1 Pētero 1:2 - Rapa Nui

² Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

1 Pētero 1:2 Iomraidhean Croise

Māteo 24:22

ꞌE mo taꞌe haka poto e te ꞌAtua ꞌi rā ŋā mahana, ꞌina e tahi taŋata mo ora; ꞌe, he haka poto e ia ꞌi te haŋa ki te nuꞌu haꞌataꞌa māꞌana.

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Māteo 24:31

Hai puhi pūai o te koneta ka uŋa era i tāꞌana merahi mo haka taka-taka i te nuꞌu haꞌataꞌa māꞌana mai te pāꞌiŋa era a ha-hā o te ao, mai te potu nei o te raŋi ki te potu era.

Marko 13:20

Mo taꞌe haka poto e te ꞌAtua i rā ŋā mahana, ꞌina e tahi taŋata mo ora. ꞌE, ko haka poto ꞌā ꞌi te haŋa ki te nuꞌu haꞌataꞌa e ia māꞌana.

Marko 13:22

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana ana ravaꞌa e rāua.

Marko 13:27

He uŋa i te merahi mo haka taka-taka i te nuꞌu haꞌataꞌa māꞌana mai te kona taꞌatoꞌa o te ao, mai te kona hopeꞌa mau era o te henua ꞌātā ki te kona hopeꞌa era o te raŋi».

Ruka 18:7

Mo ai pē ira e manaꞌu era, ¿e ko hāꞌūꞌū hō te ꞌAtua ki te nuꞌu haꞌataꞌa e ia māꞌana pure ki a ia paurō te mahana? ¿E haka tiaki mau rō e te ꞌAtua?

Aŋa o te ꞌĀpōtoro 15:18

He vānaŋa nei o te ꞌAtua; ꞌāꞌana i haka ꞌite mai mai muꞌa ꞌā”.

Aŋa o te ꞌĀpōtoro 2:23

I vaꞌai atu ai ki a kōrua mo haka tano o te aŋa manaꞌu ꞌāꞌana ꞌi muꞌa ꞌā; pē ira kōrua i haka tiŋaꞌi ai ꞌi ruŋa i te tātaurō hai rima o te taŋata taꞌe he hūrio.

Aŋa o te ꞌĀpōtoro 20:32

»Hora nei, e kuā taina ē, he vaꞌai a au i a kōrua ki te rima o te ꞌAtua mo hāpaꞌo, ꞌe he ani atu mo maꞌu mo oho nō kōrua i te roŋo hāpī atu era e au o ruŋa i te riva rahi o te ꞌAtua. ꞌI te roŋo nei te pūai mo ꞌata haka hio-hio i te kōrua manaꞌu ꞌi ruŋa i a Ietū ki ravaꞌa ai i te meꞌe taꞌatoꞌa hōrea e te ꞌAtua mo te nuꞌu haꞌataꞌa māꞌana.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Rōmano 11:2

Te parautiꞌa, ꞌina te ꞌAtua kai hārui tahi i te itaraera, he nuꞌu haꞌataꞌa e ia māꞌana mai muꞌa ꞌā, hai tuaꞌivi. Ka haka topa rā te kōrua manaꞌu ki te meꞌe ena e hāꞌaki ena ꞌi ruŋa i te ⌊Pāpaꞌi Moꞌa⌋ o ruŋa i te perofeta era ko ꞌĒria. ꞌI tōꞌona hora pure ki te ꞌAtua i horo ai i tāꞌana ture mo tōꞌona taŋata he itaraera pē nei ē:

Rōmano 11:28

ꞌI te taꞌe haŋa o te hūrio ki te ⌊roŋo riva-riva o te ꞌAtua⌋ ꞌe ꞌi te taꞌe haka moe i te manaꞌu ꞌi ruŋa i a Ietū, i hārui ai e te ꞌAtua hai tuaꞌivi. ꞌE rā meꞌe mo te kōrua riva-riva, mo haka ꞌite atu i tāꞌana roŋo ki a kōrua ki te nuꞌu taꞌe he hūrio. Ka ai atu pē ira, ko te haŋa iŋa ꞌana te ꞌAtua ki a rāua; i haꞌataꞌa rō, paꞌi, e ia i te rāua tupuna, ꞌi muꞌa ꞌana, mo taŋata ꞌāꞌana.

Rōmano 15:16

mo tāvini ki a Ietū Kiritō mo te riva-riva o te nuꞌu taꞌatoꞌa taꞌe he hūrio. Tāꞌaku aŋa pa he aŋa ꞌā o te ⌊oromatuꞌa⌋: he haka ꞌite ki te nuꞌu taꞌe he hūrio i te ⌊roŋo riva-riva o te ꞌAtua⌋, ki haka moe ai a rāua i te manaꞌu ꞌi ruŋa i a Ietū. Pē ira ka ai ena a rāua pa he meꞌe mo vaꞌai ki te ꞌAtua mo tōꞌona koa haka maꞌitaki e te Vārua Maitai.

