Ebraaio 1:9 - Buk Taabu Matakin

⁹ U nem aakit a takado na mangamangaan, ma u milikuaana aakaina mangamangaan. Bi ia kabina baa God, anum God, i pilak pa ui ma i taar taa a gaaia ma ra urur taam, baa i ngaala aakit taa ra nuna wetabaar karom a kum teptepaam.” Kele 45:6-7

Ebraaio 1:9 Iomraidhean Croise

Lukaa 4:18

“A Nio ra Tadaaru i ki un iaau, maa ia pilak pa iaau kupi ang warawaai ma ra Koina Wewapua karom a kum iba na taara. Ia tula wa iaau kupi ang warawaai lenbi, din palaa wa diat baa di aa wi baat ta diat, din wababo balet a kum pula, din walaangalaanga wa diat baa diat kariaana a mawaat baa di aa paam taai un diat,

Ioaanes 1:41

A mugaana utnaa Aanderiaas i paami, i baat paa tenalik Simon, ma i wapuai naa, “Miaat aa baat paa a Mesaia!” (a kukuraaina baa Kaarisito).

Ioaanes 10:17

“Tamaang i maari iaau, kabina maa iaau ut iaau taar taa anung lalaaun, kupi namur ang lo paai balet.

Ioaanes 20:17

Iesu i piri taana, “Koku u paam a paning, maa pa iaau waan tato utbaai karom Tamaang. Iaku un waan karom a kum tateng liklik, ma un wapua diat naa ang waan unaanga nate karom Tamaang ma Tamaamuaat, karom anung God ma anumuaat God.”

Ioaanes 3:34

Ia baa God i tula wai, i pirpir ma ra pirpir anun God, ma God i taar araap taa a Takado na Nion karomi.

Aapostolo 10:38

Muaat nunurai naa God ia taar taa a Takado na Nion ma ra dekdek karom Iesu, a te Naasaret. Baa i waanwaan taltalili, i paampaam a koina pinapaam, ma i walaangalaanga pa diat, baa diat ki u ra naagagon anun Saataan. Iesu i paam a kum utnaa mi kabina maa God i ki ungaai mai.

Aapostolo 4:26

A kum king taanga u ra rakrakaan buaal diat tur na wineium, ma ra kum mukmuga diat waan ungaai, kupi diat a baanaakaka a Tadaaru ma anuna Mesaia, ia baa i pilak paai.’ Kele 2:1-2

Aapostolo 4:27

A lingtatuna baa Erodes ma Pontio Pilaato, ma ra kum taara baa wakir a taara Israael, ma ra kum taara Israael kaai, diat waan ungaai u ra taamaan mi kupi diat a baanaakaka anum Gomgom na Tultul Iesu, baa u pilak paai.

A Buk anun Paaulo karom a taara Rom 12:9

In koina baa anumuaat maarmaari in lingtatuna karom a taara. Muaat a milikuaana a aakaina, ma muaat a paam akoto a kum mangamangaan baa i koina.

A Buk anun Paaulo karom a taara Rom 15:13

Ma iaau aaraaring karom God, ia baa daat ki walaang kupi ma ra nurnur kup a koina baa in paami. Iaau aaraaring naa in wateng muaat baa muaat nurnur uni ma ra ngaala na gaaia ma ra maalmaal. Ma u ra dekdek i ra Takado na Nion ut muaat a kiki walaang ma ra ngaala na nurnur kup a koina baa God in paami namur.

1 Korinto 1:9

Ma a utnaa mi baa God i piri in paami ut. Ma i wataa pa muaat kupi muaat a laa ungaai ma Natuna Iesu Kaarisito anundaat Tadaaru.

2 Korinto 11:31

God, Tamaa ra nundaat Tadaaru Iesu Kaarisito, baa a pir walaawa karomi pa in raap ma pa in raap, i nunurai ut baa iaau pir a lingtatuna.

Galaatia 5:22

Iaku, a kum wai ra Takado na Nion bari diat: A maarmaari, a gaaia, a maalmaal, a kini wowowon, a wewaraaut karom te ingen, a takado na mangamangaan, a lingtatuna na pinapaam anun te,

Epeso 1:3

Daat a pir walaawa paa God, a Tamaa ra nundaat Tadaaru Iesu Kaarisito. I wadaan daat ma ra kum utnaa na nion raap taanginaanga u ra maawa, baa daat ki un Kaarisito.

Pilipoi 2:9

Io, God i wangaala paa Kaarisito u ra kini i ngaala aakit inaanga nate, ma i taar taa a iang taana baa i ngaala ko ra kum iang raap,

Ebraaio 2:11

Iesu ungaai ma ra taara baa i wagomgom pa diat ko ra nundiat kum aakaina mangamangaan, raa Tamaandiat ku. Bi ia a kabina baa Iesu pa i wawirwir kupi in waatung diat naa a kum tatena liklik.

Ebraaio 2:9

Iaku daat babo Iesu, ia baa God i wakinalik taai kupi in kinalik taa ra kum aangelo, kinalik na pakaana bung ku, kupi in maat u ra taara raap. I maat kabina maa God i maari diat. Iaku mi, daat baboi naa God ia ung taa in kaaeng na urur ma ra minamaar uni, kabina u ra kinadik ma ra minaat baa i kariaanai.

Ebraaio 7:26

Iesu ia a mukmuga na tena wetabaar, baa i laana waraaut daat. God i gaaia u ra nuna mangamangaan, pa din takuna laar paai un ta aakaina mangamangaan ma i gomgom aakit namataan God. God i waki taai inaanga nate u ra maawa, ingen ko ra aakaina taara.

1 Petero 1:3

Daat a pir walaawa paa God, Tamaa ra nundaat Tadaaru Iesu Kaarisito. U ra nuna ngaala na maarmaari, i buta matakina daat. Io mi, daat ki walaang ma ra nurnur kup a lalaaun takum, kabina maa Iesu Kaarisito i tur balet ko ra minaat.

1 Ioaanes 1:3

Miaat wapua muaat un ia baa miaat aa babo taai ma miaat aa walangoro taai, kupi daat a laa ungaai, welaar ma miaat, miaat laa ungaai ma Tamaandaat, ma Natuna Iesu Kaarisito.

Binabo 2:15

Raa taara kaai kon muaat diat aa murmur a wawer anun Nikolaaos.