Y-Yôhan 3:3 - Klei Aê Diê Blŭ 2015

³ Yêsu lŏ wĭt lač kơ ñu, “Kâo lač kơ ih klei sĭt nik, tơdah sa čô amâo mâo klei lŏ bi kkiêng mrâo, ñu amâo dưi ƀuh ƀuôn ala mtao Aê Diê ôh.”

Y-Yôhan 3:3 Iomraidhean Croise

Y-Yêrêmi 5:21

Hmư̆ bĕ klei anei, Ơ phung ƀuôn sang mluk leh anăn amâo mâo klei thâo săng ôh, phung mâo ală ƀiădah amâo thâo ƀuh ôh, phung mâo knga ƀiădah amâo thâo hmư̆ ôh.”

Y-Êsêkiêl 36:26

Kâo srăng brei kơ diih ai tiê mrâo, Kâo srăng dưm hlăm diih mngăt myang mrâo; leh anăn Kâo srăng mă hĕ mơ̆ng diih ai tiê khăng leh anăn brei kơ diih ai tiê êdu êun.

Y-Mathiơ 16:17

Yêsu lŏ wĭt lač kơ gơ̆, “Jăk mơak yơh kơ ih, Ơ Y-Simôn anak Y-Yôna! Kyuadah amâo djŏ kđeh mnuih ôh bi êdah leh klei anăn kơ ih, ƀiădah Ama Kâo hlăm adiê.

Y-Mathiơ 19:24

Kâo lŏ lač kơ diih, ênưih hĭn sa drei aseh samô mŭt ti ƀăng êrŭm hŏng sa čô mdrŏng mŭt hlăm ƀuôn ala mtao Aê Diê.”

Y-Mathiơ 21:31

Hlei pô hlăm phung dua čô anăn ngă klei ama ñu čiăng?” Diñu lŏ wĭt lač, “Pô êlâo anăn.” Yêsu lač kơ diñu, “Sĭt nik Kâo lač kơ diih, phung rĭng jia leh anăn phung mniê knhông mŭt hlăm ƀuôn ala mtao Aê Diê êlâo kơ diih.

Y-Mathiơ 5:18

Kyuadah sĭt nik Kâo lač kơ diih, tơl adiê leh anăn lăn ala êgao tuč, amâo srăng luč sa boh hră amâodah sa klei điêt hĭn hlăm klei bhiăn ôh, tơl jih jang klei anăn srăng bi sĭt.

Y-Markôs 10:14

Ƀiădah tơdah Yêsu ƀuh klei anăn Ñu ăl leh anăn lač kơ phung ƀĭng kna Ñu, “Brei phung hđeh hriê kơ Kâo, đăm ghă digơ̆ ôh, kyuadah ƀuôn ala mtao Aê Diê pioh kơ phung msĕ si digơ̆.

Y-Markôs 9:47

Leh anăn tơdah ală ih bi msoh ih brei ih lĕ, ƀlêč hĕ ñu; jăk hĭn ih mŭt hlăm ƀuôn ala mtao Aê Diê hŏng sa boh ală, kơ ih mâo dua boh ală leh anăn arăng hwiê ih hlăm war pui.

Y-Yôhan 1:13

Phung anăn mâo klei kkiêng, amâo djŏ ôh tui si êrah, kăn djŏ tui si kđeh čiăng amâodah tui si klei ung čiăng rei, ƀiădah tui si klei Aê Diê pô čiăng.

Y-Yôhan 1:5

Klei mngač mtrang hlăm klei mmăt, leh anăn klei mmăt amâo mâo klei dưi hŏng klei mngač ôh.

Y-Yôhan 1:51

Leh anăn Yêsu lač kơ gơ̆, “Kâo lač kơ diih klei sĭt nik, diih srăng ƀuh adiê pŏk mdah, leh anăn phung dĭng buăl jăk Aê Diê đĭ leh anăn trŭn ti Anak Mnuih.”

Y-Yôhan 12:40

“Aê Diê bi bum ală digơ̆ leh anăn bi khăng ai tiê digơ̆, huĭdah digơ̆ ƀuh hŏng ală digơ̆, leh anăn thâo săng hŏng ai tiê digơ̆, leh anăn lŏ wĭt kơ Kâo čiăng kơ Kâo bi hlao digơ̆.”

