Y-Yôhan 5:3 - Klei Aê Diê Blŭ 2015

³ Ti jih adring anăn mâo lu mnuih ruă duam dôk đih, đa êwiên, đa bum ală, đa đŭt jơ̆ng, đa khăng jơ̆ng kngan.

Y-Yôhan 5:3 Iomraidhean Croise

I Bruă Mtao 13:4

Tơdah mtao hmư̆ klei mnuih Aê Diê blŭ, klei ñu ur bi kdơ̆ng hŏng knưl ti ƀuôn Bêthel, Y-Jêrôbôam yơr kngan mơ̆ng knưl, lač, “Mă ñu bĕ!” Leh anăn kngan ñu yơr bi kdơ̆ng hŏng gơ̆ krô hĕ. Snăn ñu amâo dưi lŏ hdui kơ ñu pô ôh.

Klei Bi Hriêng 8:34

Jăk mơak yơh mnuih dôk hmư̆ kâo, kăp dlăng grăp hruê ti ƀăng jang kâo, leh anăn dôk guôn ti ƀăng bhă kâo.

Klei Čŏk Hia 3:26

Jing klei jăk dôk čang guôn hŏng klei ñăt kriêp klei bi mtlaih mơ̆ng Yêhôwa.

Y-Sakari 11:17

Knap mñai yơh kơ mgăt biăp hơăi mang, pô lui hĕ biăp! Brei đao gưm koh ti păl ñu leh anăn ti ală hnuă ñu! Brei păl ñu krô hĕ leh anăn ală hnuă ñu bum mơh!”

Y-Mathiơ 15:30

Phung lu hriê kơ Ñu atăt ba phung đŏng dlơt jơ̆ng, phung êwiên, phung bum ală, phung kmlô, leh anăn lu phung ruă duam mkăn. Arăng dưm digơ̆ ti jơ̆ng Yêsu, leh anăn Ñu bi hlao digơ̆.

Y-Mathiơ 4:24

Snăn arăng hmư̆ hing kơ Ñu tar ƀar čar Siri. Digơ̆ atăt ba kơ Ñu jih phung mnuih ruă duam, mâo klei ruă mdê mdê, đa đa mâo yang jhat dôk hlăm digơ̆, phung mâo klei ruă kñhăk asei mlei, leh anăn phung êwiên. Ñu bi hlao digơ̆ jih.

Y-Luk 7:22

Ñu lŏ wĭt lač kơ digơ̆, “Nao hưn bĕ kơ Y-Yôhan ya klei diih ƀuh leh anăn hmư̆ leh: phung bum ală lŏ dưi ƀuh mngač, phung đŭt jơ̆ng thâo êbat, phung djŏ phŭng lŏ jing doh, phung kngăl lŏ dưi hmư̆, phung djiê lŏ hdĭp, leh anăn phung ƀun ƀin dưi hmư̆ klei mrâo mrang jăk.

Y-Yôhan 5:2

Hlăm ƀuôn Yêrusalem giăm ƀăng jang Biăp mâo sa êa ênao mâo êma bĭt adring, hlăm klei Hêbrơ arăng pia Ƀêtesđa.

Hră Y-Pôl Mơĭt kơ Phung Rôm 8:25

Ƀiădah tơdah drei čang hmăng kơ mnơ̆ng drei ka ƀuh ôh, drei dôk guôn mnơ̆ng anăn hŏng klei gĭr.

Y-Yakơ 5:7

Snăn Ơ phung ayŏng adei, brei diih gĭr tơl Khua Yang lŏ hriê. Nĕ anei, pô ngă hma dôk guôn čiăng mâo boh yuôm mơ̆ng lăn, gĭr dôk guôn tơl mâo êa hjan lĕ rah leh anăn êa hjan knhal êdei.