Y-Yôhan 3:2 - Klei Aê Diê Blŭ 2015

² Ñu nao kơ Yêsu êjai mlam leh anăn lač kơ Gơ̆, “Rabi, hmei thâo Ih jing sa čô nai kbiă hriê mơ̆ng Aê Diê; kyuadah arăng amâo dưi ngă ôh klei yuôm bhăn Ih ngă anei, knŏng tơdah Aê Diê dôk mbĭt hŏng ñu.”

Y-Yôhan 3:2 Iomraidhean Croise

I Bruă Mtao 17:24

Leh anăn mniê anăn lač kơ Y-Êli, “Ară anei kâo thâo kơ ih jing sa čô mnuih Aê Diê, leh anăn klei Yêhôwa blŭ hlăm ƀăng êgei ih jing klei sĭt.”

Y-Êsai 51:7

Hmư̆ bĕ Kâo, Ơ diih phung thâo klei kpă, phung ƀuôn sang mâo klei bhiăn Kâo hlăm ai tiê. Đăm huĭ ôh kơ klei mnuih ƀuah, leh anăn đăm rŭng răng ôh kơ klei diñu dlao wač.

Y-Yêrêmi 38:16

Snăn Mtao Sêdêkia kat asei hŏng klei hgăm kơ Y-Yêrêmi, “Tui si Yêhôwa dôk hdĭp, Pô mjing leh mngăt drei, kâo amâo srăng bi mdjiê ih amâodah jao ih kơ kngan phung duah bi luč klei hdĭp ih ôh.”

Y-Mathiơ 22:16

Diñu tiŏ nao phung ƀĭng kna diñu mbĭt hŏng phung Hêrôt, lač, “Ơ Nai, hmei thâo kơ Ih jing sa čô pô sĭt klă, mtô klei Aê Diê hŏng klei sĭt nik leh anăn Ih amâo yap mnuih mdê mdê ôh; kyuadah Ih amâo dlăng kơ klei arăng jing ôh.

Y-Mathiơ 23:7

čiăng kơ arăng kkuh kơ diñu hlăm sang mnia, leh anăn čiăng arăng pia Rabi (čiăng lač Nai) kơ diñu.

Y-Mathiơ 23:8

Ƀiădah đăm brei arăng pia Rabi kơ diih ôh, kyuadah diih mâo knŏng sa čô Nai, leh anăn jih jang diih jing ayŏng adei.

Y-Markôs 12:14

Diñu hriê lač kơ Yêsu, “Ơ Nai, hmei thâo kơ Ih jing sĭt klă, leh anăn amâo uêñ si klei arăng mĭn ôh, kyuadah Ih amâo dlăng kơ klei arăng jing ôh, ƀiădah mtô êlan Aê Diê hŏng klei sĭt nik. Bhiăn mơ̆ tuh jia kơ Sêsar amâodah hơăi? Drei srăng tuh jia mơ̆ amâodah hơăi?”

Y-Yôhan 1:38

Yêsu wir dlăng leh anăn ƀuh digơ̆ tui hlue, snăn Yêsu lač kơ digơ̆, “Ya diih duah?” Digơ̆ lač kơ Ñu, “Rabi (čiăng lač Nai), ti anôk Ih dôk?”

Y-Yôhan 10:38

Ƀiădah tơdah Kâo ngă bruă anăn, wăt tơdah diih amâo đăo kơ Kâo dưn, đăo bĕ kơ bruă anăn, čiăng kơ diih dưi thâo săng kơ Ama dôk hlăm Kâo, leh anăn Kâo dôk hlăm Ama.”

Y-Yôhan 12:37

Wăt tơdah Ñu ngă leh lu klei bi knăl yuôm bhăn ti anăp diñu, ăt diñu kăn đăo kơ Ñu rei.

Y-Yôhan 14:10

Ih amâo đăo hĕ kơ Kâo dôk hlăm Ama, leh anăn kơ Ama dôk hlăm Kâo? Klei Kâo blŭ kơ diih Kâo amâo lač hŏng klei kơhưm Kâo pô ôh; ƀiădah Ama Pô dôk hlăm Kâo ngă bruă Ñu.