Y-Yôhan 3:4

Y-Nikôdem lač kơ Gơ̆, “Si sa čô mnuih dưi mâo klei lŏ bi kkiêng tơdah ñu mduôn leh? Dưi mơ̆ ñu lŏ mŭt tal dua hlăm tian amĭ ñu leh anăn lŏ kkiêng?”

II Kôrantô 4:4

Kơ phung amâo đăo anăn, yang ênuk anei guôm hĕ leh klei mĭn diñu, čiăng đăm brei diñu thâo săng klei mngač mơ̆ng klei mrâo mrang jăk kơ klei guh kơang Krist, Pô jing rup Aê Diê.

II Kôrantô 5:17

Kyuanăn tơdah sa čô dôk hlăm Krist, ñu jing mnuih hrih mrâo leh; mnơ̆ng hđăp êgao tuč leh, nĕ anei, jih jang mnơ̆ng jing mrâo leh sơăi.

Galati 6:15

Kyuadah klei khăt klĭt amâo jing yuôm ôh, amâodah klei amâo khăt klĭt kăn jing yuôm rei, knŏng klei jing mnuih Aê Diê hrih mrâo jing yuôm.

Êphêsô 2:1

Diih djiê leh kyua klei gao klei bhiăn leh anăn klei soh,

Klei Mtô Mñă Klei Bhiăn 29:4

Ƀiădah truh kơ hruê anei Yêhôwa amâo tuôm brei ôh kơ diih klei mĭn thâo săng, ală thâo ƀuh, amâodah knga thâo hmư̆.

Y-Tit 3:5

Ñu bi mtlaih leh drei, amâo djŏ kyua bruă kpă drei ngă leh ôh, ƀiădah tui si klei Ñu pô pap, hŏng klei bi doh kbiă hriê mơ̆ng klei lŏ bi kkiêng mrâo, leh anăn klei lŏ bi mrâo hŏng Yang Mngăt Jăk,

Y-Yakơ 3:17

Ƀiădah klei thâo mĭn kbiă hriê mơ̆ng dlông êlâo hĭn jing êngeh, leh anăn êđăp ênang, êdu êun, thâo guôp, bŏ hŏng klei pap mñai leh anăn boh jăk, amâo mâo dlăng ti êngao amâodah ai ngăm ôh.

I Y-Pêtrôs 1:3

Mpŭ mni kơ Aê Diê, Ama Khua Yang drei Yêsu Krist! Hŏng klei Ñu pap prŏng snăk Ñu bi kkiêng drei mrâo leh, brei drei mâo klei čang hmăng hdĭp kyua klei Yêsu Krist kbiă lŏ hdĭp mơ̆ng phung djiê.

I Y-Yôhan 2:29

Tơdah diih thâo Ñu jing kpă, diih dưi thâo sĭt kơ hlei pô ngă klei kpă mâo leh klei kkiêng mơ̆ng Ñu.

I Y-Yôhan 3:9

Hlei pô Aê Diê kkiêng leh amâo ngă klei soh ôh; kyuadah mjeh Aê Diê dôk hlăm ñu, leh anăn ñu amâo dưi lŏ ngă soh ôh, kyuadah Aê Diê kkiêng kơ ñu leh.

I Y-Yôhan 5:1

Hlei pô đăo kơ Yêsu jing Yang Krist, pô anăn kkiêng leh mơ̆ng Aê Diê, leh anăn hlei pô khăp kơ Ama khăp msĕ mơh kơ anak gơ̆.

I Y-Yôhan 5:18

Drei thâo phung Aê Diê kkiêng leh amâo lŏ ngă soh ôh, ƀiădah Pô Aê Diê kkiêng leh kiă kriê ñu, leh anăn yang jhat amâo ruêh ñu ôh.

I Y-Yôhan 5:4

Kyuadah jih jang hlei pô Aê Diê kkiêng leh dưi hŏng lăn ala; leh anăn klei dưi hŏng lăn ala jing klei drei đăo.

Klei Bi Êdah 3:14

“Čih bĕ kơ dĭng buăl jăk Phung Sang Aê Diê ti ƀuôn Laôdisê snei: Nĕ snei Pô Amen lač, Pô hưn sĭt suôr leh anăn sĭt nik, Pô phŭn kơ klei Aê Diê hrih.