Rōmano 16:19

Ko ꞌite ꞌana te taina taꞌatoꞌa e haꞌatura rō ꞌana a kōrua ki te ꞌAtua, ꞌe e koa rō ꞌana a au ꞌo te ai o kōrua pē ira. Te meꞌe nō, e haka tere kōrua i a kōrua ꞌā hai manaꞌu ꞌAtua, ki aŋa ki oho nō ai kōrua i te meꞌe riva-riva, taꞌe i te meꞌe taꞌe tano.

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Rōmano 8:13

Mo noho mo aŋa o kōrua i nā meꞌe, he mate kōrua ꞌe he haꞌataꞌa mau rō ꞌāvai mai muri i te ꞌAtua. ꞌE, mo taꞌe haꞌatura haka ꞌou o kōrua ki te meꞌe pohe nō e te hakari hai hāꞌūꞌū o te Vārua Maitai, te meꞌe mo ravaꞌa he ora ꞌāpī ꞌina he hopeꞌa raꞌa.

Rōmano 8:33

¿Ko ai ia te kope mo tuhi i te hape o te nuꞌu haꞌataꞌa e te ꞌAtua? ꞌĀꞌana, paꞌi, te haka tano i a rāua ki tōꞌona mata.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

2 Kōrinto 10:5

ꞌe pē ira takoꞌa ꞌā ki te manaꞌu o te nuꞌu teꞌo-teꞌo taꞌe haꞌatiꞌa i a rāua mo māhani ki te ꞌAtua. Pē ira e hāꞌūꞌū nei a mātou ki te nuꞌu mo huri ki te ꞌAtua ꞌe mo manaꞌu o rāua pa he meꞌe haŋa o te Kiritō.

Kōrosa 3:12

Te ꞌAtua e haŋa rō ꞌana ki a kōrua ꞌe ko haꞌataꞌa ꞌana i a kōrua māꞌana. ꞌO ira, e riro kōrua nuꞌu māhatu ꞌaroha, nuꞌu riva, nuꞌu taꞌe manaꞌu i hau rō atu ki te rua, nuꞌu haumārū, ꞌe nuꞌu ꞌite i te haꞌaoromaꞌi.

2 Tētārōnika 2:13

Te meꞌe tano mau o mātou mo aŋa he māuru-uru he oho ki te ꞌAtua mo kōrua, e te taina haŋa rahi o te tātou Pūꞌoko Haka Tere ē. Te ꞌAtua, paꞌi, ko haꞌataꞌa era ꞌana i a kōrua, ꞌi raꞌe ki te aŋa iŋa o te ao, ki ai ai kōrua he nuꞌu haka eꞌa e ia mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa ꞌi te haka moe o kōrua i te manaꞌu ꞌi ruŋa i te roŋo parautiꞌa o ruŋa i a Ietū Kiritō, ꞌe ꞌi te aŋa o te Vārua Maitai ꞌi roto i a kōrua mo riro o kōrua he taŋata ꞌina e tahi hara.

2 Timoteo 2:10

ꞌO ira a au e haꞌaoromaꞌi nei i te taꞌatoꞌa nō ꞌati mo te riva-riva o te nuꞌu haꞌataꞌa e te ꞌAtua māꞌana, mo eꞌa takoꞌa o rāua mai roto i te ūtuꞌa o te hara hai Ietū Kiritō ꞌe mo ravaꞌa mo noho ꞌi muri i a ia ꞌina he hopeꞌa raꞌa pe muꞌa ka oho ena.

Tito 1:1

A au, a Pauro, he ꞌaroha atu ki a koe, e Tito ē. A koe pa he poki mau ꞌā ꞌāꞌaku ꞌo tuꞌu ⌊haka moe i te manaꞌu⌋ ꞌi ruŋa i a Ietū pē au. Ka ai ꞌi ruŋa i a koe te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa. E Tito, ko ꞌite riva-riva ꞌana e koe: a au he tāvini o te ꞌAtua, ꞌe he ⌊ꞌāpōtoro⌋ ꞌa Ietū Kiritō, kope uŋa mai i a au ki te nuꞌu haꞌataꞌa e te ꞌAtua māꞌana, mo haka pūai i te rāua haka moe iŋa i te manaꞌu ꞌi ruŋa i a ia, ꞌe mo ꞌata haka aŋi-aŋi ki a rāua i te roŋo parautiꞌa o ruŋa i te ⌊Kiritō⌋, he roŋo hāꞌūꞌū i te taŋata mo riro o te rāua noho iŋa noho iŋa tano ki te mata o te ꞌAtua, ki aŋi-aŋi riva-riva ai pē nei ē: e ai rō i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌI raꞌe, paꞌi, ki te aŋa i te ao, i hōrea rō ai e te ꞌAtua i te ora ꞌāpī nei, ꞌe a ia ꞌAtua haka tano i tāꞌana meꞌe kī. ꞌI te hora tano kī e te ꞌAtua i haka ꞌite ai ki te taŋata o ruŋa i te ora ꞌāpī nei hai ⌊roŋo riva-riva o ruŋa i a Ietū Kiritō⌋, he roŋo haka ꞌite oho e au uŋa mai e te ꞌAtua, kope toꞌo i a tātou mai roto i te ūtuꞌa o te hara.