Y-Yôhan 15:24

Tơdah Kâo amâo tuôm ngă ti krah diñu bruă pô mkăn amâo tuôm ngă, diñu amâo mâo klei soh ôh. Ƀiădah ară anei diñu ƀuh, leh anăn bi êmut leh kơ Kâo wăt kơ Ama Kâo.

Y-Yôhan 2:11

Anei yơh klei bi knăl mdê tal êlâo hĭn Yêsu ngă ti ƀuôn Kana hlăm čar Galilê, bi êdah klei guh kơang Ñu leh anăn phung ƀĭng kna đăo kơ Ñu.

Y-Yôhan 20:16

Yêsu lač kơ ñu, “Ơ H'Mari.” H'Mari wir dlăng leh anăn lač kơ ñu hlăm klei Hêbrơ, “Rabôni!” (čiăng lač “Nai”).

Y-Yôhan 3:26

Diñu nao lač kơ Y-Yôhan, “Ơ Nai, pô dôk leh hŏng ih ti hang nah dih êa krông Yurdan, kơ gơ̆ anăn ih hưn bi sĭt leh, nĕ anei gơ̆ dôk ngă ƀaptem, leh anăn jih jang mnuih nao kơ gơ̆ sơăi.”

Y-Yôhan 4:31

Êjai anăn phung ƀĭng kna mgô̆ Yêsu, “Ơ Nai, huă ƀơ̆ng bĕ.”

Y-Yôhan 5:36

Ƀiădah klei hưn bi sĭt Kâo mâo jing prŏng hĭn kơ klei Y-Yôhan hưn; kyuadah bruă Ama brei Kâo bi leh, bruă anăn Kâo mă ară anei hin, hưn bi sĭt kơ Kâo kơ Ama tiŏ hriê Kâo leh.

Y-Yôhan 6:2

Mâo phung lu tui hlue Ñu, kyuadah digơ̆ ƀuh klei bi knăl yuôm bhăn Yêsu bi hlao leh phung ruă duam.

Y-Yôhan 7:31

Ƀiădah mâo lu mnuih đăo kơ Gơ̆ leh anăn digơ̆ lač, “Tơdah Yang Krist srăng truh, Ñu srăng ngă klei bi knăl yuôm bhăn lu hĭn kơ mnuih anei ngă leh mơ̆?”

Y-Yôhan 9:16

Đa đa phung Pharisi lač, “Mnuih anei amâo kbiă hriê mơ̆ng Aê Diê ôh, kyuadah ñu amâo hdơr mpŭ ôh kơ hruê sabat.” Ƀiădah phung mkăn lač, “Si sa čô mnuih soh dưi ngă klei bi knăl yuôm bhăn msĕ snăn?” Leh anăn mâo klei bi kah mbha hdơ̆ng diñu.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.

Bruă Phung Khua Ƀĭng Kna 2:22

Ơ phung Israel, hmư̆ bĕ klei blŭ anei: Yêsu ƀuôn Nasaret, Pô Aê Diê hưn bi sĭt leh klei Ñu jing ti anăp diih hŏng bruă myang, klei yuôm bhăn, leh anăn klei bi knăl yuôm Aê Diê yua Ñu ngă ti krah diih, msĕ si diih pô thâo leh —

Philip 1:14

Leh anăn kyua klei arăng krư̆ kâo mâo lu hĭn hlăm phung ayŏng adei thâo knang hĭn kơ Khua Yang, leh anăn mâo klei jhŏng hĭn hưn klei Aê Diê blŭ amâo huĭ ôh.

Phung Khua Phat Kđi 6:27

Snăn Y-Gidêôn mă pluh čô dĭng buăl ñu leh anăn ngă tui si Yêhôwa lač leh kơ ñu; ƀiădah kyuadah ñu huĭ đei kơ phung hlăm sang ñu leh anăn kơ phung mnuih hlăm ƀuôn anăn, snăn ñu amâo ngă êjai hruê, ƀiădah ñu ngă êjai mlam.