kī ōꞌou ki tū nuꞌu kī atu era e au mo taꞌe hāpī o rāua i te meꞌe reo-reo,

1 Timoteo 1:5

E kī atu ena i te vānaŋa nei ꞌi te haŋa ōꞌoku mo ai o te haŋa ꞌi roto i a tātou, he haŋa eꞌa mai roto i te māhatu maꞌitaki, mai roto i te manaꞌu riva-riva ꞌe mai te haka moe iŋa parautiꞌa i te manaꞌu ꞌi ruŋa i te ꞌAtua.

1 Timoteo 4:12

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

1 Timoteo 5:2

Ki te ŋā viꞌe paꞌari e moꞌa koe pa he matuꞌa vahine ōꞌou; ꞌe ki te ŋā viꞌe ꞌāpī e moꞌa ꞌe e haŋa pa he taina vahine ōꞌou.

2 Timoteo 1:14

E Timoteo, hai hāꞌūꞌū o te Vārua Maitai noho ꞌi roto i a tātou, ka hāpaꞌo i te hāpī parautiꞌa vaꞌai atu era mo haka ꞌite ki te nuꞌu.

ꞌEvereo 11:8

He haka moe o ⌊ꞌAparahama⌋ i te manaꞌu ꞌi ruŋa i te ꞌAtua i haꞌatura ai, ꞌe i eꞌa i oho ai mai tōꞌona kāiŋa hora kī era e te ꞌAtua mo oho ki te henua vaꞌai mo rāua, ka ai atu ꞌina kai ꞌite hia ki hē a ia ka oho era.

ꞌEvereo 13:1

A kōrua he taina ⌊haka moe i te manaꞌu⌋ ꞌi ruŋa i a Ietū. ꞌO ira, e haŋa e oho nō kōrua ꞌi roto i a kōrua ꞌā.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

ꞌEvereo 9:14

ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.

Tanatiako 1:21

ꞌO ira, ka haka rē te kōrua hara hano-hano ꞌe te meꞌe rake-rake taꞌatoꞌa rava aŋa e kōrua. Te roŋo parautiꞌa haka ꞌite atu e toꞌo mo kōrua. E ai rō ꞌana, paꞌi, te pūai o rā roŋo mo haka eꞌa i a kōrua mai roto i te ūtuꞌa o te hara ꞌe mo vaꞌai atu i te ora ꞌāpī ꞌina he hopeꞌa raꞌa.

Tanatiako 4:8

E haka hāhine ki te ꞌAtua, ki haka hāhine atu ai. E te nuꞌu hara ē, ¡ka haka maꞌitaki te kōrua māhatu! E te nuꞌu haŋa ki te ꞌAtua ꞌe ki te haka tere iŋa o te ao nei ē, ¡ka toꞌo te meꞌe rake-rake mai roto i te kōrua māhatu!

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

1 Pētero 2:17

E moꞌa kōrua i te taŋata taꞌatoꞌa. E haŋa ki te taina, e haꞌamuri ki te ꞌAtua ꞌe e moꞌa i te pūꞌoko haka tere o te kōrua henua.

1 Pētero 3:1

ꞌE a kōrua, e te ŋā viꞌe ⌊hāipo-ipo⌋ ē, e haꞌatura ki te kōrua kenu, ka ai atu he kenu taꞌe ⌊haka moe i te manaꞌu⌋ ꞌi ruŋa i te ⌊roŋo riva-riva o ruŋa i a Ietū⌋. Mo aŋa o kōrua pē ira, he huri pēaha te manaꞌu, ꞌe he haka moe takoꞌa i tōꞌona manaꞌu ꞌi ruŋa i a Ietū, ꞌe taꞌe ꞌō ꞌo te meꞌe i kī e kōrua, ꞌo te takeꞌa i te kōrua noho iŋa tano, noho iŋa moꞌa ꞌe haꞌatura ki te ꞌAtua.