ꞌEvereo 10:22

ꞌO ira, e haka hāhine tātou ki te ꞌAtua hai māhatu, hai haka moe iŋa i te manaꞌu ꞌina he ꞌaka-ꞌaka ꞌi ruŋa i a ia, hai manaꞌu maꞌitaki pa he meꞌe ena: ko pī-pī ꞌā e te toto era o Ietū ꞌe hai hakari maꞌitaki pa he meꞌe ena: ko hopu ꞌā hai vai maꞌitaki.

ꞌEvereo 11:28

He haka moe o Mōtē i te manaꞌu ꞌi ruŋa i te ꞌAtua i aŋa ai i te ⌊ŋoŋoro o te Pakate⌋, pa he meꞌe kī e te ꞌAtua. He uŋa he haka paru hai toto i te ꞌōpani o te hare o te hakaara taꞌatoꞌa o ⌊Itaraera⌋, mo vari roa-roa o te merahi o te mate, ꞌo tiŋaꞌi i te ŋā poki ꞌatariki tane o te itaraera hora tiŋaꞌi era i te ŋā poki ꞌatariki tane o te ehipto.

ꞌEvereo 12:24

ki a Ietū, kope ꞌāꞌana te haka riva-riva i te taŋata ki te ꞌAtua ꞌi te haka tere iŋa ꞌāpī nei ꞌāꞌana ananake ko te taŋata; ꞌe ki te toto haka maꞌitaki i a tātou, he toto ꞌata hau rō atu ki te toto o ⌊ꞌĀvere⌋, toto ani era ki te ꞌati kōpeka.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

1 Pētero 1:14

Pa he ŋā poki haꞌatura ki te ꞌAtua, ꞌina ko haka tano haka ꞌou te kōrua noho iŋa ki te meꞌe taꞌe tano haka tere atu i a kōrua ꞌi muꞌa ꞌā, ꞌi te hora kai ꞌite ꞌana o ruŋa i te ꞌAtua.

1 Pētero 1:19

hai toto hauhaꞌa era o te Kiritō, kope pa he māmoe mo tūtia ꞌina e tahi ōꞌona hape, i toꞌo ai i a kōrua.

1 Pētero 1:20

ꞌI te hora kai aŋa hia ꞌā i te ao, i haꞌataꞌa rō ai e te ꞌAtua i te Kiritō mo te meꞌe nei; ꞌe ꞌi te ŋā hora hopeꞌa nei, i tuꞌu mai ai mo te riva-riva o kōrua.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 2:9

ꞌE a kōrua he huaꞌai toꞌo e te ꞌAtua, he oromatuꞌa aŋa ki te ꞌariki, he nuꞌu haꞌataꞌa māꞌana, ꞌe he taŋata haka tere e ia. Te ꞌAtua, kope haka eꞌa i a kōrua mai roto i te pōhāhā o te meꞌe taꞌe tano mo oꞌo ki roto i tōꞌona mōrī nui-nui ena, i haꞌataꞌa ai i a kōrua mo haka ꞌite mo oho o ruŋa i te meꞌe nui-nui aŋa e ia.

2 Pētero 1:2

Ka rahi ka oho te riva rahi ꞌe te haumārū o te ꞌAtua ꞌi ruŋa i a kōrua ꞌi te hora taꞌatoꞌa ꞌite oho o kōrua o ruŋa i a ia ꞌe o ruŋa i a Ietū, Pūꞌoko Haka Tere o tātou.

2 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e te viꞌe haꞌataꞌa e te ꞌAtua māꞌana ē, ꞌe ki taꞌa ŋā poki. E haŋa rahi rō atu ꞌana a au ki a kōrua, ꞌe taꞌe nō ko au, pē ira takoꞌa ꞌana te nuꞌu ko ꞌite ꞌana i te parautiꞌa

2 Iovani 1:13

Te ŋā poki o tuꞌu taina haꞌataꞌa takoꞌa era e te ꞌAtua māꞌana ꞌī e ꞌaroha atu ena mo kōrua. ꞌIorana.

Hura 1:2

Ka rahi ka oho te haka ꞌaroha, te haumārū ꞌe te haŋa o te ꞌAtua ꞌi ruŋa i a kōrua taꞌatoꞌa.