1 Pētero 3:20

vārua o te nuꞌu o te noho iŋa era o Nōē taꞌe haꞌatura ki te ꞌAtua, nuꞌu tiaki ꞌe haꞌaoromaꞌi e te ꞌAtua, ꞌi te matahiti taꞌatoꞌa aŋa era e Nōē i te pahī, mo hārui o te rāua manaꞌu ki ruŋa i a ia. ꞌE ꞌi rā hora, hoko vaꞌu nō i uru ai ki roto i te pahī ꞌe i ora ai ꞌi te ꞌati era o te vai.

1 Pētero 3:8

Te meꞌe haŋa: e noho kōrua taꞌatoꞌa ꞌi roto i te haumārū ꞌe e tahi mau nō manaꞌu. E here ꞌi roto i a kōrua pa he taina. E riva kōrua, ꞌe ꞌina ko manaꞌu pē nei ē: i hau rō atu kōrua ki te rua.

1 Pētero 4:17

Nā ko tuꞌu mai ꞌana te hora mo haꞌamata o te ture, ꞌe ka haꞌamata ena a te huaꞌai o te ꞌAtua. ꞌE mo haꞌamata o te ture mai i a tātou, ¿pē hē ia te hopeꞌa raꞌa o te nuꞌu ꞌina he haꞌatura ki te ⌊roŋo riva-riva o te ꞌAtua⌋?

1 Pētero 4:8

ꞌI roto i a kōrua te meꞌe mo raꞌe he here he haŋa ki te rua. Mo haŋa, paꞌi, o tātou ki te rua hai māhatu, meꞌe taꞌe aŋarahi ia te meꞌe ena he haka rehu i te meꞌe taꞌe tano aŋa mai e te rua, ka ai atu meꞌe rahi.

2 Pētero 1:7

ꞌe ki te moꞌa ꞌe haꞌatura ki te ꞌAtua, te haŋa ki te taina haka moe i te manaꞌu ꞌi ruŋa i a Ietū, ꞌe ki te haŋa ki te taina, te haŋa mo te taŋata taꞌatoꞌa.

1 Iovani 3:11

He roŋo nei te roŋo ŋaroꞌa e kōrua mai te hora haka moe era i te kōrua manaꞌu ꞌi ruŋa i a Ietū: e here tātou ki a tātou ꞌā.

1 Iovani 3:23

ꞌE te roŋo ꞌāꞌana: he haka moe i te tātou manaꞌu ꞌi ruŋa i tāꞌana Poki ko Ietū Kiritō ꞌe he haŋa a tātou ki te rua, pa he meꞌe haka ꞌite mai era e ia.

1 Iovani 4:12

Ka ai atu ꞌina e tahi kope i takeꞌa i te ꞌAtua, mo haŋa o tātou ki te rua, he noho te ꞌAtua ꞌi roto i a tātou, ꞌe tōꞌona haŋa he takeꞌa ꞌi ruŋa i te tātou haka tere iŋa.

1 Iovani 4:20

Mo kī o te kope e tahi: «E haŋa rō ꞌana a au ki te ꞌAtua» ꞌe ꞌina he haŋa ki tōꞌona taina, he reo-reo e tahi. Te taŋata taꞌe haŋa ki tōꞌona taina, he meꞌe takeꞌa e ia, ¿pē hē ia ana haŋa ki te ꞌAtua, he meꞌe taꞌe takeꞌa e ia?

1 Iovani 4:7

E te taina, e haŋa a tātou ki te rua ꞌo te ai te meꞌe he haŋa, mai te ꞌAtua e oho mai ena. Te nuꞌu taꞌatoꞌa haŋa ki te rua he ŋā poki o te ꞌAtua, ꞌe ko māhani ꞌā i a ia.

Meꞌe Haka Takeꞌa 2:4

’Ka ai atu pē ira, e ai rō ꞌana tāꞌaku ture māꞌau: he taꞌe haŋa haka ꞌou mai ōꞌou ki a au ꞌe ki te rua pa he oho iŋa era o muꞌa ꞌā, hora haka moe raꞌe era ōꞌou i te manaꞌu ꞌi ruŋa i a au.